الموضوع: اتسرقت مرايات العربية الجديدة

المشاركة الأصلية كتبت بواسطة rembrandt

أنا اسف يبقى أنا فهمت غلط افتكرتة بيسئل على المراية كاملة

يا باشا مفيش داعي للأسف خالص، احنا هنا كلنا بنحاول نفيد بعض مش أكتر ، أرجو إن حضرتك ماتكونش إتضايقت مني

المشاركة الأصلية كتبت بواسطة farahat

يا باشا مفيش داعي للأسف خالص، احنا هنا كلنا بنحاول نفيد بعض مش أكتر ، أرجو إن حضرتك ماتكونش إتضايقت مني

لامتضايقتش ولا حاجة بلعكس انا شاكر لحضرتك للتوضيح
كل عام وانتم بخير

شكراا بجد للجميع على الاهتمام
المهم انا مش هشتريهم قبل لما الاقى جراج اركن فى السيارة
علشان ميجيش ابن الحرامية و ياخدهم تانى
و اول لما اجبهم هكتب اشتريتهم منين و بكان للافادة للجميع
وربنا يخليكو

الحمد الله على قد كده
نزلت اشتريت المريات ( الكفات فقط )
الاثنين بمبلغ 750 جنية بالعافية بعد 900 من واحد اسمه مينا فى التوفيقية شارع ذكى بالقاهرة
و شكلهم مستعملين قبل كده
مش عارف بس جايين فى كيس تعبان كده
و عامل زى اكياس الفينو
زى ميكون هو سارقهم من العربيات
يالا الحمد الله على كده
و هو قالى خالى بالك هما بيسرقو المرايات و العلامات و سنسور مش عارف بتاع اية بجوار الكاتارية الشمال
و شكراا للجميع و خالو بالكوم
انا مركبتش المريات لحين لما اشوف جراج مفيش ولا جراج فاضى على مساحة 200 متر من منزلى

لا خلى بالك يا باشا اهم حاجه الجراج بالزات لعربيه زى bmw 2008 دنا لو مكانك احطها فوق سطوح بيتنا مش فى جراج كمان
ربنا يبارك لك فيها

المشاركة الأصلية كتبت بواسطة د.محمود صلاح

الحمد لله قدر ولطف , ما هو هذا السينسور بالضبط ؟

الحساس اللي بيديلك درجة حرارة الجو الخارجي و ده ممكن تتفادى سرقته بشراء شريط كوليه بلاستيك و تنزل تحت العربيه و تربطه بالشريط في مكان يكون بعيد عن متناول اليد. أما المرايات فملهاش حل للاسف المفك الصغير الصيني ابو جنيه الأصفر ده و يتنطروا في ثواني. للأسف ان من يقومون بهذه الأعمال هم أحداث مدربين على أيدي حرفيين و عارفين بأسرار فك و تركيب البي إم و عارفين كمان اسعار هذه القطع.

بصراحة اول مره اسمع عن سرقة مرايا اللي اعرفو ان اي مراية ما بتتفكش بسهولة
اللي اعرفو حكاية سرقة المركات عموما ربنا يعوض عليك وحافظ بقي علي العربية والمرايات الجديدة