ازاى اتعلم السواقة على عربيتى من غير ما اضر بالسيارة ؟؟

**mahmoud_magdy** · 11-09-2009 11:55 PM

طبعا الاعضاء ما شاء الله عليهم بيدوك الخلاصه
خلاصة الخبره اللي مروا بيها والتعب
وانت عليك التطبيق
انا اتعلمت السواقه من فتره كبيره ومريت بكل اللي حضرتك بتمر فيه
مع فرق ان مش معايا سياره خاصه
هقولك على شوية ملاحظات تاخد بالك منها اثناء القياده
انا عارف انك في الاول لسه بس دي ملاحظات مهمه اوي

1-على سبيل المثال :- العربيه راكنه وانت رايح مشوار اول ما تركب العربيه تلبس حزام الامان (مهم جدا ) تظبط مرايات العربيه بحيث انك تشوف الطريق كويس جدا تستعمل الاشارات وطبعا تتوكل على الله وتبدأ مشوارك (متنساش تسمي الله قبل ما تبدأ أي حاجه )
2- حافظ على أعصابك وخليك هادي وابدأ سواقتك بحرص وتوقع خطأ الغير
3-وانت ماشي في طريق عينك دايما على المرايه اللي في النص والمرايات الجانبيه وانت بتغير حارتك او داخل ملف ودايما دايما احرص على استخدام الاشاره
4-وانت بتاخد المطبات خدها بالراحه وعلى مهلك واثناء خروجك من المطب جهز النقله بتاعت الفتيس واول ما تخلص المطب دوس بنزين
وتوكل على الله

الملاحظات دي محدش قالهالي بس اخدتها كخبره من الممارسه ومراقبة اصدقائي ومراقبة اي سائق بركب معاه ميكروباص او اتوبيس ايا كان يعني
عاوز اقولك اني كنت لما بركب جمب حد كنت علطول براقبو جدا لحد ما استخلصت الملحوظات دي ودلوقتي بطبقها لما بسوق
في شوية حاجات كمان

1- دايما راجع على مستوى الميه في الريادتير (متفتحش الريادتير والموتور سخن ومطفي ) افتح والعربيه بارده جداااااا او والموتور شغال
والنصيحه اللي دايما بسمعها زود ميه والموتور شغال (دي انا متأكد منها ان شاء الله )
اللي مش متأكد منها وأسأل عليها حد خبير انك ممكن تزود مياه الريادتير اوقات الصباح (يعني موتور العربيه يكون بارد والميه في الريادتير تكون بارده )
السبب علشان الموتور ميبوظش
2- دايما بص على الكوتش اذا كان عاوز يتزود هوا او الضغط عالي
ودي بتروح لحد من بتوع الكاوتش هيظبطلك الموضوع ده
3- وانت بتنقل الفتيس من نقله لنقله مش عاوزك تبص عليه احفظ مكان النقلات وانقل من غير ما تبص لانو النظر للفتيس اثناء النقل ممكن يخليك تسرح معاه (عن تجربه ) ركز في الطريق فقط
4-متمشيش ورا ميكروباص ابداااا او اتوبيس ( عن تجربه بردو )
5-خليك واثق في نفسك واحترم طريق الغير عشان الغير يحترم طريقك يعني متكسرش على عربيه تانيه متاخدش غرزه مغلقه ( مش بالعافيه يعني )
6- مفيش مشكله خالص لو حطيت ورقه على العربيه من ورا وكتبت عليها تعليم (الناس هتحترمك وهتعرف تمشي براحتك )
انا كدا كتبت اللي في دماغي دلوقتي وأي حاجه تانيه هتيجي على بالي هقولهالك علطول ان شاء الله

وأي سؤال ان شاء الله تحت أمرك

اه ملحوظه مهمه اوي اوي اوي لازم تاخدها في الاعتبار
الخبره في القياده بتيجي عن طريق الممارسه يعني كل اما تمارس سواقه كتير كل اما تزداد خبره
والخبره مش بتيجي بسهوله ياما هتمر بمواقف وهتزهق بس انا بقولك اوعى تزهق وخلي السواقه بالنسبالك متعه مش مجرد رحمه من المواصلات سياره تقضي بيها مشاويرك بس

متنساش تدخل منتدى الدايو عشان تتعرف أكثر على عربيتك ومواصفاتها وامكانياتها (مهم اوي)

شكرا لك انك اتحتلي الفرصه دي
اتمنى مكونش تقلت عليك

**dr_sanadedy** · 12-09-2009 01:41 AM

المشاركة الأصلية كتبت بواسطة musiccairo

طبعا الاعضاء ما شاء الله عليهم بيدوك الخلاصه
خلاصة الخبره اللي مروا بيها والتعب
وانت عليك التطبيق
انا اتعلمت السواقه من فتره كبيره ومريت بكل اللي حضرتك بتمر فيه
مع فرق ان مش معايا سياره خاصه
هقولك على شوية ملاحظات تاخد بالك منها اثناء القياده
انا عارف انك في الاول لسه بس دي ملاحظات مهمه اوي

