الموضوع: امشي عدل .. امشي عوج .... هاتتكلبش يعنى هاتتكلبش

المشاركة الأصلية كتبت بواسطة bassam266

انا حصل معايا انا و والدى الموضوع ده قبل كده كان عنده ميعاد مع واحد صاحبه محامى فى قهوه فاروق و ركنا العربيه موازى و دخلنا القهوه.

نص ساعه بالضبط و طلعنا لقيناها متكلبشه كلمنا الظابط تليفونه مقفول.
و انا كنت واخد بالى ان ممكن نفك الجنط بالكلبش فقلت لوالدى طيب ما نغيره بالاستبن و نمشى قالى فيها غرامه و حبس و حاجات كتير فصاحب والدى المحامى قالى فكها و فكيتها و ركبت الاستبن و العربيه كان فيها حكه فى الرفرف اللى قدام خفيفه كده طلعنا على قسم باب شرق و عملنا محضر ان عربيه خبطتنا فى المنتزه من حوالى ساعه!!!

و بعديها بشهر النيابه طلبت والدى و قالوله تبديد مال عام و يا الدفع يا الحبس و كلام من ده قالهم انا عمر ما عربيتى اتكلبشت!!! و انا اليوم الفلانى الساعه الفلانيه عملت محضر ان عربيتى اتخبطت فى قسم باب شرق برقم كذا جابوا المحضر و خلاص الظابط لبسها :)

هو طبعا تصرف غلط قانونا بس انا شايف انه مش غلط علشان انا المفروض متعاقبش على حاجه معملتهاش :)

هو صحيح انتم اذيتوا الظابط كدة بس يستاهل
اصلك جيت على جرح لسة سخن اوي
النهاردة الصبح الساعة 10 تقريبا وصايمين ورايح سنترال الجيزة اركب تليفوني تانى بدل الزفت اللاسلكي اللى مركبينهولي
المهم بلف من تحت كوبري فيصل من جنب المرور وماشي جنب الكوبري علشان الف واخد الكوبري واطلع على الجيزة قوم قبل اللفة بحوالى 5 متر لقيت عسكري واقف بيقولي ارجع خش من الشارع اللى ورا ولف علشان تاخد الكوبري
انا عارف انهم بيعملوا كدة علشان اللى جاي من شارع فيصل وعايز يروح ناحية المرور
بس المفروض يقف قبل الشارع اللى عايزني الف منه او ادامه مش بعده وقبل اللفة مباشرة
المهم قلت له لا مش هرجع المفروض تقف قبل الشارع وتقولي مش ترجعني
ببص لقيته بياخد النمرة
لفيت ووقفت العربية قبل مطلع الكوبري بشوية ورجعت له وعفاريت الدنيا بتتنطط في وشي
عسكري هياخدني مخالفة سير عكس الاتجاه ودي زي ما انتم عارفين بقت حبس والمفروض اللى يعملها ظابط مش عسكري يكتب النمرة في ورقة ويديها للظابط بعد كدة
رجعت وشديت معاه فين الظابط اللى هنا قال في الكشك اللى عند اخر الكوبري قلت له تعال وريهولي وبزعيق
رحنا المكتب ملقتش الباشا الظابط طبعا ولقيت امين شرطة دخلت عليه زعيق ازاي ووووو وقلت له اللى حصل وانا بشتغل كذا واخويا ظابط مرور في كذا المهم قالي معلش وحقك علينا ومتتنرفزش
مشيت وانا متاكد انهم بعد ما امشي هيعملوا المخالفة بردو بس المهم انى نفست عن غضبي ووالله لو حد فيهم طول في الكلام كنت ممكن اضربه