السؤال ده بيلح على جدا من مقابله المنتدى الاخيره

تبادلت اطراف الحديث مع الزملاء هنا عن الفورميلا 1 و عالم السباقات عموما ولاحظت ان المعلومات عن الموضوع ده تكاد تكون معدومه بالرغم من ان كل الحاضرين من عشاق السيارات

الموضوع كان غريب جدا بالنسبه لى لأنى اعرف ناس مبتحبش العربيات اساسا ومع ذلك بتتفرج على فورميلا من فرط متعه السباقات ومتابعتها

الخلاصه ومن غير مقدمات , حد مهتم بالفورميلا وعايز يتعلمها ويعرف عنها اكتر ؟ او حد يعرف عنها سطحيا ومحتاج يعرف كل التفاصيل ؟

طيب حد عايز تفرج بس مش فاهم حاجه فى القوانين ؟ او حد حتى عايز يعرف هى ليه ممتعه ؟

بفكر فى زى كورس صغير كدا هنا على المنتدى نتعرف فيه سوا على الفورميلا , تقنيات وامكانيات وحقائق وكمان قوانين السباق وكل شئ عنه وحتى نصل لمرحله تتابعه ازاى

ياريت لو حد ليه ميول للموضوع ده يقول لو وصلنا لعدد كويس ان شاء الله نحاول نشوف ننفذ الفكره التعليميه ازاى

بعض النقط الاساسيه اللى قد تكون اول مره فى ناس تعرفها وهتبين قد ايه عربيه الفورميلا طفره تقنيه بكل المقاييس

المحرك V8 بسعه 2.4 بدون اى شواحن يقدر بكل سهوله ينتج اكثر من 700 حصان مع عدد لفات يصل الى 22 ألف لفه فى الدقيقه ( حاليا تم تحديده عند 18 الف لفه فقط ) مع نظام تدوير للطاقه يحول الطاقه الحراريه من الفرامل الى طاقه ميكانيكيه بقوه 80 حصان تضاف للقوه الاصليه للمحرك

الفتيس من 7 نقلات ويتم نقل السرعه خلال عدد قليل من الملى ثانيه والدبرياج مصنع من الكاربون سيراميك بوزن لا يتعدى الكيلو جرام وبرغم ذلك يتحمل قوه تصل الى 900 حصان

التسارع من الثبات الى 100 كم تقنيا خلال ثانيه واحده ولكن لفرط قوه المحرك يتم الوصول للسرعه مع هدر يصل الى ثانيه واحده فى الانطلاقه بسبب انزلاق العجلات ليصل الزمن الكلى الى ثانيتين و الى 200 كم خلال 3.8 والى 300 كم خلال 8.6 ثانيه مع سرعه قصوى لا تتعدى ال 360 كم فى افضل الظروف

الفرمله من سرعه 100 كم خلال حوالى ثانيه وفى مسافه لا تزيد عن 16 متر , والفرمله من سرعه 200 كم فى الساعه خلال 2.4 ثانيه فى مسافه لا تزيد عن 65 متر

بإمكان سياره الفورميلا 1 من قطع منعطفات على سرعه تصل الى 300 كم مع ضغط جاذبيه ( G Force ) يصل الى 5.5 ضعف ضغط الجاذبيه العادى

وده فيديو تشويقى عن الفورميلا 1

[youtube]http://www.youtube.com/watch?v=DYTwmKOHcGY[/youtube]


ها , حد عايز يتابع السباقات دى ؟