الموضوع: استفسار بخصوص الكاوتش واخر بخصوص البوجيهات

كل سنه وانتو طيبين يا جماعه

انا كان عندى مشكله فى الكاوتش لما السرعه تعدى 120 تحصل رعشه فى العربيه

فا الناس قالت ترصيص وانا كنت مسافر ومستعجل وكان فى كاوتش قدام كده كده انا شاكك فيه فا روحت ارجع اللى ورا قدام والعكس الراجل قالى بلاش هتفتح زوايا بس انا مقتنعتش بكلامه بصراحه وبدلت اللى ورا قدام واللى قدام ورا وقولت ابقى ارصص اللى ورا لو الموضوع اتحل

بس المشكله زادت وبقت من بعد ال 100 بس..... فا أنا كنت عاوز اعرف فى واحد قاللى الترصيص ده عباره عن انه بيحطلك حتت رصاص على الجنط فى الاماكان اللى الكاوتش فيها مش موزون عشان يعادل من الناحيه التانيه ومتحصلش الرفه دى فا انا عاوز اعرف بس ايه اللى بيحصل عشان لما اروح ارصص وانا كده كده هزبط زوايا بالمره بس فى التوكيل.

تانى مشكله بالنسبه للبوجيهات

العربيه فجأه كان فيها رعشه بسيطه خالص كده على السلانسيه وكمان لما الازاز يتقفل واقعد فيها بسمع صوت خفيف من المتور زى دا دا دا دا والعربية كان سحبها مش كويس زى الاول

ملحوظه هيا كان فيها من فتره الار بى ام كان بيعلى وكان فيها رزعه فى الموتور بس كل ده راح بعد تربيط قواعد المكنه

فى صيانة التوكيل اللى حصل انهم حطوها على الكمبيوتر والراجل قاللى حساس العادم وهنغيره المهم بعد مداولات كشفو على البوجيهات لقوها عاوزه تتغير وهيا عامله 10.000 كيلو بس طبعا غريبه بس انا لما شفت منظر البوجيهات غيرتهم مع انى عارف انهم بيتغيرو على 30.000 وكمان نظف الرشاشات وفك البطارية ووصلها تانى

المهم الموتور هدى شويه فى السلانسيه وطبعا الار بى ام اتزبط تمام مبقاش فى مشكله وبعدين لاقينا نفس الصوت الخفيف دا دا دا دا ده راح قاللى ده السيور عاوزين يا يتنضفو يا فى بلية خشنه هتتغير بس الكلام ده فى صيانة ال 20.000

طبعا كل الكلام ده كان فى صيانة ال 10.000 ودلوقتى العربية عامله 13 تقريبا والرجة رجعت زادت تانى بس السحب حلو وطبعا الصوت ده غايظنى

السؤال هيا المشكله فى ايه او ايه المفروض يتعمل عشان العربية مش كل شويه اغير بوجيهات أو الموتور يرج كده

واسف انا طولت عليكو جامد بس انا قولت اعرف الاجابه المفيده خصوصا فى موضوع الكاوتش ده عشان هنزل اعمله فى اقرب وقت

وعلى فكره العربية فرنا فيفا

رمضان كربم