مولد كهرباء محترم

**Ahmed Hassan** · 12-09-2009 09:06 PM

يا تري فيه حد يعرف أماكن لتأجير مولد كهرباء بس حاجه كده محترمه قدرة 300 كيلو فولت؟

**ramylanos** · 13-09-2009 01:25 AM

حضرتك عارف يعني ايه 300 كيلو فولت !!!!!!!!!!

**Ahmed Hassan** · 13-09-2009 01:32 AM

المشاركة الأصلية كتبت بواسطة ramylanos

حضرتك عارف يعني ايه 300 كيلو فولت !!!!!!!!!!

ايوه... يعني مولد محتاجينه يشغل مكان بيجيب فاتورة كهرباء قيمتها ٣٠٠٠٠ جنيه في الشهر

تعرف مكان واحد؟!

**essam275** · 13-09-2009 02:10 AM

حضرتك اضمن مكان ممكن تاجر منه شركة مانتراك وكيل مولدات الكاتربييلر و دول ممكن تعرف ارقامهم من الدليل بس لا اعتقد انك ممكن توفر فلوس دايما الكهرباء ارخص من التوليد بيحتاج ديزل بخلاف الايجار على العموم اسال و ربنا يوفقك لما فيه الخير

**Ahmed Hassan** · 13-09-2009 02:30 AM

المشاركة الأصلية كتبت بواسطة essam275

حضرتك اضمن مكان ممكن تاجر منه شركة مانتراك وكيل مولدات الكاتربييلر و دول ممكن تعرف ارقامهم من الدليل بس لا اعتقد انك ممكن توفر فلوس دايما الكهرباء ارخص من التوليد بيحتاج ديزل بخلاف الايجار على العموم اسال و ربنا يوفقك لما فيه الخير

انا حسبتها... و الديزل و الزيت تقريبا نص تكلفة الكهرباء. لما نشوف الايجار نظامه ايه... و ممكن كمان شراء أن على المدى الطويل كده احسن كتير

**WalidAdel** · 13-09-2009 04:14 AM

ايوا ياباشا انا اقدر اقولك بس اضمنلك شوف نظام التاجيير في مانتراك الاول
لان النظام عندهم من حوالي 10 سنين كان كويس اوي
بيجيلك اتنين يبدلوا مع بعض كل 12 ساعه و واحد قاعد جنبه للجاز و الزيت و الاصلاحات و كده
او لو ممكن حضرتك هايشتغلوا مده طويله تشتري اثنين احسن و اهو معده عندك بدل ماترمي فلوس ايجار كل شهر بتاع 7-8 اللاف مثلا
ممكن اثنين كاتربيلر استيراد و بيبقوا حالتهم زيرو
انا بفتحلك مواضيع و حضرتك شوف اللي يناسبك و انا امشي معاك في اي حاجه انا عندي خبره لاباس بها في الموضوع ده

سؤال اخييير بس حضرتك محتاج 300 كيلو فولت لايه يعني

**أحمد كمال** · 13-09-2009 04:17 AM

فيه شركة اسمها غريب شوية عالدائري مش فاكر اسمها ايه كانوا بياجروا

لو عديت من هناك هاجيب لك النمررة

**WalidAdel** · 13-09-2009 04:36 AM

المشاركة الأصلية كتبت بواسطة mosmafa

هو حضرتك بتخصب يورانيوم ؟؟؟؟؟؟

مافتكرش مالوكان كده كان اشتري مولدات اسهل يعني طالما المشروع قائم مده طويله ان شاء الله

**mazagngi2010** · 13-09-2009 06:58 AM

سيبك من التوكيلات والهجص ده
وخد منى دكر الكلام ولا نتيته زى مابيقولوا من واحد شغال فى صيانه شبكه اتصالات وما ادراك شبكه اتصالات حوالى 30% من مواقعها شغاله على مولدات 45كيلو 24 ساعه مبتقفش الا مثلا نص ساعه فى الاسبوع علشان تغيير زيت وفلاتر وبنتعامل مع حوالى 6 شركات مولدات زى
الكان-ami-airman-alexmar ودول مقبولين
بالاضافه لل2 التقال قوى فى الشغل وانضفهم بجد وكفائه جيده جدا وانا برشحلك تختار شركه من ال2 دول وعندهم كل الكيلوهات واختيارتهم كتير وهما
-الراعى للمولدات من اكثرهم احتراما وجوده وتفانى فى الخدمه ومولداتهم نضيفه جدا وصيانه تماااااااام غير ان الفنيين بيفهموا وعندهم ضمير وعندهم حلول مبتكره لاى مشكله وبرضه عندهم مولدات كاتمه للصوت لو محتاج وده رقم م/منى
0101060317
-عمرو قطامى وده غول عندنا فى اتصالات شركه مخلصه (بتشديد اللام) تحس انك بتشتغل مع معلمين مفيش مشكله بتقف قدامه بنديله المواقع اللى فيها مشاكل ومبنسمعش عنها بعد كده اول مابيمسكها ناس عارفه السوق عايز ايه ولو مولد مكنته قفشت (مع انها نادره)خلال ساعه بيكون فيه واحد شغال مكانه زى الراعى برضه وده رقم م/عمرو قطامى 0106666883-0126666883
وطبعا انسى التفويل والزيت والصيانه مع الناس دى لانهم بيقوموا بكل حاجه وان شاء الله مش هتشيل هم المولد لو اخترت شركه من ال2 دول
وانا شايف انك تتصل بالشركتين دول وتقارن بين عرض اسعارهم وطبعا تلوى دراعهم فى الخصم فى حاله مولد وقف فى غير معاد الصيانه وتحاسبهم بالساعه كمان فى حكايه الوقفان ده وربنا يوفقك وقلنا انت اخترت ايه فى الاخر علشان لو فيه حاجه احسن اكلم الناس عندنا عنها

الموضوع: مولد كهرباء محترم

LinkBack

أدوات الموضوع

عرض

مولد كهرباء محترم - انشر الموضوع فى :

-

-

-

-

المواضيع المتشابهه

مولد كهرباء للبيع

مولد كهرباء أحتياطي للمنزل

طقم زراير كهرباء كامل + طقم مكن زجاج كهرباء + 4 فرش ابواب + 4 كوالين سنتر + 4 أوكر

ساعدوني ابحث عن مولد كهرباء صغير

مولد كهرباء Generator للمصايف والرحلات يعمل بالبنزين والزيت

الكلمات الدلالية لهذا الموضوع

المفضلات

المفضلات

ضوابط المشاركة