وتوكل على الله

الملاحظات دي محدش قالهالي بس اخدتها كخبره من الممارسه ومراقبة اصدقائي ومراقبة اي سائق بركب معاه ميكروباص او اتوبيس ايا كان يعني
عاوز اقولك اني كنت لما بركب جمب حد كنت علطول براقبو جدا لحد ما استخلصت الملحوظات دي ودلوقتي بطبقها لما بسوق
في شوية حاجات كمان

والنصيحه اللي دايما بسمعها زود ميه والموتور شغال (دي انا متأكد منها ان شاء الله )
اللي مش متأكد منها وأسأل عليها حد خبير انك ممكن تزود مياه الريادتير اوقات الصباح (يعني موتور العربيه يكون بارد والميه في الريادتير تكون بارده )
السبب علشان الموتور ميبوظش

ودي بتروح لحد من بتوع الكاوتش هيظبطلك الموضوع ده

انا كدا كتبت اللي في دماغي دلوقتي وأي حاجه تانيه هتيجي على بالي هقولهالك علطول ان شاء الله

وأي سؤال ان شاء الله تحت أمرك

اه ملحوظه مهمه اوي اوي اوي لازم تاخدها في الاعتبار
الخبره في القياده بتيجي عن طريق الممارسه يعني كل اما تمارس سواقه كتير كل اما تزداد خبره
والخبره مش بتيجي بسهوله ياما هتمر بمواقف وهتزهق بس انا بقولك اوعى تزهق وخلي السواقه بالنسبالك متعه مش مجرد رحمه من المواصلات سياره تقضي بيها مشاويرك بس

متنساش تدخل منتدى الدايو عشان تتعرف أكثر على عربيتك ومواصفاتها وامكانياتها (مهم اوي)

شكرا لك انك اتحتلي الفرصه دي
اتمنى مكونش تقلت عليك

ده انا اللى بشكرك اوى عالمعلومات دى فيها حاجات اول مرة حد يقولهالى
على فكرة بعد ما انت كتبت ردك ده انا خرجت بالعربية تقريبا كان كلامك ده بييجى ف بالى ف حاجات كتير اول ما طلعت ووانا بعدى المطب جزاك الله كل الخير على ردك وفادتك
1

**mahmoud_magdy** · 12-09-2009 02:28 AM

الحمد لله انك استفدت
اهم حاجه التطبيق بقى
موضوع المطب كذلك يتطبق في الملف
يعني وانت داخل على ملف بتمور وتهدي وقبل ما تلف تجيب النقله وتلف وبعد كدا تدوس بنزين
او ممكن تمور وتهدي وتلف وبعد كدا تجيب النقله وتدوس بنزين
شوف انهي اريحلك واعملو

ولو عندك أي اسأله ان شاء الله هتلاقي اجابه ليها

**mucho** · 12-09-2009 01:30 PM

المشاركة الأصلية كتبت بواسطة musiccairo

الحمد لله انك استفدت
اهم حاجه التطبيق بقى
موضوع المطب كذلك يتطبق في الملف
يعني وانت داخل على ملف بتمور وتهدي وقبل ما تلف تجيب النقله وتلف وبعد كدا تدوس بنزين
او ممكن تمور وتهدي وتلف وبعد كدا تجيب النقله وتدوس بنزين
شوف انهي اريحلك واعملو

ولو عندك أي اسأله ان شاء الله هتلاقي اجابه ليها

انا لسه جديد سواقه وبرضوا سمعت الحركه دي من كذا حد بس لما جربت اعملها لاقيت العربيه بتجري مني وانا في الملف هل من المفترض وانا باخد الملف ادوس فرامل معاها ولا ايه ولا ادوس دبرايج ولا ده فيه تحميل عالمحرك موش عارف ياريت تفيدني

والف شكر

**E30power** · 12-09-2009 04:05 PM

المشاركة الأصلية كتبت بواسطة mucho

انا لسه جديد سواقه وبرضوا سمعت الحركه دي من كذا حد بس لما جربت اعملها لاقيت العربيه بتجري مني وانا في الملف هل من المفترض وانا باخد الملف ادوس فرامل معاها ولا ايه ولا ادوس دبرايج ولا ده فيه تحميل عالمحرك موش عارف ياريت تفيدني

والف شكر

اول تدوس دبيرياج للاخرة وهدى بالفرامل السرعة المناسبة ليك وكمل بنزين عادى....
... طول ما سرعتك اقل من التلاتين وانتا بدوس فرامل لازم يكون معاهاة دبرياج علشان ممكن ماتخدش بالك وتبطل منك.....

