العربية مبتفصلش ورشاشات البي ام مركبوش

مشكلتين:

1. رشاشات الM40 مركبوش عندي لأنهم طلعوا طوال وبالتالي المسطرة مبتركبش مكانها :_Alshmokh08[1]:واضطريت اشوف بتوع الهيونداي اكسنت وبرضو طلعو طوال ولاقينا موتور اكسنت مواصفات اوروبي فكينا المسطرة واخدنا الرشاشات وركبو والحمد لله.

2. الميكانيكي لاحظ أن العربية مبتفصلش تعلي لحد 4500 لفة وتنزل لوحدها وتعلي ... وهكذا.

مجرد محطينا كنترول مكنة مانيوال المكنة فصلت وفاقت بس السلانسيه:B4_388: طبعا مظبتش لأن الكنترول مش نفس الرقم

الغريب بقي جربنا 2 كنترول نفس الرقم ادي نفس العيب وبناء عليه غيرنا بوابة .. حساس كامة .. طلمبة بنزين .. ومش فاكر حاجة كمان ومفيش فايده.:majd(4):

الخلاصه وبعد مشاورة الكهربائي قال العيب كهرباء وليس ميكانيكا ولا حساسات ولسه الكهربائي حيشوفها

محدش قابلته المشكلة دي أو يقولي ممكن اتصرف ازاي :120146b

هى دى عربية بريميوم؟؟

MMamdouh

طيب ماكانت شغاله ولسه أمبارح تقريبا
كنا بنتكلم على أن أمورك تمام تقريبا
أيه اللى قلب الحال بالشكل ده ...........؟

أما أجيب كوبى من كلامك القديم معانا هنا ......ونشوف النظام

اقتباس:

---

من ساعة ما جبت العربية تحديدا من 19/5/2009 وهي بتاكل بنزين وقلت لنفسي مش مهم دلوقت المهم الاساسيات.

ولما عملت الاساسيات واطمنت على العربية ظهر عيب في السلانسيه الصبح وأنا بسخن يبقي عدد اللفات تمام 850 وبعدين يتزل وتبقي العربية عايزه تبطل وبعدين يرفع تاني للطبيعي مرة أو مرتين أو اكتر لو شغلت التكييف وأنا بسخن. وبعد دقيقتين تلاته مدة التسخين يبقي كله تمام ومفيش مشكلة طول اليوم. طنشت وسافرت بها مرتين وتعايشت مع العيب ده ولما اطمنت للعربية تماما الحمد لله قلت لنفسي اخش على التحسينات: أغير الرشاشات علشان استهلاك البنزين واشوف العيب ده بالمرة.

المهم رحت يوم الخميس للحرفيين وجبت طقم رشاشات m40 من المتحدة بورسعيد وخدتهم ب190 جنيه وشفت ميكانيكي دايو يركبهم .. فك الرشاشات القديمة طلعت مختلفة لأن عربيتي كوري 1500 سي سي مش 1600 والرشاشات ركبو على المسطرة بس طوال والمسطرة مركبتش مكانها شوفنا بتوع الهيونداي طلعو طوال برضه لحد ملاقينا زيهم كوري برضو فكيناهم من مكنة هيونداي مواصفات اوروبي وركبو بعد الفطار

وبعدين وده المهم والغريب الميكانيكي سألني اذا كانت العربية مكتومه قلت له من ساعه مجبتها وانا حاسس بكده وقلت لنفسي يمكن علشان اتوماتيك فمبتجمعش على طول فقال الميكانيكي العربية دي بتقطع عند ال4000 لفة ومبتعلاش عن كده.

شك في كنترول العربية وغيرناه بواحد استيراد العربية بقت بتفصل وزي الفل بس السلانسيه مش مضبوط علشان الكنترول مش نفس الرقم لأنه بتاع نوبيرا مانيوال المهم جبنا واحد زي الأصلي بس العيب رجع تاني وجبنا التاني وهي هي قام الميكانيكي اشتغل شغل بدائي بالتجربة والخطأ:
غيرت بوابة وحساس الكامة وطلمبة بنزين وحساس الشكمان وحساسات تانية مش فاكرها لأني زهقت وكنت قاعد بنام منه.
المهم وبعد كل ده العيب هو هو .. الراجل كبرت في دماغة وراح نادى للكهربائي وقعد يرغي معاه أنه مسبش حاجة في الميكانيكا مغيرهاش فالكهربائي قال له ان كل اللى انت عملته ملوش لزمة لأنه عيب كهرباء ولازم يتراجع على الاشارات الخارجة من الكنترول والموبينة.

وقال لي يوم من أوله وخليه يوم الثلاثاء.

