هو الواحد ممكن يخلى العربيه تلمع كده ازاى؟

**A.Saad** · 14-09-2009 12:45 AM

موضوع جيد

**EslaM_NagY** · 14-09-2009 01:17 AM

المشاركة الأصلية كتبت بواسطة motorizer

wax, man

بسم الله ما شاء الله

**theking2690** · 14-09-2009 03:06 AM

المشاركة الأصلية كتبت بواسطة motorizer

ألف شكر أحمد ياقوت باشا ربنا يكرمك .

بص يا مصطفي إنت سهل تروح أي مركز كار كير و تدفع بتاع 150 جنيه و هيشقلبولك العربية و يخلوها تبرق لدرجة هتخاف تسند عليها من نضافتها .. بس لو عايز نتيجة مبهرة و في نفس الوقت إنت "محسوك" زي حالاتي فا رأيي إعملها بنفسك و يا ريت يبقي يوم أجازة لأن الموضوع مش سهل و مش مجرد الواكس بس .. هتاخد منك حوالي 6 ساعات برة و جوة بس هتبقي تزبيطة تقعد معاك شهور قدام .

حاجات الكار كير ممكن تكلفك بالكامل - تعمل وحدة صغيرة كدة بيتوتية- حوالي 200 جنيه .. 230 .. يعني قريب من سعر الكار كير بس مع فرق إنك هتستعملها أكتر من مرة .. يعني انا جايب حاجات من أول ما جبت العربية من سنة و نص و فيها حاجات لسة مخلصتش .

دي المجموعة كاملة ما عدا الوايبس أرمور أول بتاعة التابلوه (ممتازة) ..يستحسن تعمل العربية جوة الأول مش عارف ده صح ولا لأ بس انا بعمل كدة .. بعدين تديها غسلة بالمية لوحدها عشان تنزل أي رمل يجرحها .. و تشيل أي حاجة لازقة بعد كدة تديها غسلة بالشامبو و دايماَ تبدأ بالسقف .. بعد الغسيل و التنشيف هتلاقي علبة في شهر الصورة كدة لونها أحمر مكتوب عليها سيمونز .. ده بوليش بلون العربية ممتاز و بيداري كتير في التجاريح و بيدي العربية لمعة حلوة .. وش ظريف .. و بعديها تدي العربية وش الواكس المتين .. و تدهن البلاستيك اللي مش مرشوش بالwd40 و فوم عالعجل .. هتلاقي نتيجة ممتازة .

الحاجات دي عرفتها من موضوع نادر نبيل و موضوع أستاذ توت مع بعض النكش في المواقع الأجنبية و بقيت أجربها .

الف شكر يا محمود على الشرح الجامد ده و بإذن الله هحاول انفذ الفكره بس قولى على مكان اشترى منه الحاجه بتاعت الكار كير

**DeMhA** · 14-09-2009 03:22 AM

ألف شكر يا باشا على المعلوومات المفيدة

**MoToRiZeR** · 14-09-2009 09:31 PM

المشاركة الأصلية كتبت بواسطة theking2690

الف شكر يا محمود على الشرح الجامد ده و بإذن الله هحاول انفذ الفكره بس قولى على مكان اشترى منه الحاجه بتاعت الكار كير

العفو مصطفي باشا، معظم الحاجات دي هتلاقيها في كارفور ما عدا الشامبو هو فرنسي و مبلاقيهوش غير في سليكت اللي بتبقي في شل "و انا مبقفش غير في شيل الصحراوي ممكن تكون هي بس اللي بتجيبه" بس ممكن تستخدم بدل منه رابيدو المصري كويس جداَ و فيه نوع تاني أسباني علبة كبيرة هتلاقيها معاها سفنج .

المالتي كلينر الأرمور أوول الأزرق ده هيفرق جداَ لأنه هينضف الأماكن الصعب تنضيفها زي الفجاوي اللي في الصالون و المج هولدر مثلاَ .. رشه فيه و كور الفوطة و لفها جوة هتلاقيها رجعت جديدة زي ما لسة مستلم .. و إمسح جسم العربية بفوطة مايكروفايبر (زي الزرقة في الصورة) سواء في التنشيف أو البولش و الواكس .. و في الشامبو سفنجة .

و هتلاقي الفوط المايكروفايبر بتتباع في كارفور في قسم السيارات برضه .

**A.Saad** · 15-09-2009 01:49 AM

المشاركة الأصلية كتبت بواسطة MoToRiZeR

العفو مصطفي باشا، معظم الحاجات دي هتلاقيها في كارفور ما عدا الشامبو هو فرنسي و مبلاقيهوش غير في سليكت اللي بتبقي في شل "و انا مبقفش غير في شيل الصحراوي ممكن تكون هي بس اللي بتجيبه" بس ممكن تستخدم بدل منه رابيدو المصري كويس جداَ و فيه نوع تاني أسباني علبة كبيرة هتلاقيها معاها سفنج .

المالتي كلينر الأرمور أوول الأزرق ده هيفرق جداَ لأنه هينضف الأماكن الصعب تنضيفها زي الفجاوي اللي في الصالون و المج هولدر مثلاَ .. رشه فيه و كور الفوطة و لفها جوة هتلاقيها رجعت جديدة زي ما لسة مستلم .. و إمسح جسم العربية بفوطة مايكروفايبر (زي الزرقة في الصورة) سواء في التنشيف أو البولش و الواكس .. و في الشامبو سفنجة .

و هتلاقي الفوط المايكروفايبر بتتباع في كارفور في قسم السيارات برضه .

الفوطة الميكروفيبر
هتلاقيها فى كارفور
وشل
ومحلات 2.5 جنيه

**theking2690** · 15-09-2009 03:17 AM

المشاركة الأصلية كتبت بواسطة motorizer

أشكرك يا باشا .

طريقة دهان الشمع بتبقي عن طريق قطعة سفنج بتيجي معاه أو إنت جيبها المهم تكون ناعمة .
و بتفرش الشمع بطريقة دائرية عالصاج و علي جزء جزء .. الكبوت لوحده .. رفرف لوحده و هكذا ..
و بتسيبه شوية لحد ما ينشف و تلاقي ال haze بتاعة الشمع كدة بتبان عليه إنه خلاص نشف .

تبتدي تمسحه بالفوطة الميكروفايبر و تنتقل لجزء تاني و هتلاقي الفرق ملحوظ جداَ .

بيضيف طبقة شمعية فوق الدهان بتخليه يلمع و بتحافظ عليه إلي جانب إنها بتجعل تنظيف السيارة سهل جداَ .

الف شكر يا محمود و معلش تعبتك معايا

**kajio60** · 18-09-2009 12:19 AM

مشكور يا محمود باشا بس كان ليا طلب
انا اول مرة هعمل الحكاية دى بنفسى ومعرفش الاسامى بتاع المنظفات
فلو تكرمت تقولنا الاسامى للمنظفات دى
ومعلش اتقل عليك لو تكرمت تكتب استخدامهم بالترتيب
وشكرا جزيلا

-

-

الموضوع: هو الواحد ممكن يخلى العربيه تلمع كده ازاى؟

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن حد يقولى ايه اللى يخلى العربيه تجيب زوايا؟

ممكن حد يقولى ازاى المع العربيه

هو ايه الى يخلى العربيه متدورش ؟؟

ازاى تعرف تلمع التابلوه واى حاجه فيبر داخل عربيتك

اعرف ازاى تلمع العربية بالشمع

الكلمات الدلالية لهذا الموضوع

المفضلات

المفضلات

ضوابط المشاركة