الحمد لله استلمت الميجان

**Migo123** · 12-09-2009 12:23 AM

بحمد الله استلمت اخيرا الميجان المانيوال وانضميت للوحوش رسميا ..... بس لسه ما مشيتش بالعربيه لاني مش هرخص قبل اسبوع كمان على ما الافراج الجمركي يوصل

شكرا لكل الوحوش اللي ساعدوني في اتخاذ قرار الشراء
وشكر خاص لرامي طنطاوي ......... راجل محترم وخلاني اجرب عربيته المقابله اللي فاتت ... وبصراحه التجربه دي هي اللي حسمت الاختيار لان الميجان المانيوال عمله نادره حتى التوكيل عامل التست درايف للاوتو بس ......... بس بصراحه بعد التجربه القصيره ........ فتيس الميجان المانيوال رائع فعلا والدبرياج خفيف جدا ... والاداء بالنسبه ليه مبهر ماشاء الله
واول ما ابتدي اركب العربيه هبتدي اسأل كتيير :) لاني حسيت اني تايه شويه في اول مشوار

**ramy_gamal** · 12-09-2009 12:39 AM

الف مبروك وربنا يملاهالك بركه ويحميك من شرها

**Migo123** · 12-09-2009 12:42 AM

مش قلت هسأل كتيييييييييييييير

اول سؤال للوحوش
العربيه بدون دلايات اماميه او خلفيه
وطبعا مع اللون الكحلي الجميل الشكل بقى عار على ما وصلت للجراش

حد يعرف يقول الاقي فين الدلايات وبكام؟؟؟؟؟؟؟؟؟
والدواسات هل في نوع معين ينصح بيه

**Ahmed Selim** · 12-09-2009 01:43 AM

ألف مبروك يا وحش

إن شاء الله ربنا يباركلك فيها و يديك خيرها و يكفيك شرها

الدلايات كنت سألت عليها مرة فى التوكيل من زمااااااااان بس كانت بمبلغ وقدره ( تقريباً 500 أو 600 ) بس هما بيبقو بلاستيك مش كاوتش

و الدواسات دى حرية شخصية تماماً و ملهاش أى علاقة بالعربية.

**Ahmed Selim** · 12-09-2009 02:26 AM

المشاركة الأصلية كتبت بواسطة migo123

الله يبارك فيك يا ابوحميد ..... والله انا مبسوط بالعربيه عشان كانت سبب في اني اتعرف عليك وعلى بقيت الوحوش المحترمين .. وربنا يديم المعروف

ودلايات ايه دي بقه اللي ب 500 جندي ......... نشوف الحرفيين ........ ولا هي مبتنزلش حتى الفئات العاليه ؟؟!!

الدواسات اكيد مالهاش علاقه باي حاجه بس بالمره يعني لو حد جرب نوع معين وعجبه لاني بصيت عند سبير كار وملقتش خامات كويس

حاول تشوفها فى الحرفيين............أعتقد بتنزل فى بعض الموديلات برة.

الدواسات اللى عندى كنت جايبهم من موبيل من 4 سنين و نص.........و الحمد لله زى الفل
كانو ب 130 جم ساعتها

**أحمد كمال** · 12-09-2009 03:30 AM

الف مبروك

بالنسبة للدواسات انا جبت طقم دواسات اسود نفس لون فرش ارضية العربية موكيت يعني لازم تدقق عشان تعرف انهم دواسات من عند علي رضا تمنهم حوالي 90 او 100 جنيه مش فاكر بالظبط بس حلوين جدا

**A.Saad** · 12-09-2009 03:31 AM

ممكن تجيب دواسات من مارسو
ليهم فرع فى التوفيقية و ش بورسعيد وش دمشق

-

-

الموضوع: الحمد لله استلمت الميجان

LinkBack

أدوات الموضوع

عرض

الحمد لله استلمت الميجان - انشر الموضوع فى :

-

-

-

-

-

-

المواضيع المتشابهه

الحمد لله استلمت f3

الحمد لله استلمت الميجان

الحمد لله استلمت الميجان النهارده شكرا نيل موتورز علي المشورة

الحمد لله الذي رزقني هذا...الحمد لله استلمت انهارده..H

الكلمات الدلالية لهذا الموضوع

المفضلات

المفضلات

ضوابط المشاركة