الموضوع: Windows 7

كده تمام و حكاية البديل دى هتنفع .

بس للاسف الالعاب هى العائق الاكبر :(

انا لما اصطبه ان شاء الله مش هشيل الويندوز , فهتبقي مشكلة ادخل العب على الويندوز و ارجع لينوكس تانى و للاسف مينفعش اتخلى عن الالعاب نهائي .

بص يا درش. أهم حاجة لازم تعرفها ان اللينكس ممكن ينزل جنت الويندوز من غير ما يأثر عليه وساعتها هيبقى عندك الاختيار ما بين الويندوز و اللينكس في كل مرة بتعمل start للكمبيوتر بتاعك.

لو عايز تجرب اللينكس بس من غير ما تعمل له install:
حتنزل الملف وتحرقه على اسطوانه و تعمل boot.
اللينكس حيشتغل من غير ما يغير في أي ملفات عندك. وممكن تجربه وتخش على النت وتعيش حياتك من غير ما تعمل install. لما تزهق تعمل restart وتشيل الاسطوانه وتخش على الويندوز ولا كأن حاجة حصلت.

لو عايز تعمل install:
أولا تفضي partition مخصوص عشان تنزل لينكس عليه بعد كده. استخدم برنامج partition manager أو أي برنامج تفضله على الويندوز.
بعدين تعمل boot من السي دي. اللينكس حيشتغل زي الحالة السابق ذكرها وبرضو ممكن تجربه براحتك.
لو قررت تعمل Install، حتلاقي icon على الـ desktop بتاعت اللينكس تدوس عليها وتتبع الخطوات. اللينكس حينزل جنت الويندوز ولما تعمل restart حيبقى عندك كل مرة الاختيار ما بين تشغيل الويندوز أو اللينكس.