استفسار بخصوص لانسر ex 2008

**mimo4019** · 15-09-2009 12:57 AM

انا عندي الكاسيت مبيشتغلش فيه غير السيديهات الأوريجينال بس لو عملت سي دي Audio او mp3 بتشتغل مرتين ثلاثة كده ومبتشتغلش تاني اما السيديهات الأوريجينال بتشتغل كويس مش عارف ايه السبب.
لو حد عارف العيب من العدسة ولا من الكاسيت نفسه وممكن اصلحه فين.
Lancer EX GLS 1500cc 2008 FO Sport

**mimo4019** · 15-09-2009 04:24 AM

هو مفيش حد عنده خلفية عن الموضوع ولا ايه ياريت لو حد عارف ياريت يرد
عندي سؤال تاني انا لقيت عندي في الكاسيت وضع aux بس البورت بتاعه مش موجود وفيه واحد قاللي ان الكابلات بتاعته موجودة في الكاسيت وانا شفت صورة مرة كان البورت بتاعه عند فتحة التكييف كده لو حد عارف ممكن اشتري البورت منين واركبه فين ياريت يجاوب ضروووووووري عشان الكاسيت ده مضايقني

**eslammaher88** · 15-09-2009 09:33 AM

انا معايا لانسر ex برده بس مبيحصلش اللى حضرتك بتقول عليه ده خالص انا بشغل كل يوم اسطوانات audio و mp3 ومبيحصلش كده خالص يمكن نوع الأسطوانة اللى حضرتك بتعملها مبيكونش كويس

اما عن aux انت عندك اتنين بورت مش بورت واحدة كمان موجوده اسفل التكيف (فى المكان الفاضى اللى تحت التكيف على طول فى بلاستكاية بتشيلها حتلاقى فيها اتنين بورت بتركب فيها الوصلة ام جاكين جاك فى البورت وجاك فى الموبايل او الايبود )
يارب اكون قدرت افيدك ولو احتجت اى حاجة انا تحت امرك