سؤالي ياترى العيب ده ممكن يبقي من ايه؟ ونصيحتكم أروح ولا لأ؟ علما بأن الاسكانر مفدنيش قبل كده في موضوع الكتمه دي لدرجة اني اقنعت نفسي ان هي العربية كده وخصوصا ان محمد عبده معلقش على موضوع الكتمه دي في المرتين اللى رحت له فيها.

---

طيب ايه المشكله الاساسيه ياباشمهندس محمد يمكن اقدر اساعدك

اقتباس:

---

المشاركة الأصلية كتبت بواسطة souzoran

طيب ايه المشكله الاساسيه ياباشمهندس محمد يمكن اقدر اساعدك

---

+1

انا ديما الميكانيكى بتاعى لما بشوفة شغال فى نوبيرا 2 اوروبى مش الكورى
واروح انكشة فى اى حاجة يعنى اية الفرق بين المكن الاوروبى والكورى والمصرى
بيقولى الاوروبى البوابة بتاعتة مختلفة شوية و شغلها يخنق غير المصرى والكورى البوابة بتاعتهم واحدة وشغلها سهل عن الاوروبى
الكعبلة كلها فى الاوروبى سواء كانت 1500 او 1600فى البوابة
وخد بالك بردو فى موضوع الكارتة الكارتة بيكون مكتوب عاليها رمز عبارة عن حرف ورقم لازم اللى تركبها تكون زيها بالظبت
عشان هتلاقى كارتة نوبيرا 2 اوتوماتيك
وكارتة نوبيرا 2 مانيوال
ونوبيرا 1 اوتوماتيك
ونوبيرا 1 اتوماتيك
وطبعا بالتالى لو ركبت بتاعت اى واحدة على اى موديل تانى اكيد مش هتقوم بنفس الكفائة دة لو اشتغلت
كل كارتة اكيد ليها وظائف مختلفة عن التانية

اقتباس:

---

المشاركة الأصلية كتبت بواسطة mmamdouh

هى دى عربية بريميوم؟؟

mmamdouh

---

هي كوري 1500 dohc

اقتباس:

---

المشاركة الأصلية كتبت بواسطة samirayad

طيب ماكانت شغاله ولسه أمبارح تقريبا
كنا بنتكلم على أن أمورك تمام تقريبا
أيه اللى قلب الحال بالشكل ده ...........؟

أما أجيب كوبى من كلامك القديم معانا هنا ......ونشوف النظام

---

والله يابشمهندس سمير أنا احترت وحقولك حاليا على اللى عندي:

غيرت الرشاشات باكسنت والظاهر انهم وحشين لأن الدوارة بتطول وبتقل على المارش بالرغم انها مع القدام كانت بدور على طول حتقولي غيرتهم ليه اقولك علشان استهلاك البنزين عالي حوالي 160 كم في الصفيحة ومحمد السيد الكهربائي قال لي ان الاستهلاك عالي بالاسكانر بس مجزمش رشاشات ولا حساس شكمان ولا الاتنين وقلبني بسرعة لأنه كان مشغول. وشكلي كده حرجع الرشاشات دي واركب غيرهم كان نفسي في بوش بتوع البي ام بس طلعوا طوال للأسف ومش عارف اركب ايه ولا أرجع بتوعي؟ أدي اول حيره

المشكلة التانية:

فاكرين لما كنت بقولكم ان العربية بحس انها مخنوقة ... الميكانيكي اللى ركبت عند الرشاشات قبل ميركب الرشاشات بشيك على العربية بكام امبليه كده وهنا لاقى العربية مبتفصلش لأنها عند 4500 لفة بتقطع وتنزل وتعلى كأنها بتفصل على 4500 لفة ... ركب الرشاشات وابتدى رحلة تغيير كل ما هو شاكك فيه زي ما انا حكيت قبل كده في كلامي اللى حضرتك جبته ومفيش فايدة.. المرة الوحدة اللى فصلت وحسيت بعربيتي صح لما ركب كنترول (الكارته اللى ورا البطارية) بتاع المانيوال ولما جبنا 2 كنترول نفس الرقم رجع العيب تاني... وآخر ما زهق شاف كهربائي قال ان ده عيب كهرباء وعايزه يوم من أوله ولسه مرحتش علشان اخد نصيحتكم الأول.

المشكلة الأخيرة ودي بقالها فترة العربية بتعلى وتوطي لوحدها في السلانسيه الصبح بس يعني وهي بارده وتزيد اللخبطة لما افتح التكييف أول ماأدور الصبح تبقي عايزه تبطل تقوم رافعة تاني كام مرة كده وخلاص بس عمرها ما بطلت والحمد لله.

بس كده ... أرجو اني اكون عرفت اوصل لكم المشاكل دي بشكل واضح.

