شكرا للجميع موضوع رائع رائع رائع
مشكوررررررررررررررررررررر ررين
عرض للطباعة
شكرا للجميع موضوع رائع رائع رائع
مشكوررررررررررررررررررررر ررين
شكراً على المجهود المبذول و الموضوع الجيد الذى طرح مناقشات غاية فى الأهمية و أكيد كل من قرأ هذا المشاركات استفاد كثيراً من وجهات النظر المطروحة
الله يباركلكم على الموضوع ده
أنا شفت ال بوست ده امبارح بالليل وأول مرة اشوفه ...فـحارد على كل رد حسب ما اقراه وآسف إني حطول شوية
أولا : صحيح كل نوع فيه عيوب ...بس الفرق شاسع ...
لما مرسيدس تغلط فيه رد فعل ... في اعترف بالخطأ ....في تصرف على علشان سمعة الشركة ....سيبك من التوكلات المصرية ...ده حاجة والتوكلات في كل الدنيا حاجة تانية .....
وماينفعش نقول كله بيغلط يبقى الصيني زي الباقي ... ده كلام سخيف وسطحي مع احترامي للاخ الكريم اللي بيقولوا ..... ويا اخي العزيز لما تيجي تقارن ما ينفعش تقارن عيوب عامة في الصيني بالعيوب اللي ممكن تحصل في عربية ولا إتنين ولا حتى 1000 في كام مليون أي مصنع من اللي إنت كاتب عنهم دول .....
الميزان اللي نقيس بيه العربيات واضحة في العالم كله ...ممكن نتناقش فيها ..بس إن احنا نقارن العربيات عالاساس المشاكل الفردية دي جديدة ....
لأ أنا مش مفروض أسأل حد يا باشا ....لان رأي الناس اللي مش متخصصة ملوش معنى ...وأي حد ساء 128 وساء بعدها توك توك فيه abs وباور لازم يحلف بجمال التوك توك ده ...بس ده مش معناه إن التوك توك أحسن من ال 128..... زي أي حاجة في الدنيا لو مقريتش عنها وكنت جاهل فيها يبقى أي حد يسألني يبقى غلطان إنه يسألني في ظل ولع المصريين بالفتوى في كل حاجة .... كويس إنك قلت حدوتة الياباني ... أيوه الياباني خد سنين من التجربة قبل ما الناس تثق فيه .... بس ده مش حجة إن كل اللي حيجي حيبقى زيه ....أما الكوري فـللأسف اللي بيعتبروا الكوري عربيات حلوة يبقى برده مبيقراش لان في كل الدنيا الكوري ده آخر حاجة وارخص حاجة ...بس احنا اللي ظروفنا مش كويسة فـخدله قيمة ....في كلمة قالها برنارد شو " مش لازم آكل البيضة كلها علشان أعرف إنها فاسدة ...يعني مش لازم اركب كل العربيات الصيني علشان أعرف لأي مدى هي سيئة ..... أنا تعاملت مع ال a113 a516 m11 ..... وأظن دول كفاية جدا علشان أحكم على العربية .... حتقولي وايه يضمني إنك بتفهم أصلا حقولك أنا مهندس وقضيت آخر سنتين في عمري اتعلم ....ولسة أدامي كتير .... بس العربيات دي ممكن تشرح عليها الحاجات تبقى وحشة إزّي
والله يا doc أنا مش بتعنتز أنا مش معايا عربية أصلا ....بس أنا سقت العربيات وقعدت ابص في كل حتة علشان في الآخر لما أقول حلوة أو وحشة مبقاش كداب قدام ربنا ونفسي وقدام الناس .. لأني طالما اتصدرت واديت رأي ربنا حيحاسبني ولازم أكون صريح ومحايد ... مليش غرض ....
