Windows 7

**itsonlyme** · 19-09-2009 06:18 PM

المشاركة الأصلية كتبت بواسطة جمال

ياترى ايه اخبار اللى جربو ويندوز 7

على فكرة أنا اتكلمت في الموضوع ده عن اللينكس ومتكلمتش عن الويندوز 7.

بصراحة (وده اعتراف صعب على لينكساوي قديم) أنا نزلت ويندوز 7 في أول رمضان ومن ساعتها بستخدمه.

أنا عامة بستخدم اللينكس في معظم السنة وفي بعض الشهور بستخدم XP.

لما نزلت ويندوز 7، قائمة الاختيار ما بين اللينكس والويندوز اتمسحت (اسمها grub). الحكاية دي بتحصل كل مرة بتنزل ويندوز بعد اللينكس. حلها بسيط بس أنا كسلت استعيد القائمة. ومن ساعتها وأنا بستخدم ويندوز 7. بصراحة خفيف وسريع. في اعتقادي السبب ان كل حاجة متحملة في الرام.

أروح استعيد القائمة (أنزل grub) عشان شهر كتير على الويندوز :)

**yoko** · 19-09-2009 06:24 PM

المشاركة الأصلية كتبت بواسطة itsonlyme

على فكرة أنا اتكلمت في الموضوع ده عن اللينكس ومتكلمتش عن الويندوز 7.

بصراحة (وده اعتراف صعب على لينكساوي قديم) أنا نزلت ويندوز 7 في أول رمضان ومن ساعتها بستخدمه.

أنا عامة بستخدم اللينكس في معظم السنة وفي بعض الشهور بستخدم xp.

لما نزلت ويندوز 7، قائمة الاختيار ما بين اللينكس والويندوز اتمسحت (اسمها grub). الحكاية دي بتحصل كل مرة بتنزل ويندوز بعد اللينكس. حلها بسيط بس أنا كسلت استعيد القائمة. ومن ساعتها وأنا بستخدم ويندوز 7. بصراحة خفيف وسريع. في اعتقادي السبب ان كل حاجة متحملة في الرام.

أروح استعيد القائمة (أنزل grub) عشان شهر كتير على الويندوز :)

إحنا كده هنقيم عليك الحد لو حد لينكساوي تاني عرف هنهدر دمك

**yoko** · 19-09-2009 07:02 PM

المشاركة الأصلية كتبت بواسطة itsonlyme

توبة. رجعت للحق وبكلمك دلوقتي من على arch linux.

مفيش اكتر من كده التزام. مستخدمين debian و slackware و arch linux دول لينكساوية سلفيين. كنت عامل backup للـ mbr ورجعته.

أيوه كده توب توبة نصوح بس أنا مش لينكساوي سلفي أنا بصراحة بستخدم أوبينتو ومستريح معاها فمشناوي أغيرها محبتش ولا السوزي ولا الفيدورا

**itsonlyme** · 20-09-2009 12:26 AM

المشاركة الأصلية كتبت بواسطة PRO-DRIVE

بس صعبان عليا تعبي اللي حيروح هدر في تظبيط سلاكوير :( انت عارف بتجهز في قد ايه :(

نفس الحكاية مع أرش. لو ظبطتها تستحرم تشيلها عشان تجرب غيرها من المجهود والوقت اللي بتبذله عشان تظبطها على مزاجك.

عشان كده دايما اعمل backup بـ partimage باستخدام اسطوانة systemrescuecd.

بس الموضوع قلب لينكس تاني .... نكمل كلامنا في الموضوع بتاعنا.

**جمال** · 20-09-2009 02:14 AM

انا لاحظت ان الويندوز 7 لايقبل معه اى نظام تشغيل آخر
انا كان عندى اكس بى و فيستا كل واحد على بارتشن و كنت باختار النظام اللى اخش بيه من البداية
لما نزلت ال 7 على البارتشن بتاع الاكس بى اختفى نظام الفيستا من البداية ( ولو ان كل البارتشن بتاعها سليم و لم يمس )
هل ده بيحصل مع ال لينكس كمان

**جمال** · 20-09-2009 02:17 AM

على فكرة مرحبا بمجموعة ال لينكس فى موضوع ال ويندوز 7
على الاقل بيرفعو الموضوع

**yoko** · 20-09-2009 05:03 AM

المشاركة الأصلية كتبت بواسطة seaman

لا يا جمال الوييندوز 7 يشتغل مع الى نظام اخر انا مشغله مع الفيستا وزى الفل كل واحد فيهم فى حاله وتمام وبختار من القائمه...
اصدقائنا الليونكسويه اوعدكم انى اجرب ..لان انتم عاملين شو هايل فى الموضوع ده..بس سؤال ايه البديل للاكسيس فى الينكس؟

فيه open office وده فيه بديل لكل مجموعة الميكروسوفت أوفيس وبيقرأ إمتداد الأوفيس وبيحفظ بإمتداد الأوفيس

-

الموضوع: Windows 7

LinkBack

أدوات الموضوع

عرض

-

-

-

-

-

المواضيع المتشابهه

windows 7 يا رجالة

windows 7

windows mobile 7

Windows 7

الكلمات الدلالية لهذا الموضوع

المفضلات

المفضلات

ضوابط المشاركة