اول مشكله ممكن تكون حساس الشكمان مش الرشاشات لازم تتأكد انها الرشاشات بأنك تروح لواحد يكشف عليهم ويتأكد انهم مش بيسيلو تانى مشكله اكشف على علبه البيئه ممكن تكون هيه السبب وهيه اللى خانقه العربيه وانت بتقول المفروض ان العربيه تفصل عند4500 لفه طب بعد وقت وعلى تفصل على طول اول ماتوصل ل4500 لفه على فكره انا معايا نفس عربيتك بس مانوال1500 cc برده ومش بتفصل عند4500 لفه وعايز اقولك ممكن تكون حاجات بسيطه ومستخبيه بس ماتتسرعش فى حل المشكله

اقتباس:

---

المشاركة الأصلية كتبت بواسطة souzoran

اول مشكله ممكن تكون حساس الشكمان مش الرشاشات لازم تتأكد انها الرشاشات بأنك تروح لواحد يكشف عليهم ويتأكد انهم مش بيسيلو تانى مشكله اكشف على علبه البيئه ممكن تكون هيه السبب وهيه اللى خانقه العربيه وانت بتقول المفروض ان العربيه تفصل عند4500 لفه طب بعد وقت وعلى تفصل على طول اول ماتوصل ل4500 لفه على فكره انا معايا نفس عربيتك بس مانوال1500 cc برده ومش بتفصل عند4500 لفه وعايز اقولك ممكن تكون حاجات بسيطه ومستخبيه بس ماتتسرعش فى حل المشكله

---

والله ياباشا أنا زهقت بس مش مستعجل ومستني رايكم ونصيحتكم قبل ما اتحرك.

وشكرا لاهتمامك

بصراحه يابشمهندس : محمد
أنت محتاج مركز كشف بالأسكانر يكون تمام
حيجيبلك من الآخر
وسيبك من شغل حقل التجارب ده
دور كويس وأسأل على مهندس متخصص فى مركز أسكانر محترم
حيقولك العيب كارتة تحكم ولا رشاشات ولا حساس شكمان

اقتباس:

---

المشاركة الأصلية كتبت بواسطة samirayad

بصراحه يابشمهندس : محمد
أنت محتاج مركز كشف بالأسكانر يكون تمام
حيجيبلك من الآخر
وسيبك من شغل حقل التجارب ده
دور كويس وأسأل على مهندس متخصص فى مركز أسكانر محترم
حيقولك العيب كارتة تحكم ولا رشاشات ولا حساس شكمان

---

الف شكر يابشمهندس سمير وححاول ادور على مركز كويس والله الموفق.

بالتوفيق أن شاء الله
ومن خلال كود العطل اللى حيطلعلك
كله حيبان

فعلا يا هندسة هو دة الحل السليم

الف شكر يا اخواني المشاكل اتحلت والحمد لله...

رحت مركز الصفا للكاربراتير والانجكشن امام عمارات الفاروقية بحسر السويس قاس نضفت الرشاشات الاستراد بالالتراسونيك وقال لي انهم زي الفل وفعلا حاسس بفرق ملحوظ في استهلاك البنزين. وكمان غيرت البوجيهات بngk وحطيت العربية على الاسكانر ومفيش اعطال والحمد لله وكمان قاس نسبة العادم بالجهاز المخصص وطلعت النسبة المثلى وقال لي العربية كده تمام التمام.

بالنسبة لموضوع التفصيل ده طلع ان العربية الاوروبي كده في السلانسيه تفصل فوق ال3000 لفه/دقيقة انما في المشي الميكانيكي طلع معايا على الطريق واداها حته كيك داون خلى العربية تحرق لحد 6500 لفة/دقيقة قامت نتشه تاني في تالت ووصلنا لسرعة عدت ال120 بس الطريق ما اسعفش اكتر من كده والعربية دلوقت ما شاء الله لا قوة إلا بالله.

فاضل مشكلة عدم ثبات الrpm الصبح في السلانسيه لفترة التسخين حوالي دقيقتين هي قلت شوية بس لسه وقال لي الميكانيكي سيبها لحد متكون مستعد ماديا انك تغير البوابة لأنها من العيوب الشائعة في العربيات الاوروبي.

وبكده الحمد لله الحيرة راحت والعربية بقت زي الفل بفضل الله ثم نصائحكم لي.

وشكرا...

