عن المجنون والموبايل والصيام اتحدث

**SeiffoZ** · 10-09-2009 04:10 AM

حضرتك يا أستاذ كريم فعلا ممتاز ..

الفكرة ممتازة ..

و لازم نستخدمها فعلا ...

بس نجيب كاميرا مخصوصة بقى عشان التصوير يبقى تمام هههههههههههه

**Ghost2** · 10-09-2009 06:29 AM

لما حصلت معايا ونزلت وهو بيشتم لطشته قلم كان بيرن على طريق مصر اسكندرية الزراعي وكنا في قليوب وكان في زحمه حوالينا .. ولطشتله واكتشفت بعدها انه ظابط شرطة .. لما قعد يتكلم في التليفون وبتاع ..وكان خابطلي العربيه اساسا .. والناس عماله تشد فيا وتهديني .. قلتله ظابط مش ظابط هنفخك .. ولما بعت جاب اللي جابهم بالتليفون من اقرب نقطه تابعة للمنطقه كنت انا عملت تليفوناتي برده .. وصاحبك بعدها ( وبعد القلم اللي كله على وشه ) وقف يعتذر وانا اسف .. واحنا منقدرش نزعل الباشا .. ( الباشا اللي كلمه على اللاسلكي .. وانا مش عارف وصل لللاسلكي ازاي صراحة .. بص هو جامد اوي يعني )

وده مصير اي ظابط بقابله قليل .. الادب ,, المشكلة ان فئة الظباط المحترمين فيها بقو قليلين .. والله يا كريم انا لو مكانك وده ظابط .. اقسم بجلال الله انا كنت مسحت بيه اسفلت الصحراوي او الدائري ... واصوره بعد كده و ابعت الفيديو للانضباط .. وصاحبك يتحول للاستيداع او يخرج عدم صلاحية .. ويقعد في بيتهم يقور كوسة وبتنجان مع المدام ... ولنا للحديث بقية (اصلي جولاتي مع بتوع الداخلية كتير اوي ) بس مش قليل الادب برده

**mohamed_abzo** · 10-09-2009 10:17 AM

مولد وصاحبه غايب او مغيب او غيبوبة

**human** · 10-09-2009 10:54 AM

يا ريت ماتتهورش كده تانى
لما تلاقى واحد عبيط ابقى سيبه

والناس هنا مستغربه انه معاه طبنجه ليه؟!

يعنى حضرتك نازل تحط الالكتريك فى بقه و مستغرب انه معاه طبنجه؟؟؟

لما نلعب بقانون الغابه توقع انه يكون فى لاعبين اخرين بيلعبوا بقوانين اكثر قسوه

اللى مزعلنى انك قدوه ماينفعش تتهور كده و تقول نزلت احطله الالكتريك

ماتزعلش منى

بس انا فعلا بيجيلى نوع من اليأس من الثقافه العامه ان كل واحد يجرى ورى واحد عبيط عشان قاله كلمتين هبل لو استعوض ربنا فيهم هيبقى خير

مش معقول كل واحد هيقول كلمتين فى ساعه سواقه هنطلع نجرى وراه يقوم شاتم و ننزل نضربه
انا شايف لازم نضبط نفسنا اكتر من كده

**human** · 10-09-2009 10:57 AM

المشاركة الأصلية كتبت بواسطة moshaks

الموضوع ده فكرنى فى بمقطع شوفته لبنت عميد شرطة فى منتهى السفالة بتشوح بالعصا الكهربائية وشتيمة وسب دين
وفى الاخر تتصل بوالدها العميد وتئوله ابعتلى عربية شرطة حاجه فى منهى القذارة وسؤ استخدام السلطة والمقطع اهو

تمت ازالة الفيديو

معلش يا استاذ كريم فى بلدنا ديه كده اليعيش ياما يشوف

_____________
مشرف عام .4

البنت ماطلعتش بنت لواء
جابوها و طلعت بنت عاديه بس عارفه الناس بتترعب من الشرطه

**Karim_Monir** · 10-09-2009 11:38 AM

المشاركة الأصلية كتبت بواسطة mada121977

معلش سؤال صغير ومتواضع
حضرتك ماسألتش نفسك هوا اتعصب كده ليه ؟
يعنى انت كنت سايق وبتتكلم فى الموبايل وممكن تكون وانت سايق كسرت عليه وكان ممكن يحصل حادثه له فده خلاه عصبى جدا والامور تطورت
يعنى انا بحط نفسى مكان اللى قدامى برده واشوف رد الفعل هيبقى ازاى

لاء والله يا باشا
كنت واخد باللي كويس قوي
انا عندي بلوتوث في dvd العربية وكمان كنت مركب السماعة مش معتمد على البلوتوث في اليوم ده
وكنت ماشي هادي قوي وبالراحة عشان العربية كانت باردة لسه ومش عايز اقرص عليها
انت عارف لما تكون ماشي في الشارع على رجلك تلاقي واحد خبطك بكتفة تبصلة يقولك اذا كان عاجبك
اهو ده اللي حصل
عشان كدة بقول علية مش طبيعي

**Karim_Monir** · 10-09-2009 11:45 AM

المشاركة الأصلية كتبت بواسطة human12

يا ريت ماتتهورش كده تانى
لما تلاقى واحد عبيط ابقى سيبه

والناس هنا مستغربه انه معاه طبنجه ليه؟!

يعنى حضرتك نازل تحط الالكتريك فى بقه و مستغرب انه معاه طبنجه؟؟؟

لما نلعب بقانون الغابه توقع انه يكون فى لاعبين اخرين بيلعبوا بقوانين اكثر قسوه

اللى مزعلنى انك قدوه ماينفعش تتهور كده و تقول نزلت احطله الالكتريك

ماتزعلش منى

بس انا فعلا بيجيلى نوع من اليأس من الثقافه العامه ان كل واحد يجرى ورى واحد عبيط عشان قاله كلمتين هبل لو استعوض ربنا فيهم هيبقى خير

مش معقول كل واحد هيقول كلمتين فى ساعه سواقه هنطلع نجرى وراه يقوم شاتم و ننزل نضربه
انا شايف لازم نضبط نفسنا اكتر من كده

طارق باشا
مش مفهوم ثقافة عامة
مفهوم كرامة
مش مجرد كلمتين
لما تضيع كرامتك يبقي مش فاضل حاجة تانية
وساعتها لو معاييش اليكترك هانزل اجيب كوريك العربية وافتح دماغة
الرسول قال من مات دو عرضه فهو شهيد
وانا بعتبر الكرامة جزء من العرض

-

-

الموضوع: عن المجنون والموبايل والصيام اتحدث

LinkBack

أدوات الموضوع

عرض

-

-

-

-

-

-

المواضيع المتشابهه

حد يقولي بيعمل ايه المجنون ده؟

rbm المجنون

انا والصيام والسلبيات

ماذا يفعل هذا المجنون بالبيكانتو ؟؟؟

من الأحمق؟..ومن الأذكى؟.. ومن المجنون؟

الكلمات الدلالية لهذا الموضوع

المفضلات

المفضلات

ضوابط المشاركة