الفرق بين الميجان والأوبترا كالفرق بين السماء والأرض !!!!!!!!!!
لكن عشان تركب ميجان لارم تكزن مؤهل لركوبها .... حيث أنها عربية شديدة الجمال والشياكة وأرواح ملاكها غالية عليهم نسبة الى معملات الامان العالية التى تتسم بها الميجان ملاكها غالبا من المديرين العموم أو المستشارين أو اساتذة الجامعة , لازم يكون فيه جراج خاص لركن السيارة , لازم تكون من سكان مدينة القاهرة , لازم يكون المبلغ المرصود لها ليس هو آخر ما تملك أقصد يكون لها رصيد من المال فى البنك تحت بند الأعطال أو تكون مأمن عليها , لازم تكون ممن لايفكرون فى تغيير عربياتهم بسهولة
وللعلم الميجان لا تقارن بالاوبترا بل تقارن بالميتسوبيشى لانسر الرياضية 2007 مستعمل مثلا
وعموما سأضع لك مقارنة بسيطة على قدر الفترة التى امتلكت فيها السيارتان ( الميجان والاوبترا )
من الخارج :
جمال التصميم -----> ميجان
متانة الصاج والطلاء ------>ميجان
شكل الواجهه الامامية ------> أجمل فى الميجان
التعليق :
التعليق الخلفى ------> لصالح الميجان ( الاوبترا تعليقها عادى جدا بل بالعكس سيارتى الاوبترا بها مساعد بيخر زيت والتوكيل رفض تغييره بحجة انه خارج الضمان اما تعليق الميجان لما تشوفه من تحت تلاحظ جودة وفكر الصانع الاوروبى ويكفى وجود صدادة لونها سماوى بلاستيكية توجد فى سنتر اليايات لتمنع هبوط السيارة عند تحميلها بالركاب)
التعليق الامامى --------> متشابه تقريبا
الاطارات :
الميجان اطاراتها عريضة وضخمة بالمقارنة بالاوبترا 205\16 - 185\14 ولكن سعر الاطار 950 ج
الابواب :
الميجان أبوابها ثقيلة و فخمة بعكس الاوبترا وكذلك نظام الاقفال فى الميجان من النوع المتطور ( الاوبترا نظام الاقفال بدائى جدا و يوجد مفتاح منضغط بكل باب لكى يغلق نور الصالون بينما هذا المفتاح مدمج فى قفل الميجان )
الزجاج الكهربائى :
بلمسة واحدة صعودا وهبوطا للأربع أبواب وللأربع زراير بجوار السائق - أما الاوبترا فبلمسة واحدة هبوطا لزرار السائق فقط , يوجد بالميجان ميزة عدم غلق الزجاج ( خطأ ) على يد شخص أو رأس طفل ولا يوجد بالاوبترا فيمكن أن تخنق طفلا لو أغلقت الزجاج عليه ناسيا وهذا ليس ببعيد , الزجاج فى الميجان مائل الى الغامق وذالك يحجب الحرارة من الشمس فلا تحس بالحرارة اذا ركنت الميجان فى الشمس , عزل الصوت القادم من الزجاج والابواب فى صالح الميجان حيث الزجاج يبيت حول اطار مخملى بالاضافة الى الربر المحيط بالابواب
الموتور والميكانيكا :
موتور الميجان من رينو وهو من المحركات صديقة البيئة المعمرة أما موتور الاوبترا فلا اعرف له ملة او دين ولم اسمع عن نوبيرا ( موتور الاوبترا ) ماشية 200 الف كم مثلا - صوت موتور الميجان فى السرعات العالية اعلى من الاوبترا - موتور الاوبترا ممكن اى ميكانيكى يلعب فيه - فتيس الميجان ستيبترونيك الكترونى وله صوت زنة واضحة وطبيعية فى الهدوء أما الاوبترا فالفتيس اوتوماتيكى هيدروليكى يمكن صيانته عند اى ميكانيكلى
الفرش ووسائل الرفاهية :
يعجز القلم عن وصفه فى الميجان , أكتفى بذكر الناظام الصوتى العالى فى الميجان بالمقارنة بالضعيف فى الاوبترا
وسائل الامان :
ست وسائد هوائية ونظام فرامل ABS ونظام التوزيع EBD ونظام مرابقة ضغط الاطارات ( يمكن تزويده فى التوكيل ب 1800 ج ) والرفارف الفيبر ونقط الانهيار فى الكبوت والشدادات الالكترونية فى احزمة الامان كل هذا أهل الميجان لأخذ 5 نجوم فى معامل الامان الاوروبية - الاوبترا صفر أمان
سعر اعادة البيع :
من أهم عيوب الميجان
التوكيل :
الميجان يكسب طبعا ويكفى خدمة اسعاف السيارة 16202
صيانة السيارة فى حالة حدوث حادث لاقدر الله ( وهو من أهم أسباب بيعى لها ) :
الاوبترا تكسب طبعا لأن تكلفة اعادة كيس الهواء فى الميجان 6 آلاف ج فقط بخلاف مصاريف الاصلاح الاخرى والتأمين لا يغطى وسائد اللأمان الا بنسبة 25 % فقط ... ولكن لم أسمع عن ميجان عاملة حادث أو مقلوبة لأن اللى راكبها خايف عليها بالإضافة لوسائل الأمان اللى فيها
وكفاية لحد كده شعر فى الميجان ولك حرية القرار وقلبت المواجع عليا
المفضلات