وإن شاء الله حموت بغيظي ....وتحياتي ليك يا doc
مادام ربنا هايحاسب على الاراء يبقى لازم يكون الواحد حيادي في رأيه ويكون كلامة منطقة واهم حاجة بقه ماتعممش كل واحد ليه تجربة ومش معقول ان الناس اللي معاها العربيات دي كلها وبتقول كويسة كدابين كلهم وواحد بس هو اللي صادق اللي بيقول انها وحشة يبقى برده أكيد هي حالات فردية مش عامة يا جماعة ماينفعش نعمم الكلام على عربية الرينو اللي عاملة موديلات 130 و 140 ألف وبتوصل ل 200 ألف هي برضو اللي عاملة اللوجان اللي بيسموها عربية اقتصادية ونص الحاجات اللي فيها مش شغالة بحجة توفير الفلوس (دة من كلام ملاكها من المنتدى هنا) ده غير المشكل اللي بس الناس بتدافع علشان رينو ويقولوا الحاجات دي هاتتظبط بعد التليين وناس تقول موجودة وناس تقول مش موجودة وفي حاجات زي ما انت بتقول (عامة) زي هزة الفتيس اللي عند 99% من ملاك اللوجان زي اللي في ال128
على فكرة انا بصدد شراء سيارة جديدة ومحتار بين الاسبرانزا واللوجان يعني انا مش مع الاسبرانزا ومش ضد اللوجان انا بس قريت عن الاتنين وشوفت مميزات وعيوب الاتنين وماينفعش اعمم عيب أو مشكلة بتظهر في عربية وكل واحد وليها مميزات وعيوب بدليل ان الاثنين بيتباعوا بنفس السعر ولو لاحظت تلاقي انتشار الاسبرانزا اكتر
آسف جدا على الاطالة ويا ريت ماحدش ياخد كلامي بمحمل وحش كلنا أخوات وكلنا داخلين هنا علشان كل واحد يقول تجربته ليستفيد بيها الاخرين ونساعد لو حد محتاج مساعدة
dear sir , firstly i must state that any difference you will see in the next few lines is only my opinion and that there is nothing personally....and i fully respect you and your opinion.
secondly :chery automotive isnt a large automaker it only produced 350,560 cars at the year 2008 ...please read this pdf which will provide you with more info about this issue
http://oica.net/wp-......./uploads/w...nking-2008.pdf
thirdly: i watched the m11 yes it tries hard to LOOK like a german car but the differences are obvious and huge .....you cant even compaire both cars ....in my personal opinion comparing chineese cars to dummy cars like hyndais and KIAs will not be in the favor of the chinese cars...in all the aspects.
fourthly: you said in your third point you must drive the car for a while to judge it ...although i totaly dissagree with you as this is a matter of knowledge and experience as both knowledge and experience can save you time ...as instead of driving the car for a week ... you just drive it once or twice and search for certain points like the accelration , the power ,how do you feel the power of the car when you drive it , the steering , the way and sound of the shifts and many other things its a bit of knowledge and experence plus a bit of sensation , you must be a car fan to feel it .
fifth:you drive a subaru imperza ...honstly sir how can you feel that there is no difference in every single bit ...every corner you take...every time you push the pedale .... the quality of the cockpit the seats even the touch of the gear lever ...i really dont know .
six: yes all cars are over priced i do agree
seven :every day we hear about accidents on all the roads , if we dont have the safety equipment ,....then at least lets have a body that can tries to protect us .... what you are saying ?....hyunadis kias & all koreans know now that to survive in europe they should pass the euro ncap so all koreans are at least 3 star reated many are 4 or even 5 stars ...i hate koeran cars but they are more safer sir ....
I PROUDLY SOLD THE AVEO TO BUY MY WIFE THE TIGGO AND IT'S WORTH EVERY PIASTER
good luck sir , but honestly i dont know what to say ...you sold a shitty car to buy a more shittier car ... i will never defend the aveo ... but i think you made 2 bad decissions the first is buying an AVEO and the second is buying the tiggo
WISE UP FOLKS............FEW YEARS TO COME,YOU'LL SEE WHAT PRICES THE CHINESE CARS WILL BE AND ALL KOREAN CARS WILL BE HISTORY OR AT LEAST FIGHTING FOR A PIECE OF THE MARKET BESIDE CHINESE CARS
that will never happen as after all those years of japanesse cars ( more than 60 years ) they are still considered no. 2 after the europian cars ...yes i know they sell more but in technology ..innovations and ride quality ...they stilll are no.2 . and american will always be the third .... so i dont care who is playing for the fourth place whether its chinnese or korean cars ...honestly i dont care .
at the end thank you for reading all that .
and may god protect both of your cars.
