الريجاتا بتقطع (بتنتش) !!!

**mtageldeen** · 08-09-2009 10:46 AM

السلام عليكم ورحمة الله وبركاته

المشكلة سأقصها في مشاهد

1-العربية يتقطع علي الأول والثاني وبعد كده السحب ضعيف ولازم أكبس بنزين علي الآخر عشان تمسحب وبتوصل إلي 140

2-ذهبت إلي الميكانيكي في بورسعيد تاني يوم وإذ العربية سليمة وأنا رايح المهم جرب العربية ما يقرب من 30 دقيقة والعربية سليمة قالي يمكن تراب في بنزين 80.

3- سافرت بالعربية بعد يومين وكانت سليمة وبعد مسافة 130 كيلو تقريباً السحب قل وكان لازم أكبس علي البنزين للأخر وعلي السرعات البطيئة بتقطع.

4-ذهبت إلي ميكانيكي في القاهرة وكانت بتقطع فك الإسبراتير وقالي الأبلتين لادع وغيرته ونظف الكاربيراتير والعربية أصبحت سليمة.

5- سافرت تاني بورسعيد وعند الإسماعلية عملتها تاني وقطعت.

6-ذهبت للميكانيكي في بورسعيد وكانت بتقطع وأخبرته أني غيرت الأبلاتين راح معطس العربية وقالي جرب وجدتها سليمة.

7- سافرت إلي القاهرة وعملتها تاني وقطعت ذهبت للميكانيكي في القاهرة وجد الأبلاتين لادع بعد حوالي شهر من تغيره سابقاً قالي غير أبلاتين وكوندنسر وموبينه وغيرتهم والعربية أصبحت سليمة.

8- عملتها تاني وقطعت داخل القاهرة وسافرت بيها وقمت بفك العمة وبيكات الكاربيراتير ونضفتهم ونضفت الكاربيراتير عند ميكانيكي ثالث في بورسعيد وأصبحت كويسة

9-عملتها تاني وقطعت

10-وحالياً كل ماتقطع أقف وفك العمة وفك بيك السلانسية ونظفه وأنفخ بخرطوم في مكان البيك نظف فلتر الهواء وتمشي مظبوط.

11- أخر مرة سافرت عملت الموضوع ده 4 مرات علي الطريق.

أتمني أن تفكرو معي في هذه المشكلة مع العلم إن فلتر البنزين نظيف وعمة الزيت غير موجودة بالعربية.

**aYaBooY** · 08-09-2009 11:11 AM

بص عربية قريب ليا كانت بتعمل نفس المشاكل تقريبا و كان من طقم الصباب
بس انت تقصد ايه بعمة الزيت ؟؟
و عموما ممكن برده تشيك على الاسبراتير نفسة ممكن سكون محتاج طقم جلب علشان كدة الابلاتين بيخلص بسرعة و ممكن خامة الابلاتين وحشة

**mtageldeen** · 08-09-2009 02:43 PM

المشاركة الأصلية كتبت بواسطة ayabooy

بص عربية قريب ليا كانت بتعمل نفس المشاكل تقريبا و كان من طقم الصباب

هل لابد من ظهور دخان في العادم لحرق الزيت في حالة تلف الصبابات؟

المشاركة الأصلية كتبت بواسطة ayabooy

بس انت تقصد ايه بعمة الزيت ؟؟

في بعض الريجاتا يوجد علبة إسطوانيه متصلة من أحد طرفيها بعمة الكاربيراتير والطرف الآخر مفتوح لسحب الهواء وظيفتها تعمل كفلترللهواء قبل دخوله للكاربيراتير وهذه تعمل بالزيت

والعلبة موجودة عندي ولكنها فارغة ليس فيها زيت ولا فلتر.

**aYaBooY** · 08-09-2009 02:53 PM

المشاركة الأصلية كتبت بواسطة mtageldeen

هل لابد من ظهور دخان في العادم لحرق الزيت في حالة تلف الصبابات؟.

لا مكنش بيحصل كدة في العربية الي كونت بحكي عليها

المشاركة الأصلية كتبت بواسطة mtageldeen

في بعض الريجاتا يوجد علبة إسطوانيه متصلة من أحد طرفيها بعمة الكاربيراتير والطرف الآخر مفتوح لسحب الهواء وظيفتها تعمل كفلترللهواء قبل دخوله للكاربيراتير وهذه تعمل بالزيت

والعلبة موجودة عندي ولكنها فارغة ليس فيها زيت ولا فلتر.

