الياريس ولا السيراتو ؟

**محمد يوسف** · 13-09-2009 01:25 PM

السلام عليكم

كل سنة وانتم طيبين

أنا معايا ياريس 2008 فول أوبشن أوتوماتيك بقالها سنة وعاملة حوالى 15000 كيلو

العربية حلوة بس بافكر أبيعها وأكمل و أجيب الكيا سيراتو الهاى لاين فول أوبشن

هل القرار ده صح؟ وهل الكيا أفضل من الياريس؟

ياريت اللى يعرف يقوللى تفاصيل

ولوكده الياريس بتاعتى تجيب كام؟

هى بحالتها بس الاكصدام الورانى كنت رشيته من الخرابيش و الباب القدامانى اللى عكس باب السواق كان حد ابن حلال شرحه بمسمار فرشيته

غير كده العربية زى مخرجت من التوكيل

أتمنى تهتموا بالرد عليا

وشكرا

**eng.octooo** · 13-09-2009 01:57 PM

انا مش هاقدر افيدك فى سعر العربية بس بالنسبة للمقارنة
انت لو مرتاح مع الياريس ومقضية مشاويرك وموتورها والسحب بتاعها كويسين معاك فالاحسن انك تخليها لانك اتعودت عليها واستنى شوية لما تبقى تزهق منها ابقى غيرها وماتنساش انها 2008 مش قديمة يعنى

اما لو متدايق منها فبدلها بالسيراتو وهيا عربية جميلة
بس انا من رائيىى الياريس لان السيراتو لسة جديدة وهاتطلع فيها عيوب وهاتتعدل فى الموديلات الجديدة فالاحسن انك تستنى شوية

**akar** · 13-09-2009 03:05 PM

مرحبا اخوي

انا كانت عندي تويوتا ياريس 2007 فل اوبشن و بعتها لاني اشتريت باجيرو 2008 بس مرة اخري رجعت للسيدان و اخترت (كايداهم النيو سيراتو 2010 - المصطلح من ابداع دكتور احمد ).
ياريس سيارة جميلة و اقتصادية بس صغيرة شوية و موتورها 1300CC طبعا موتور سيراتو 1600
زي ماقال الاخ اذا انت مرتاح مع الياريس خليها عند حتي نشوف ماهو سيراتو 2011
بس اذا تريد تسوق سيارة في الشوارع و الناس يجمدون من جمال سيارتك فأكيد النيو سيراتو.
هنا في العراق - خصوصا كردستان هناك اجمل السيارات و اغلاها و احدث الموديلات بس السيراتو في فئة السيدان المتوسطة احتلت الصدارة و هي الان اختيار الاول للشباب و حسب ما سمعت من احد الاصدقاء سيراتو هي من اكثر السيارات المباعة مقارنة بطرازها في بغداد
و القرار يرجع لك و الي فلوسك و لاتنسي الاستخارة ان شاء الله

**Hosam_Optrawy** · 13-09-2009 09:33 PM

الياريس ميزتها ان استهلاكها للبنزين أقل

باقى المميزات لصالح السيراتو

ومادام معاك عربيه متستعجلش والسيراتو مش هاتطير

على الاقل انتظر شويه لما موضوع الحجز بالشهور وال Over Price يخف شويه

**Ghost2** · 14-09-2009 04:45 AM

بص استنى شوية لما تشوف ان السوق استقر ...والعربية موجود منها كتير عشان متشتريش بأوفر برايس .. وعربيتك هتجيبلك سعر كويس عشان مفيهاش شغل كتير غير اللي اترش .. اما السيراتو فا هي متعة في الركوب والموتور افضل طبعا .. والوكيل محترم .. غير ان السيراتو فئة اعلى من الياريس فا مينفعش تقارن .. لكن السيراتو ممتاااازة .. انا جربت الاتنين يعني اكيد الكلام مش من فراغ .. وربنا يوفقك للخير وكل سنه وانت طيب

**محمد يوسف** · 21-09-2009 04:42 PM

شكرا ليكم كلكم ياجماعة

بس ماحدش ادانى سعر تقريبى لبيع الياريس

وهل صحيح ان السيرانو أحسن فى كل حاجة ماعدا البنزين؟

ياريت حد يدينى مقارنة فنية