الموضوع: Windows 7

المشاركة الأصلية كتبت بواسطة sherif222

طيب يا شباب ليا سؤال هو نظام لينكس ده زى ويندوز كده ولا ايه ؟ ! وهل الشغل عليه عادى ولا ايه لان انا ماشتغلتش عليه قبل كده ؟ وما متطلبات تستيبه ؟ أنا عندى جهازى p 4 - cpu 1.8 - 256 ram .
ولو كده يبقى نتاقل على حبايبنا لو حد عنده نسخة كويسة ونضيفة منه يدينى منها انزلها واجرب .

زي ما الأخوة tutankhamoun و yoko قالوا، اللينكس نظام تشغيل مختلف عن اللينكس وله برامجه الخاصة وبيمتاز بانه نظام تشغيل حر (لك الحرية التامة في التصرف فيه بالنسخ والتعديل والتوزيع) وبالتالي فهو مجاني.

بما أن لك مطلق الحرية في التعديل، في ناس عملت نسخ مختلفة من اللينكس اسمها توزيعات.
التوزيعات دي أشكال و ألوان. في منها اللي سهل الاستخدام وفي منها اللي موجه للمستخدمين المتقدمين.

متخليش الكلام اللي قلته يتوهك. بالنسبة لجهازك انصحك تستخدم التوزيعة دي

Xubuntu Home Page | Xubuntu

قبل ما تعمل اي حاجة، اقرأ الموقع ده. موقع صغير وكلامه بسيط بيعرفك يعني ايه لينكس. مش هيايخد نصف ساعة قراءة.


هنا لينكس

المشاركة الأصلية كتبت بواسطة t_ibrahim74

على فكره الموقع ده بيقرا الOS بتاع ال Firewall
اللى قبل السيرفر

لأ طبعاً، الكلام ده غلط.

هحاول أبسط الأمور.

أولا انت غالباً قصدك بالـ Firewall الراوترز (Routers).

الراوتر المنزلي بيبقى عليه Firewall فعلاً وبيصد أي اتصال قادم من الخارج. وكتير من الراوترز دي عليها نظام التشغيل لينكس.

أما في حالت السرفرز، الراوتر بيمرر الاتصالات الواردة للسيرفر من دون أي يصدها. السرفر هنا يقوم بالرد ومن خلال رده يتم التعرف على نظام التشغيل.

المشاركة الأصلية كتبت بواسطة yoko

وممكن تستخدم mint وهي نفس الxubuntu بس مختلفة شوية ونازل فيها كوديكس الأفلا والأغني وكمان نازل الفلاش بلير

كلام موجه لـ yoko، متخدش بالك من الكلام ده يا sherif222:
مرضتش أقوله على mint على أساس انه جهازه مش حيبقى خفيف مع gnome. بس سبحان الله، نسخة الـ xfce من mint لسه نازله البارح.


كلام موجه لـ sherif222:
ممكن تستخدم التوزيعة دي وهي أسهل من التوزيعة اللي أنا قلتلك عليها قبل كده.
نزل التوزيعة من الصفحة دي:
The Linux Mint Blog » Blog Archive » Linux Mint 7 ‘Gloria’ XFCE released!

المشاركة الأصلية كتبت بواسطة yoko

على فكره عادي وجنوم كانت شغالة على جهاز أختي بمواصفات أقل من كده

هو هيشتغل، مش هيقول لأ.
بس أحييك انك عرفت تقنع أختك انها تجرب اللينكس. ست سنين وأنا معرفتش أقنع أخواتي (لا الولاد ولا البنات) انهم يجربوا اللينكس. أقصى حاجة عرفت أعملها اني أخليهم يحولوا لفايرفوكس.

المشاركة الأصلية كتبت بواسطة yoko

أنا منزل qcad لكن مشكلتي في فتح الإمتداد dwg وده لسا مفيش ولا برنامج بيقراه لإنة معقد جدا

المشكلة الأزلية للصيغ المغلقة للملفات. هو ده أهم سبب للـ vendor lock-in اللي رابطنا بالويندوز وبرامجة الاحتكارية ومش عارفين نتخلص منه.