الحمد لله ان المشكله طلعت بسيطه وفعلا العربيات الكورى والاوربى مشاكل البوابه كتير فيها بس ممكن تجيبها استيراد وسمعت ان بوابه الاوبترا ممكن تركب عليها بس مش متأكد اخبار مركز الصفا ايه ناس كويسه وفاهمه واسعارهم ايه

اقتباس:

---

المشاركة الأصلية كتبت بواسطة souzoran

الحمد لله ان المشكله طلعت بسيطه وفعلا العربيات الكورى والاوربى مشاكل البوابه كتير فيها بس ممكن تجيبها استيراد وسمعت ان بوابه الاوبترا ممكن تركب عليها بس مش متأكد اخبار مركز الصفا ايه ناس كويسه وفاهمه واسعارهم ايه

---

مركز الصفا ناس فاهمه كويس وعندهم معدات حديثة وزحمة طول الوقت انا كنت العاشر بالرغم اني كنت عندهم الساعة 10:30 صباحا وهما بيفتحو الساعة 10 بس هما منظمين جدا بتاخد رقم بالكمبيوتر كأنك داخل خدمة العملاء في شركات المحمول والفنيين هناك كويسين وواضح انهم مميزين جدا في الكاربيراتير كمان الى جانب الانجكشن لأن الناس بتضبط عنده نسبة العادم قبل الفحص.

الاسعار مصنعية 75 جنيه واشتريت طقم بوجيهات ngk ياباني ب55 جنيه وانا عارف انهم غاليين في قطع الغيار.
بس المصنعية عمل بها حاجات كتير وهي:
1. فك الرشاشات وكشف وتنظيف على جهاز الالتراسونيك وتركيبها
2. تغيير بوجيهات
3. قياس نسبة العادم بالجهاز
4. اسكانر

باجمالي 130 جنيه

في اعتقادي مش وحش.

اسعارهم كويسه وان شاء الله هارحلهم عن قريب شكرا يابشمهندس محمد

اقتباس:

---

الاسعار مصنعية 75 جنيه واشتريت طقم بوجيهات ngk ياباني ب55 جنيه وانا عارف انهم غاليين في قطع الغيار.
بس المصنعية عمل بها حاجات كتير وهي:
1. فك الرشاشات وكشف وتنظيف على جهاز الالتراسونيك وتركيبها
2. تغيير بوجيهات
3. قياس نسبة العادم بالجهاز
4. اسكانر

---

سعر المصنعيه كويس جدآ. كفاية تنظيف الرشاشات بالالتراسونيك.

اقتباس:

---

المشاركة الأصلية كتبت بواسطة souzoran

اسعارهم كويسه وان شاء الله هارحلهم عن قريب شكرا يابشمهندس محمد

---

عفوا وتحت امرك ومعلش مبدخلش كتير اليومين دول

سؤال من واحد مالوش فى الدايو
هى النوبيرا فيها ماف او ماب عشان دى ببساطه اعراضة الكامله بدون نقصان

هما بتوع الصفا دول شغالين فى اوبل كمان و لا دايو بس

اقتباس:

---

المشاركة الأصلية كتبت بواسطة tananybasha

سؤال من واحد مالوش فى الدايو
هى النوبيرا فيها ماف او ماب عشان دى ببساطه اعراضة الكامله بدون نقصان

---

اللانوس و النوبيرا و الليجانزا فيهم MAP

MMamdouh

الحمد لله ان العربية بقت تمام ربنا يملالك فيها البركة
انا بردو سمعت من الميكانيكى ان بوابة النوبيرا الاوروبى غلسة فى اعطالها
بس معلومة انها بتفصل بعد عدد لفات 3000 دى معلومة جديدة نوفى
يالا كل سنة وحضرتك طيب ياهندسة

اقتباس:

---

المشاركة الأصلية كتبت بواسطة tananybasha

هما بتوع الصفا دول شغالين فى اوبل كمان و لا دايو بس

---

في كله أنا شوفت عربيات كتير ومنها القديم كمان

اقتباس:

---

المشاركة الأصلية كتبت بواسطة zocor742

الحمد لله ان العربية بقت تمام ربنا يملالك فيها البركة
انا بردو سمعت من الميكانيكى ان بوابة النوبيرا الاوروبى غلسة فى اعطالها
بس معلومة انها بتفصل بعد عدد لفات 3000 دى معلومة جديدة نوفى
يالا كل سنة وحضرتك طيب ياهندسة

---

وأنت طيب وبالصحة والسلامة وربنا يبارك فيك

انا ركبت رشاشات فى الفيكتلاا بتاعتى بتاعت هيوانداى 2000 سى سى

هو فية عربيات هيونداى 2000سى سى نزلت مصر
اعتقد هتكون بتاعت الجيب او السوناتا او المكنة استيراد
ممكن حضرتك موديل الهيونداى اللى واخد منها الرشاشات

سوناتا = اوروبى

انا ليا سؤال كدة يا رجالة هو مركز الصفا ده عنده اسكانر عشان يكشفغ على العربية الاول قبل ما يبتدى يعمل اى شغل فيها.