انا تملى فى نظرى ان السواقة دركسيون مش دوسات ونقلات لان دة بيبقى سينس .............جمد قلبك ومتترددش ابدا ولا تتوتر وسيبك من اليمين خالص علشان لللاسف اليمين فى بلدنا لازم يكون الواحد سويق 10 10 علشان يتجنب الوقوف المفاجىء للميكوباسات والاتوبيسات والذى منة .......
.

**dr_sanadedy** · 12-09-2009 06:30 PM

المشاركة الأصلية كتبت بواسطة musiccairo

الحمد لله انك استفدت
اهم حاجه التطبيق بقى
موضوع المطب كذلك يتطبق في الملف
يعني وانت داخل على ملف بتمور وتهدي وقبل ما تلف تجيب النقله وتلف وبعد كدا تدوس بنزين
او ممكن تمور وتهدي وتلف وبعد كدا تجيب النقله وتدوس بنزين
شوف انهي اريحلك واعملو

ولو عندك أي اسأله ان شاء الله هتلاقي اجابه ليها

تمام كده وجارى التنفيذ
بصراحه انا استفدت من الاجابات ف الموضوع ده واجاباتكم اكتر من اصحابى الللى علمونى السواقة
بجد جزاكم الله خيرا وجعله الله فى ميزان حسناتك

**dr_sanadedy** · 12-09-2009 06:32 PM

المشاركة الأصلية كتبت بواسطة ahmedtefagad

اول تدوس دبيرياج للاخرة وهدى بالفرامل السرعة المناسبة ليك وكمل بنزين عادى....
... طول ما سرعتك اقل من التلاتين وانتا بدوس فرامل لازم يكون معاهاة دبرياج علشان ممكن ماتخدش بالك وتبطل منك.....

انا تملى فى نظرى ان السواقة دركسيون مش دوسات ونقلات لان دة بيبقى سينس .............جمد قلبك ومتترددش ابدا ولا تتوتر وسيبك من اليمين خالص علشان لللاسف اليمين فى بلدنا لازم يكون الواحد سويق 10 10 علشان يتجنب الوقوف المفاجىء للميكوباسات والاتوبيسات والذى منة .......
.

مشكور على الافادة وخاصة ان العربية بتبطل منى كتير انا كمان ومكنتش عارف ليه

**mucho** · 13-09-2009 03:03 AM

[QUOTE=ahmedtefagad;3871985038]اول تدوس دبيرياج للاخرة وهدى بالفرامل السرعة المناسبة ليك وكمل بنزين عادى....
... طول ما سرعتك اقل من التلاتين وانتا بدوس فرامل لازم يكون معاهاة دبرياج علشان ممكن ماتخدش بالك وتبطل منك.....

انا تملى فى نظرى ان السواقة دركسيون مش دوسات ونقلات لان دة بيبقى سينس .............جمد قلبك ومتترددش ابدا ولا تتوتر وسيبك من اليمين خالص علشان لللاسف اليمين فى بلدنا لازم يكون الواحد سويق 10 10 علشان يتجنب الوقوف المفاجىء للميكوباسات والاتوبيسات والذى منة .......
.[/QUOTE

عظيم الف شكر ليك

**ahmedrageh** · 03-10-2009 07:57 AM

لما العربية تبطل ده بيكون بسبب نقص في تغذية الموتور بالبنزين
ده ملخص شديد
خلي بال حضرتك: وازن دواسة البنزين مع الدبرياج و انت طالع من الصفر
لما تدوس بنزين الموتور يوصله بنزين و يحرق و يشتغل
و لما تدوس دبرياج بتفصل الحركه و تسيب الموتور ياخد على قده عشان يفضل شغال
لما تسيب الاتنين الموتور ماتوصلوش ولا نقطة بنزين فيفصل منك
لتلافي الموضوع ده في الاول بس لغاية ما تتعود دوس بنزين سنة خفيفة قبل ما تبدا تسيب رجلك من على الدبرياج
و ماتقلقش مفيش مشكله على العربية خااالص الا لو حصل كتير البطارية بتفرغ شحنها في تدوير العربية
و دي مشكله ظريفة بتتحل بالمشي بالعربية شوية عشان الدينامو يرجع يشحنها تاني

**mindvision** · 05-10-2009 05:34 AM

هي مدرسة السواقة كل فايدتها انك هاتتعلم وتجرب في عربية غير عربيتك...
لكن انا رايي الشخصي ان اللي بيتعلم سواقة مابيبقاش ناقص توتر وهو بيتعلم... كفاية عليه توتر التعليم والاحتكاك بالسواقة.. مايبقاش توتر علي عربيته انه هايبقي خايف عليها كمان...