محدش سأل نفسه ليه الفرق الرهيب فى السعر ده بين الصينى واى منتج تانى
اكيد فى الجودة
الصين بتدحك علينا بالكماليات والشكل والسعر الرخيص لكن مفيش جودة بيستخدموا اسوء الخامات
والى مش مصدق يشوف اختبارات التصادم الاوروبية العربيات الصينى عاملة فيها ازاى
Ford taps Chinese automaker Geely as lead bidder for Volvo - Oct. 28, 2009
الخبر بالرابط بالاعلي يقول ان شركة جيلي الصينية ستستحوز علي شركة فولفو في القريب العاجل.و ستصنع فولفوا في الصين
بس هل بعد هذا الاستحواذ. هنقول علي الفولفو صيني و بلاش منها. ؟؟؟
هل دا سيؤثر علي نظرتنا لشركة جيلي نفسها بصفتها اصبحت تمتلك خبر فولفوا في الامان. اما ان النظرة ان جيلي اشترت فولفوا لتصنعها من اردأ المواد الصينية مستغلة الاسم فقط.
الحقيقة الشركات الصيني و الهندي اشترت اعرق الماركات الامريكية و الاوروبية مثل جاجور و لاند روفر و هامر و ......
و اكيد انهم حايستفيدوا من خبرتهم في عالم صناعة السيارات مش بس باسمهم
والله يا استاذ ايهاب حسستني ان احنا في الامم المتحدة و بتهاجم اسرائيل ...... :B4_237:
يا اخوانا يا حبايبنا ..... اعطي كل زي حق حقه .....
ماروحش اجيب عربية ب 70 زي عربيه ب 150
انما بدون مقارنات ..... ايه وحش في العربية ؟؟؟؟؟ ايه و حش في التوكيل ؟؟؟؟ ايه مابيظبطش؟؟؟؟؟ ايه شاكلfatal او مشاكل في الoptions بتبوظ او مبتأديش وظيفتها ؟؟؟؟؟
مقولش العفشة ناشفة ده عيب .... لا ده مدرسة لوحدها .... انما كون ان انا مش عجباني دي حاجة تانيه ....
مقولش المتور صوته عالي الا لما اربطه بالجهد اللي عليه الصوت ظهر .. يعني عالي علي rpm 7 يبقي المتور وحش ولا ده عيب مني انا ؟؟؟؟؟
مقولش الoptions مش هتشتغل غير لما ماتشتغلش .....
الحيادية للافادة ......... كلنا مصلحتنا عربية رخيصة و بنت حلال ان شاء الله يكون اسمها عطيات و متصنعة في باكوكو و متجمعة تحت بير السلم
أيوه يا باشا حيستفيدوا..... بس السؤال فولفو بالها كام سنة في GM يا ترى غيرت في GM قد ايه ؟
proton بالها كام سنة مالكة لوتس أحسن شركة في موضوع ال HANDLING في العالم .... مغيرتش كتير .... تاتا اشتريت جاجوار بس مازالت الشركتين منفصلتين ....آه صحيح ده حيختصر سنين من الوقت اللي حتحتاجو الشركات الجديدة .... بس برده في حد لل technology transfer لانه برده مش حيموت الشركة القديمة
ووعد مني لما الجيلي تعمل عربيات في جودة الكوري حتى حعاملها زي الكوري ...أنا ما عنديش مشكلة مع الماركات الجديدة أنا مش شريك في bmw مثلا فخايف ....أنا كل مشكلتي انهم حاليا ميستاهلوش التمن ولا يستاهلوا حتى يتبص عليهم
أخي أستاذ إيهاب
أنا ماقصدش والله دي مجرد دعابة والله مش مقصود بيها أي حاجة وحشة هزار يعني وعموما أنا آسف
بس بجد نصيحة برضوا مافيش حاجة وحشة 100% وبرضوا مافيش حاجة كويسة 100% يعني باختصار ومش هاطول عليك المرسيدس اللي انا ماعرفش موديلها دي ام 500 ألف وأكتر بالنسبة ليا فيها عيب خطير يخليني ماشتريهاش خالص وهو سعرها فكل حاجة وليها تمنها والا ماكنتش تلاقي حد راكب سيات ب 5000 جنية وهي كل يوم عند الميكانيكي أكيد على قد فلوسه يعني فحدود امكانياتي بقارن ومش معقولة برضوا ان يكون العدد الرهيب ده من الناس اللي اشترت العربية مابيفهموش
والله انا مش بدافع بس انا موقفي حيادي شوية يعني برضو مش ضد العربية على طول الخط ماينفعش
وآسف مرة تانية
يعنى انا عملت الموضوع ده عشان الناس تهدى وتقارن بهدوء بدل الشد والجذب
اغيب حبتين واجى الاقى الخناقة اتنقلت هنا !!!!
