الموضوع: ازاى اتعلم السواقة على عربيتى من غير ما اضر بالسيارة ؟؟

اللهم صل على محمد وعلى آله وصحبه أجمعين

كل عام وحضراتكم بخير

انا بقالى اسبوع فى مدرسة قيادة تابعة للحى

مراحل التعليم كالتالى:
لو اللى بيتعلم ما عندوش فكرة عن السواقة ....يبدأ فى التحرك للأمام والخلف فى خط مستقيم حوالى 15 متر فقط لا غير ... والنقل يكون على الغيار الأول فقط طبعا

يفضل انه يتم "رفع الكربراتير" فى بداية التعلم
عشان العربية ما تبطلش منك ... وتحس ان العربية بتتحرك بسهوله بمجرد انه ترفع رجلك من على الدبرياج

طبع رفع الكربراتير "يستهلك بنزين اكثر" ... لكن فى المقابل المتعلم يجد انالعربية موش هاتبطل معاه ... وكمان عشان ما يضربش لخمة بين الدبرياج والبنزين
وشوية شوية يبدأ يستخدم البنزين
ثم يبدأ فى إعادة الكربراتير الى وضعه الطبيعى "بعد ما رجلك تاخد حساسية العربية وتقدر تستعمل البنزين مع الدبرياج"

طبعا المشكلة دى تواجه المبتدأ فى الزحام ... وتجنبا لتوقف العربية فى الزحام لازم ترفع الكربراتير "ده فى بداية مرحلة التعلم"

الخطوة الثانية
تبدأ التحرك الى الأمام على شكل "يو تيرن" ثم العوده الى الخلف
وتحاول انك لا تبتعد عن الرصيف كثيرا ... لو خلصت التدريب ده "تبقى مية مية"

الخطوة الثالثة
الله اعلم هايعملوا معايا ايه

لكن الاهم فى ده كله "انك تلاغى" اللى بيعلمك قبل ما تبدأ الدروس ههههههههههه هاتلاقيه مهتم بك جدا ويركز معاك

الوالد الله يرحمه
كان يقول لى احسن حاجة تمشى فى نص الشارع
اللى عايز يجرى يعدى من شمالك
واللى عايز يقف يقف على يمينك
وانت مركز فى منتصف الشارع فقط
لا معطل اللى عايز يجرى ولا ماشى على اليمين "وكل الاجرة والاوتوبيسات والعربيات الراكنة بتكون على اليمين وتسبب لك مشاكل"


فيه راى تانى ههههههههههههههههههههههههه هههههههه
واحد صاحبى يقول لى : انت تمشى على الشمال
قلت له انا : هامشى على الشمال وانا موش بعرف اجرى بالعربية واعطل الناس

قال لى وجه نظر غريبة شوية
قال ايه: لو انت ماشى على الشمال ايه اللى هيبقى على شمالك
هايبقى على شمالك الرصيف
بكده عمر ما فى عربية هاتطلع لك من الشمال
تمام
يبقى كل تركيزك من اى سيارة هاتيجى لك من اليمين

والطريق امامك سالك على طول

طبعا هاتتشتم شوية وهاتسمع كلاكسات وقلة ادب "موش مهم" ههههههههههههه
المهم انك فى السليم وبعيد عند مشاكل الطريق

يعنى كل واحد له دماغه


قال لى كمان حاجة مهمة قوى
قال ايه:
لما الواحد يبص على العربية اللى امامه
ما يبصش على العربية دى فقط
لازم يحاول يبص على العربية اللى امامها كمان
كده يقدر يتوقع ان الشارع هايقف من بدرى .. ويحاول يتصرف قبل ما الشارع ما يقف
طبعا دى حركة يعملها السواقين القدام
انه ينظر الى العربيات اللى امام العربية اللى امامه


قال كمان: ان السواقة "مرايات"
وان اللى ما يعرفش يستخدم المرايات ويشوف الدنيا ماشية ازاى حواليه "هايتعب قوى" ... لازم تستخدم المرايات كويس جدا

اخيرا
لو بترجع بضهرك اوعى تبص امامك قبل ما العربية ما تقف
لانك كده ممكن تريح على اللى وراك قبل ما العربية ما تتوقف تماما

اخيرا درس مهم قوى
كيف الرجوع بالسيار للخلف فى منحنى "حرف ال"

مع اطيب التمنيات
اخوكم حسين غزالة

[youtube]http://www.youtube.com/watch?v=IKd0GXZ39U8&feature=related[/youtube]