بيسحب الرخص وهو محتاج اللى يسحب رخصه...

**itsonlyme** · 15-09-2009 07:22 AM

المشاركة الأصلية كتبت بواسطة maag

أحيانا بحس إن أي حد فينا لو ظابط هيعمل كده . الحمد لله إني مش ظابط

الواحد لما بيبقى في ايده سلطة غصب عنه بيحس بنفسه أعلى من الآخرين وله حقوق أكتر وانه فوق القانون.
بس اللي تربيته وأخلاقه كويسة، بيمسك نفسة ويراجعها ويحاول يقيد احساسة بالغرور والتعالي.
نيجي بقى لصاحبنا. واحد زي ده عمره ما سأل نفسه "هو ايه اللي أنا بعمله ده؟ ازاي احاسب الناس على المخالفات وأنا نفسي بعملها". واحد زي ده وصل لمرحلة انه لما بياخد مخالفات من الناس عارف انه مفيش سبب ومبرر أخلاقي ورا اللي بيعمله (انه بيحافظ على النظام العام وبيمنع الفوضى مثلاً) بل بالعكس، ده عارف كويس قوي انها جباية داخلة جيبه وجيب أسياده بياخدها غصب واقتدار من الناس.

**Terrible_DaRsH** · 15-09-2009 08:25 AM

امبارح قاضي كان راكن فى شارعنا , عربيته متفيمة بدرجة متتوصفش .

و النسر على الزجاج ورا واخد الزجاج كله .

**EslaM_NagY** · 15-09-2009 10:37 AM

المشاركة الأصلية كتبت بواسطة successcre8or

هو دا اللي جايب البلد دي ورا

النســـــــــر!

الكاوتش ؟؟؟؟؟؟؟؟؟؟؟؟؟؟؟؟؟؟؟؟

ما انا عندى نسر بس مش عامل حاجة

هههههههههههه

**M.ABDEEN** · 15-09-2009 10:47 AM

قانون مييييييييين ؟؟؟؟؟ والناس نايمييييييين !!!!!!!!!!
سلملي على الانووووووووون..........

**koki5033176** · 15-09-2014 05:56 PM

با باشا لازم تعرف ان الضباط مستهدفة دلوقتى و لازم اما يركب عربية و هو لابس ميرى محدش يشوفوة علشان ميبقاش متابع و مستهدف و لو لاحظت ان حتى العربيات الميرى متفيمة علشان ميتعرفش مين جواها

**Secret-Man** · 15-09-2014 09:18 PM

المشاركة الأصلية كتبت بواسطة koki5033176

با باشا لازم تعرف ان الضباط مستهدفة دلوقتى و لازم اما يركب عربية و هو لابس ميرى محدش يشوفوة علشان ميبقاش متابع و مستهدف و لو لاحظت ان حتى العربيات الميرى متفيمة علشان ميتعرفش مين جواها

الكلام ده حضرتك من قبل الثوره بسنيييييييين ملوش علاقه باستهداف ولا حالات استثائيه ومش الفاميه الى هيمنع القدر وبعدين النسر الى بيبقا منور بره كفيل يخلى المواطن العادى يغتاله مش حد تانى

**Anaslbda** · 15-09-2014 09:43 PM

أنا كنت حعاتب عليك انك ماكلمتش الظابط وهزأته شوية. أيوة، كنت تفهموا ان أمثاله خربو البلد.
كنت تبص له بقرف وتقول له "بالذمة ظابط مرور وعربيتك عمله كده؟!"

هههههههههههههههه, مين يقدر يرمي كلام على ظابط في وشّه في البلد دي يا عم الحج؟

مع الأسف المشكلة الحقيقية تكمن في كلية الشرطة ذات نفسها, بتطلّعه دايماً شايف نفسه أحسن من اي حد في المجتمع وإن الميري ده يخلّيه فوق القانون ومحدش يقدر يكلمه.

واحد صاحبي كان مقدّم كلية شرطة في سنة من السنين, لمّا اتقبل هيئة عارف أوّل حاجة عملها ايه؟
نزل فيّم العربية سوبر دارك وشال النمر d:

بس في الآخر اترفض مباحث والسبب كان "انخفاض مستوى المعيشة" عشان كان مدارس حكومة.

**almohaor** · 16-09-2014 05:04 PM

مافيش فايدة
الناس دى فاكرة ان على راسها ريشة ومتميزة عن باقى افراد الشعب
اللى المفروض يكونوا هم قدوة طيبة وفى خدمة هذا الشعب اللى بيدفع لهم اجورهم
بعد ثورة يناير كان الضابط يخاف ينزل بملابسه الميرى
خوفا من نقمة الجماهير عليهم لسوء معاملتهم وتلفيق التهم لهم
دلوقتى استأسدوا تانى ورجعت ريما لعادتها القديمة
لازم العدل والمساواة فى الحقوق والواجبات
وتطبيق القانون على الجميع دون تمييز لفئات معينة
تحمى وتخدم مصالح بعضها على حساب باقى الشعب المطحون
واحترام ادمية الانسان وكرامته حتى لو كان رقيق الحال
ومن غير كده راح نفضل فى قاع الشعوب المتخلفة