شعب غاوى شكل
كلام سليم
100 في 100
جزاك الله خير الجزاء على المجهود الرائع بجد وانا بجمع معلومات عن اسبرنزا تيجو وكلامك ده أعطانى ثقة فى قرار الشراء والله الموفق
تسلم ياباشا على المجهود الجبار ..
2- العضو hossamdoaaa
قال ( واحد صاحبى عنده a5 راح يعمل صيانة 150 الف فى التوكيل قالوله فى صيانة ال 150 لازم يتغير حاجة اسمها بلو بلف فى العربية وثمنها 14000 جنيه هل ده صحيح ؟ وايه وظيفة القطعة دى؟؟؟؟ )
وده اللينك
(بلو بلف فى اوكتافيا a5 بـ 14000 جنيه فى التوكيل!!!!!!!!!)http://www.nilemotors.net/Nile/89307-a5-14000-a.html
وطبعا لو السعر ده فى الصينى كانت قامت مظاهرة قفلوا المصنع
وده غير مقلب الفابيا ومالى ذلك
باشا ، ما هو مقلب الفابيا هذا أصلي لسة جايبها ؟؟
أنا كنت معاصر بداية نزول العربيات الدايو في مصر (سبيرو) كان فيه ناس معجبين بيها خصوصا اللي جربوها والباقي كان يقولك يا عم أروح أجيب عربية كوري
نفس الكلام دلوقتي الصيني مع إن فيه شركات كتير أثبتت نفسها في السوق وبعدين كل العيوب اللي بيقول عليها الناس دي مقارنة بالسعر تبقى كلام فاضي
... وهو الكوري السبت نفسه ... فرق بين حكم الظروف المادية والجودة والكفاءة , وافتكر إن لو معاك فلوس حتجري على الالماني ....
أما موضوع السعر مقابل العيوب ... آه لو هم بيدنا العربية ببلاش ... إنما للأسف ده مش بيحصل ... وحضرتك زي الباشا بتروح تشتري ابو جنيه بجنيه ونص ومبسوط قوي ... لو حضرتك عايز أي حاجة .. دي مشكلتك ... بس للأسف اللي يشتري عربية زي دي يبقى جابه ل نفسه
أنا حفكر معاكوا بصوت عالي ونشوف حنوصل لايه
انا دكتور في بدايه حياتي ومعايا عربيه دايو 2005 كنت شاريها زيروا و الحمد لله مشفتش منها اي مشكله لحد دلوقتي بس زهقت منها وعاوز أغير المواصفات الي في دماغي
انها تكون عربيه عاليه وشكلها حلوا وفيها وسائل امان وده بينطبق علي العربيات الاتيه
1- ماتركس:
سعرها معقول بس مفيش وسائل امان بجانب انها تقفيل تركي بس عربيه موجوده في مصر من فتره وليها سمعتها.مش عارف صراحه بس شكلها بالنسبه لي حلو
2- الفيتارا 2 باب
سعرها غالي شويه, مش قور باي فور و تقفيل مصري (سمعت بس مش متاكد) و العيب الخطير انها 2 باب و شنطتها تقريبا أخرها تلفزيون ال سي دي وأنا راجل متزوج و عندي طفلين فمش عمليه بالنسبه لي
3- التريوس :
شكلها حلو وعلي شان تجبها فيها أبي اس و ايرباج حتبقي غاليه قوي بجان ان التريوس شنطتها صغيره برضوا وعلي شان اجبها شنطتها كبيره يبقي الجراند تريوس يعني دخلنا في ال150 الف وانا مقدرش بصراحه ادفع المبلغ ده
4- التيجو :
عربيه عاليه شكلها حلو وفيها وسائل امان بس فيها شويه مشاكل:
اولا : بعد الف و التدزير في كذا منتدي لقيت ان فيه ناس كتير بتقول ان فيه عيوب بتظهر فيها
ثانيا: اعاده البيع سعرها بينزل جامد وانا لاحظت ان في موقع كونتاكت كار حوالي 7 عربيات تيجو موديل 2009 للبيع وده خالاني اقلق
ثالثا : مش معقول اشتري عربيه وكل شويه حروح للتوكيل علي شان الفتيش مش عارف فيه ايه و الفرامل مش عارف ايه الي حصل فيه (لاحظوا اني عاندي عياده مش فاضي لمشاوير التوكيلات دي)
رابعا: انا بفكر أذاي عربيه ذي دي بالمواصفات دي تنزل بسعر رخيص كده ياتري فيه فرق في الجوده بنها وبين العربيات التانيه ولا ايه
الصراحه فعلا انا معجب بالتيجو و مش فارقه معايا انها صيني او حتي هندي انا عاوز عربيه جديده تستحملني و مش كل شويه يظهر فيها عيب انا مش كل يوم حشتري عربيه لاني مش لاقي الفلوس في الشارع
أيه رائيكوا يا شباب ما هو الحل للمعضله دي
بص يا سيدي ... ابعد عن الصيني ... ده قبل أي كلام... ماشي يا doc
أنا نصيحتي ليك تبعد عن الماتريكس كمان ....