طيب معني كدة ان فيه هواء بتراب بيدخل للكاربرايتير و ده يساعد على انسداد البيكات بدري

**mtageldeen** · 08-09-2009 02:57 PM

المشاركة الأصلية كتبت بواسطة ayabooy

طيب معني كدة ان فيه هواء بتراب بيدخل للكاربرايتير و ده يساعد على انسداد البيكات بدري

هذا أحد الإحتمالات التي بذهني
مع العلم أنها هكذا منذ إشتريتها (2/2009) يعني من 7 شهور تقريباً

**aYaBooY** · 08-09-2009 04:44 PM

طيب الفلتر الي بيركب في العمة ديه و بيتحط تحتة زيت اكيد مش غالي
و برده اتاكد من وضع سير الكاتينة علشان لو مش مظبوط العربية هاتعمل حاجات غريبة و لو كنت اشتريت موبينة استيراد لو الشمكلة فضلت موجودة معلش هات واحدة جديدة

**mtageldeen** · 08-09-2009 11:02 PM

المشاركة الأصلية كتبت بواسطة ayabooy

طيب الفلتر الي بيركب في العمة ديه و بيتحط تحتة زيت اكيد مش غالي
و برده اتاكد من وضع سير الكاتينة علشان لو مش مظبوط العربية هاتعمل حاجات غريبة و لو كنت اشتريت موبينة استيراد لو الشمكلة فضلت موجودة معلش هات واحدة جديدة

أنا شاكر جداُ لإهتمامك

والخطوة الجاية لي هي تغير فلتر الهواء والبحث عن العمة الزيت وهجرب العربية.

الموبينة جديدة وليست إستيراد إلا أني بلاحظ أنها بتسخن.

**samirayad** · 09-09-2009 12:05 AM

في بعض الريجاتا يوجد علبة إسطوانيه متصلة من أحد طرفيها بعمة الكاربيراتير والطرف الآخر مفتوح لسحب الهواء وظيفتها تعمل كفلترللهواء قبل دخوله للكاربيراتير وهذه تعمل بالزيت

أنا طبعا مشوفتش الريجاتا اللى بيكون فيها علبه بفلترأسفله كميه من الزيت قبل عمة الكربوراتير
ولكن بما أنها من ضمن تصميم المحرك عندك وموجود النظام ده عندى فى بعض محركات الديزل
فيجب أن تدور عليها
لأن مرور الهواء على فلتر أسفله زيت بيجعل الهواء ينقى من الأتربه والرمال قبل وصوله الى عمة الكربوراتير

لأن لو هواء محمل بتراب ورمال راح للكربوراتير بيسد بيك السلانسيه

ولو الموضوع ده مجبش نتيجه حيبقى العيب غالبا عندك بسبب تلف كاوتش الصباب
وده أنت ممكن تعرفه
لو كشفت على البوجيهات ولقيتها معرقه لون لمعة زيت
يبقى هى دى اللى بتعملك مشاكل على السرعه البطيئه

**mtageldeen** · 09-09-2009 12:28 AM

المشاركة الأصلية كتبت بواسطة samirayad

ولو الموضوع ده مجبش نتيجه حيبقى العيب غالبا عندك بسبب تلف كاوتش الصباب
وده أنت ممكن تعرفه
لو كشفت على البوجيهات ولقيتها معرقه لون لمعة زيت
يبقى هى دى اللى بتعملك مشاكل على السرعه البطيئه

أشكرك علي ردك

أظن أن هذا أيضاً يسبب إنطفاء السيارة علي السرعات البطيئة وهو ما يحدث أحياناً

وهل هذا أيضاً يسبب ضعف السحب علي السرعات العالية؟

ولكن لو المشكلة في الصباب كيف يزول التقطيع مؤقتاً بمجرد تنظيف بيك السلانسية وفلتر الهواء؟

**samirayad** · 09-09-2009 12:37 AM

أظن أن هذا أيضاً يسبب إنطفاء السيارة علي السرعات البطيئة وهو ما يحدث أحياناً

أنطفاء السياره وأنت على السلانسيه بيكون سببه
بيك سلانسيه مسدود
أو تلف كاوتش صباب

وهل هذا أيضاً يسبب ضعف السحب علي السرعات العالية؟

ضعف السحب على سرعات ....غالبا بيبقى ضعف شرارة بوجيهات
بسبب تعريق البوجيهات

ولكن لو المشكلة في الصباب كيف يزول التقطيع مؤقتاً بمجرد تنظيف بيك السلانسية وفلتر الهواء؟

أحتمال يكون تلف الكاوتش بيظهر معاك فى صورة تعريق زيت على البوجيهات مع السرعه
لأن ساق الصباب بتبقى شغاله بسرعه عاليه على الكاوتش
وبكده بتفتحه مع السرعه
ومع التهدئه بتكون البوجيهات تلوثت بالزيت والشراره ضعفت
وبكده تنطفى منك المكنه

وحقولك على حاجه
لماتعملها معاك وتنطفى بعد مشوار على سرعه واطيه
حل البوجيهات وشوف لونها
لو لقيتها لونها بيلمع من أثر تعريق الزيت
يبقى هى دى اللى عامله المشكله

الموضوع: الريجاتا بتقطع (بتنتش) !!!

LinkBack

أدوات الموضوع

عرض

الريجاتا بتقطع (بتنتش) !!! - انشر الموضوع فى :

-

-

-

-

-

-

-

المواضيع المتشابهه

العربيه بتنتش

العربيه بتنتش

بونتو 95 بتنتش

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة