الموضوع: اسطوانة الدبرياج

هو طبيعي جدا ان الدبرياج مبيبقاش ضمن نطاق الضمان لانه بيعتبر من الأجزاء الاستهلاكيه و اللي بتعتمد اعتماد اساسي على قيادة العميل . الا في حالات خاصه ان نوع من السيارات بتتكرر فيه العيوب دي فبيعتبرها المصنع عيوب صناعه متكرره فبيغيروه للعميل مباشرة.
وانصحك تدخل لمدير الصيانه في مودرن موتورز او مدير المركز .و ان شاء الله خير .

اما بالنسبه للصرخه اللي بتسمعها في الدبرياج :

1-لو سحب العربيه ضعيف و ال ار بي ام اعلى من السرعه فزي ما الرجاله قالت انه عيب اسطوانه ودي مفيهاش كلام ولازم تتغير .ولو استنيت عليها ممكن تحتاج تغير ديسك كمان .
2 - لو السحب كويس ومفيش صريخ غير عالسرعه الاولى فقط فدي ممكن يبقالها اكتر من سبب , يا اما سوست الاسطوانه او انها فيها مش ثابته بشكل صحيح في مكانها فلما بتدي السرعه الاولى بتحمل على جزء بس من الاسطوانه وده اللي بيعمل الصوت .

شوف كده و قلنا عملت ايه ياباشا