ال vitara كويسة ... وال terios كويسة ... وممكن لو إنت ماليا متقدرش عليهم قدامك يا إما تصبر لما تقدر .... وممكن تجيب الكارينز ... لو من سنة فاتت كنت قلتلك ال VW souran بس بطلوا ينزلوها ...يلا مش مشكلة .... هي الكارينز مش فرقة كتير عن الماتريكس بس التوكيل أحسن بكتير
ونصيحة لوجه الله .... ابعد عن الصيني ومتسمعش الكلام بتاع كلهم زمان كانوا بيقولوا على الكوري وحش ... بس اثبت نفسه ... هو ما اثبتشي نفسه ولا حاجة ... بس احنا اللي حالنا على قدنا... فـبنقنع نفسنا وخلاص....
السلام عليكم ...
بص يا دوك ... لو مشيت ورا ehaballam هيتخرب بيت اللي يعرفوك .... :049:
انا بهزر يا ايهاب .... بص يا دوك ... في ناس لا تقبل انصاف حلول .. ايهاب منهم ..معندوش استعداد يتناقش مع الصيني طالاما في نص انسان بيشتكي منهم ....
هيه اراء.. و محدش بيفضل معاه كل حاجة ... اللي راكب x8غير اللي راكب matrix
انت ادري بفلوسك ... بس لو معندكش استعداد لادني مخاطرة يبقي ابعد عن الصيني . مش علشان وحش "انا معايا اسبيرانزا m11 و زي الفل الحمد لله و معنديش استعداد ابدلها بأي عربية اقل من 100 الف و مستريح جدا و الحمد لله" بس علشان اي عربية في مصر بما فيها الاماني بتيقي ارف .. بص الصيني و الكوري الارف فيه اكتر .. وملاواعات الوكيل اكتر لان طبعا عامش ربحه مش زي بقيت الوكلاء بتوع الملايين ....
انا لما جيت اجيب استخرت و توكلت علي الله .... وفيه ناس زي دوكتر شامل سعيد بالتيجو بالرغم من ان معاه سوباروا يعني يباني 100% .....
توكل و هاتها بس لو لاقدر الله اي شئ متقفلش منها
انما اكيد لو دفعت اكتر بتاخد خدمات احسن و نرجع نقول كل شئ بمشيئة الله
بص يا hemma
مش موضوع انصاف حلول ...موضوع إن لما يكون معايا قرش ... ماينفعش اجرب فيه ...ده اللي حيلتي .... وعامةً المهندسين مش ناس بتاخد risk ... أنا لازم ادرس الموضوع وآخد رأي ...
ولأني مهندس ... فـأنا مش باخد رأي حد .. أنا بدور على المعلومة, وعندي ستاندرد .. اقارن على اساسه ...علشان كده الصيني دلوقتي .. وفي المدى القريب بره حساباتي ... وطالما إنه بره حساباتي الشخصية ... ماينفعش حد يقولي رأيك ايه اقوله هات صيني ... ماينفعش
وبأمانة ومن غير تحيز ... وبعد دراسة سنتين .... أنا طلعت بقاعدة والقاعدة بتاعتي بتقول مفيش صيني ... و مفيش كوري إلا للضرورة المالية القصوى ... وأول ماربنا يرزقك بيعها وهات ياباني ولا اوروبي ....
ربنا يجزيك خير على تعبك ومساعدتك للأخرين
اللهم اجعله في ميزان حساناته
موضوعك جامد جدا يا استاذ mazagngi2002 واحييك علي حياديتك التامه
انت تعبت جدا فى التجميع... الف شكر