الموضوع: هو الواحد ممكن يخلى العربيه تلمع كده ازاى؟

أشكركم جميعاَ علي المرور و الإطراء .

المشاركة الأصلية كتبت بواسطة tofy_urban

طيب لو واحد زيي عايز يريح دماغة و يروح كاركير يعلموا كل ده تنصح بانهي مكان وياتري هايبقي كويس و لا الواحد لازم يعمله بنفسه ,, شكراً

انا معملتش كار كير في أي مركز قبل كدة و أكيد هيبقي كويس لو وقفت علي إيديهم أو رحت من البداية لحد عنده ضمير و متميز في شغله زي باشمهندس تامر في الإسماعيلية .. و كمان بيبقي عندهم معدات أكثر و تجهيزات .

المشاركة الأصلية كتبت بواسطة zicooo2008

موضوع جميل و جزاك الله خيرا ولكن لى طلب صغير ارجو ايضاح المكونات السابقة مع اسعارها

شكراَ لك، حضرتك هتلاقي تفاصيل أكتر في صفحات هذا الموضوع

http://www.nilemotors.net/Nile/95922-a.html

المشاركة الأصلية كتبت بواسطة ahmadmidop

هل في فرق بين فوم العجل وفوم الموتور

نعم، الفوم بتاع الموتور بيبقي معمول بمواد لا تؤثر علي الخراطيم و خلافه لذلك قد تكون تركيبته مختلفة عن فوم العجل و لذلك كل منهم منتج مستقل بذاته .

المشاركة الأصلية كتبت بواسطة zaza2002

انا كنت عايز اسال حضرتك هو فى مكان ممكن الاقى فى( الشامبو الرابيدو المصرى)يكون قريب من مدينة نصر اومصر الجديدة لانى مش لاقيه فى كارفور وبصراحه انا جربته وكان ممتاز لانه فيه شمع وبيدى العربيه لمعه هايله

فعلاَ رابيدو من المنتجات المصرية المتميزة، انا للأسف بعيد أوي عن مدينة نصر و مصر الجديدة فا معنديش معرفة بالأماكن هناك بس أتذكر إني مرة إشتريته من سبينيس سيتي ستارز .