مشكلة عندى فالعربيه البوينتر

**vodanet** · 11-09-2009 06:31 PM

مشكلة عندى فالعربيه البوينتر الا وهى لما ببقى واقف فى ملف ولافف الدريكسون ساعات كتير ادوس بنزين واشيل دبرياج ميعملش حاجه والعربيه ماتمشيش ولا صوت الماتور يطلع بس بتمتشى اقل من القوقعه تحس ان فى حد بيزق من ورا الموضوع ده بيظهر وانا واقف بس سواء واقف باخود يو ترن او واقف على مطلع كوبرى

**vodanet** · 11-09-2009 06:34 PM

مع العلم انا لسه مركب طقم دبرياج عن البشمهندس محمد على والبركه للاستاذ محمد مصطفى هو قالى عليه مركز تمام
بس الموضوع ده كان قبل ما اركب الطقم وقولت اكيد الطقم هيظط الموضوع ده بس محصلش حاجه

**ahit** · 11-09-2009 08:07 PM

هى العربية دى على كبالن؟
ممكن يكون عيب بلية الكوبلن.

**umoussa** · 12-09-2009 06:35 AM

العربية دي 1000 سي سي؟

لو كده يبقى علشان الباور بيحمل على الموتور

**vodanet** · 12-09-2009 07:56 AM

هى كبالن وفعلا الكبالن مكسوره من زمان بس الحوار ده قريب
والعربيه 1000 سى سى بس هى مكنتش بتعمل كده من شهر
و حاجه لاحظتها النهارده وانا على طريق اكتوبر العربيه مش راضيه تعدى ال140 خالص و الار بى ام على 5 ثابت وانا راكب لوحدى ودايس عالاخر

**umoussa** · 12-09-2009 03:16 PM

غالباً لو الاسطوانة بتاعة طقم الدبرياج بتركب يمين وشمال يبقى راكبة بالمشقلب

أو يكون طقم الدبرياج بيفوت

أو يكون مش طقمها أصلاً

**vodanet** · 12-09-2009 04:42 PM

الموضوع ده يا استاذ اسامة من قبل حتى ما اغير الطقم
اظن الطقم ملوش ذنب d:

**umoussa** · 12-09-2009 05:47 PM

هو انت إلى عربيتك كسرت ترس كامة قبل كده؟

وبعدين هو أنا بقول ذنب أو بعدل على حد شغله؟ أنا بقول واقع وبيحصل. طالما بقى العيب موجود من الأول يبقى في عيب حاجة من الاتنين، عيب ميكانيكا أو عيب في الموتور يمكن معرفته من خلال الجهاز بتاع كشف الأعطال. وأعتقد إن دي حاجة سهلة على أي صنايعي بيفهم إنه يعرفها.

**M.Mostafa80** · 12-09-2009 05:54 PM

المشاركة الأصلية كتبت بواسطة vodanet

هى كبالن وفعلا الكبالن مكسوره من زمان بس الحوار ده قريب
والعربيه 1000 سى سى بس هى مكنتش بتعمل كده من شهر
و حاجه لاحظتها النهارده وانا على طريق اكتوبر العربيه مش راضيه تعدى ال140 خالص و الار بى ام على 5 ثابت وانا راكب لوحدى ودايس عالاخر

طبيعى جدا أناه متجيبش اكتر من 140 لو انت ماشى عكس الهواء وخصوصا أن العربيه 1000 يعنى فى الغالب السرعه القصوى 150 كم فى الساعه على 5000 لفه
وطبعا حضرتك الكوبلن لو فيه حاجه ومش مظبوط لازم يعمل اللى حضرتك بتقول عليه ده لأن وظيفه الكوبلن نقل الحركه من الموتور للعجل الأمامى لكى يتم الجر
طب لو فى مشكله بقى فى الجزء ده يبقى طبيعى السحب بطيئ ويمكن مظهرش معاك ألا لما حالتهم بقت سيئه جدا شف وربنا يكرم وأنا معاك
وأتمنى انى أكون وفقت فى أنى أدلك على حد يكون بيفهم ويكون أسعاره كويسه ولو متحلتش المشكله ممكن تروح لأسامه أو تجيلى حسب المكان اللى قريب منك وهنحلها أن شاء الله

**umoussa** · 12-09-2009 06:05 PM

لا إحنا مبنشتغلش في البرازيلي

علشان الراجل ميضربش مشوار على الفاضي

الموضوع: مشكلة عندى فالعربيه البوينتر

LinkBack

أدوات الموضوع

عرض

-

-

-

-

-

-

المواضيع المتشابهه

حاجه هتجنني فالعربيه

مشكلة بخصوص موتور البوينتر

شوية تظبيطات فالعربيه

مشكله فالعربيه عندي

مشكلة غريبة في عداد كياومترت البوينتر

الكلمات الدلالية لهذا الموضوع

المفضلات

المفضلات

ضوابط المشاركة