الموضوع: اتسرقت مرايات العربية الجديدة

للعلم و الحفاظ على مراياتكم
سعر الكفة الواحدة فى التوكيل 900 جنية

المشاركة الأصلية كتبت بواسطة mr_sameh

بصراحة اول مره اسمع عن سرقة مرايا اللي اعرفو ان اي مراية ما بتتفكش بسهولة
اللي اعرفو حكاية سرقة المركات عموما ربنا يعوض عليك وحافظ بقي علي العربية والمرايات الجديدة

مرايات الE90 كلها و مرايات الإم لموديل الـُ46 (E46 M3 mirrors) سهلة الخلع تحط مفك رفيع وراها و تنطرها لبره تلاقيها طلعت في إيديك إجراء ما ياخدش 5 ثوان. و بعض مرايات الإم لازم تلف سن حديد صغير خلف المرأه فقط دون الحاجه للنطر أو الضغط و ده بيكون أصعب شويه في الفك لأن اللص يجب أن يعلم مكانه و غالبا بيفتكر أنه مجرد بتتنطر فمنهم من يفشل و منهم من يظل يحاول إلى أن يكسر المرايا و يسبها مكسوره و يمشي.

سرقة المرايات مشهوره و هذا موضوع لشخص سرقت مرايته داخل فندق الجي دبليو مريوت:
http://www.nilemotors.net/Nile/104152-a.html

لا أعلم و لا أعتقد أنه يوجد طريقه لحماية المرايا من السرقه يعني حتى لو هتفكها و تلزقها بإيبوكسي و تركبها تاني بردو ممكن اللص يكسرها أثتاء المحاوله. الحل الوحيد اللي توصلتله أنك كل ما تركن العربيه تفك العلامات و المرايات و أي حاجه تانيه سهلة الفك و ترجع تركبها تاني لما تركب عربيتك. مع التمرين لن تستغرق طويلا. أو تعمل زيي بدي السايس خمسه جنيه و بقوله بإبتسامه فيها ظرف و جديه: لو لقيت فيها حاجه مخدوشه أو ناقصه هجيبك و هدفعك تمنها. طبعا في أماكن زحمه و 5 جنيه ده البقشيش العادي عندها بديله 10 أو عشرين يعني المهم مبلغ يسعده مع تهديد لطيف بلهجه بيئه عشان يفتكر إني بلطجي صايع و جايب العربيه من مال حرام و لن أفرط في أي حته فيها.
أرجو أن تكون الفكره وصلت.