انطباعى عن الجيتا 2009 يعد الاستلام

**bolvegari** · 10-09-2009 03:38 AM

بسم الله الرحمن الرحيم

قال تعالى ( ويرزقكم من حيث لاتعلمون) صدق الله العظيم

الحمد لله رب العالمين الواحد احسن من غيره كتير ومتمناش انى اكون احسن من حد ربنا وفقنى واستلمت العربيه

وده انطباع بسيط لمده نص ساعه فيها بس وبعدين ركنتها

بسم الله ما شاء الله

العزل الداخلى مش محتاج اتكلم عنه خالص ما شاء الله ممتاز

الزينون ممتاز

القعده فيها مريحه جدا

سحبها مجربتوش لانها دلوقتى فى مرحلة التليين

الانوار داخل العربيه ممتازه جدا

طبعا تقريبا جربت اغلبيه الحجات فيها ما عدا الكاسيت لانى مفهمتش فيه حاجه

عيبها الوحيد من وجهة نظرى دواسه البنزين الكترونى استجابتها اقل شويه من الدواسه الى بتكون بوير

وطبعا لما اجرب بقيت الحجات فيها ان شاء الله هعرفكم عليها

واتمنى من كل قلبى ربنا يرزق كل واحد بالى يتمناه والعربيه الى بيحلم بيها

وربنا يحفظنا ويحفظكم من كل شره

**chester16583** · 10-09-2009 04:10 AM

الف الف مبارك عليك العربيه ربنا يكفيك شر طريقها لكن احنا عايزين انظباعك بعد التليين علشان موضوع الدواسات الالكترونى ده ممكن يكون احسن من الواير بعد التليين جرب و احنا مستنيين تعليقاتك على السياره بعد كمان ما تشغل التكييف و الكاسيت و بعد الصيانه الدوريه

**Ahmed Samy** · 10-09-2009 04:12 AM

الف الف مبروك

دي tsi??

صوت الموتور مسموع من الكابينة زي 2008 ولا لأ؟؟؟

**umoussa** · 10-09-2009 05:37 AM

مين قال لسعدتك إن الاستجابة بتاعة الإلكتروني بطيئة؟ دا كلام مش صح، انت حاسس كده لأن العربية اتوماتيك مش أكتر

طيب انا دواسة عربيتي إلكتروني بس على فتيس مانيوال ومش ممكن حد في فئة عربيتي يعرف يطلع مني.

لمعلومات سعادتك، الدواسة العادية راكبة على بوابة عادية والبوابة العادية دي بتبوظ بسرعة غير طبيعية.

وبعدين إزاي يركب مثبت سرعة في عربية دواسة عادة؟؟؟؟؟؟؟؟

الشيء لزوم الشيء

**bolvegari** · 10-09-2009 06:45 AM

المشاركة الأصلية كتبت بواسطة chester16583

الف الف مبارك عليك العربيه ربنا يكفيك شر طريقها لكن احنا عايزين انظباعك بعد التليين علشان موضوع الدواسات الالكترونى ده ممكن يكون احسن من الواير بعد التليين جرب و احنا مستنيين تعليقاتك على السياره بعد كمان ما تشغل التكييف و الكاسيت و بعد الصيانه الدوريه

المشاركة الأصلية كتبت بواسطة ahmed samy

الف الف مبروك

ربنا يخليك نورت الموضوع وان شاء الله هيكون فى تقرير كامل ان شاء الله

دي tsi??

صوت الموتور مسموع من الكابينة زي 2008 ولا لأ؟؟؟

لا يا باشا دى 1600 والصوت اه بتسمعه بس لو الار بى ام على عن 3

المشاركة الأصلية كتبت بواسطة umoussa

مين قال لسعدتك إن الاستجابة بتاعة الإلكتروني بطيئة؟ دا كلام مش صح، انت حاسس كده لأن العربية اتوماتيك مش أكتر

طيب انا دواسة عربيتي إلكتروني بس على فتيس مانيوال ومش ممكن حد في فئة عربيتي يعرف يطلع مني.

لمعلومات سعادتك، الدواسة العادية راكبة على بوابة عادية والبوابة العادية دي بتبوظ بسرعة غير طبيعية.

وبعدين إزاي يركب مثبت سرعة في عربية دواسة عادة؟؟؟؟؟؟؟؟

الشيء لزوم الشيء

اشكرك يا باشمهندس اسامه على مرورك ومعلش اعذرنى اخوك لسه جديد فى الزيرو واخد على الهبد والرزع بتاع المستعمل

بس اكيد حضرتك فاهم الموضوع ده اكتر منى بحكم الاقدميه فى العربيه وبالعكس كلامك فرحنى لان ممكن تكون الاستجابه بطيئه لغاية لما تخلص ال 1500 كيلو الاولى بس سؤال لحضرتك وانا عارف انك خبير فى الموضوع ده

اشغل التكييف فى ال 1500 كيلو الاولى ولا لا انا مشغلتوش ولا مره

**islamaboelnaga** · 10-09-2009 09:18 AM

الف مبروك ياباشا ربنا يباركلك فيها ...اللى اعرفه انك تشغل التكيف عادى ...و على فكره بعد 1500 كم هتلاقى نفسك راكب عربيه تانيه اصلا

**medo20000** · 10-09-2009 12:24 PM

الف الف مبروك ............

**umoussa** · 10-09-2009 03:37 PM

يا عزيزي شغل التكييف عادي

العربية مختبرة في المصنع قبل ما تنزل لسعادتك

بلاش تقرص عليها بس في الأول وبعد كده اعمل الي انت عايزة

ربنا يخلف عليك الخير البركة ويبعد عنك عين الحسد ويديك خيرها ويبعد عنك شرها

**SAiF3S** · 10-09-2009 03:57 PM

الف مبروك عليك اخى العزيز
ربنا يديك خيرها كله ويكفيك شرها ويبارك لك فيها
لسه قدامك شويه علشان تاخد على العربيه البنزين والفرامل و الفتيس مش اقل من اربع خمسه ايام
اول لما ركبت الباسات كان موضوع دواسه البنزين و كمان الفرامل كانت من لمسه فاللى قاعد جانبى كان بيتبهدل
لغايه ماتحس بالعربيه هتلاقيك متحكم و بتلعب بيها كمان
فرق التكنولوجيا بين الفولكس واى عربيه كورى او يابانى من اللى كنا بنركبهم كبيييير جدا فهيخلى عندك شويه رهبه و بتروح على طول

**chester16583** · 10-09-2009 04:05 PM

يا جماعه هو ايه موضوع الكاسيت اللى فى الجيتا اللى الناس مش عارفه تتعامل معاه ده ؟؟؟ هما عاملينه بالشفره و لا ايه ؟
حد يجيبلنا صور توضيحيه عن الكاسيت ده و بيشتغل ازاى و جزاكم الله خير

الموضوع: انطباعى عن الجيتا 2009 يعد الاستلام

LinkBack

أدوات الموضوع

عرض

-

-

-

-

المواضيع المتشابهه

تقرير بعد الاستلام .. عن انطباعى عن التيدا المكسيكى اعلى فئة بفتحة سقف

صيانة الجيتا 2009 الخليجي

انطباعى الكامل من خلال 25000 كم مع البرسونا 2009

سؤال عن تعلية الجيتا 2009

معقوله يكون ده سعر الجيتا 2009 ؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة