استفسار بخصوص لانسر 2008

**hemaaa** · 01-08-2011 06:44 PM

كنت بدور على مكان يكون بيبيع فانوس لانسر احمر خلفى موديل 2008 بومه

الماركه اللى بدور عليها ديبو

كنت ركبت واحد يمين قبل كده بس طلع اصغر من مكانه الاصلى بحته بسيطه وقرفنى على ما

الكهربائى ركبه

عاوز اجيب واحد ديبو شمال بس يكون بتاع موديل 2006 او اكتر مش لاقيه فى السوق ممكن

حد يدلينى اجيبه منين ولو حد يعرف ناس بتاعة اسيتراد اشترى منهم قبل كده يدلينى برده

متشكر اوى

**hemaaa** · 02-08-2011 06:13 PM

للرفع ياريت حد يكون عنده اجابه

**hemaaa** · 03-08-2011 06:53 PM

هو مفيش حد عنده معلومه عن الموضوع ده

**mahamede** · 03-08-2011 07:04 PM

بص يا باشا ,,, تروح طوالى ع الحرفيين ع شارع يوسف صبرى ابو طالب (( مشهور بشارع بتوع المرسيدس )) هتالاقى هناك ناس كتير اوى بتوع مرسيدس وناس كتير اوى بتوع ميتسوبيشى وناس كتير اوى بتوعغ ماركات تانية ههههه ,,,,, تروح هناك وهتلاقيه استيراد ((( بس بالرغم انه استيراد الا انه جديد زى ما يكون طالع من المصنع ))) روح هناك وهتلاقيه وهتلاقى كمان كل حاجة بتاعت البومة هناك ,, بس عايزك لما تروح وتجيبه تدعيلى ,,, واى خدمة يا برنس ,,,

**mahamede** · 03-08-2011 07:10 PM

بص ,, الشارع ده عشان متتعبش نفسك وعشان ابقى عملت معاك واجب ,,, هوصفهولك ,, يعنى ابسط يعم ,, المهم ,, انتا تخش شارع جمال عبد الناصر وتخليك ع يمينك ,, وتسأل فين صيدلية امير بباوى ,, هتلاقى ييجى 1000 واحد يدلك ,, هتلاقيها كدا ع ناصية شارع ,, هوا ده بقى الشارع اللى بقولك عليه اللى هوا ع نصيته الصيدلية بتاعت امير بباوى ,, هتخش الشارع هتلاقى فيه محلات كتير بتاعت استيراد وهتلاقى بتوع الميتسوبيشى كتير هناك سواء استيراد او جديد ,,, بس لو جبته جديد هتفضل ماشى لحد اخر الشارع وروح عند محل اسمه حبلص بس ابقى فاصل معاه ,, بس انا انصحك تجيبه استيراد ,, ويا سلام بقى لو جبته من عند الحج عبد الله اللى قدام حبلص الناحية التانية ,, واى خدمة يعم شرحتلك المنطقة حتة حتة ,, عشان ان اصلا حافظها بمحلاتها بأصحابهم واحد واحد ,, تحياتى ,,,

**egyptiandiver** · 03-08-2011 07:26 PM

استيراد - الحرفيين

**hemaaa** · 22-08-2011 10:39 AM

المشاركة الأصلية كتبت بواسطة mahamede

بص ,, الشارع ده عشان متتعبش نفسك وعشان ابقى عملت معاك واجب ,,, هوصفهولك ,, يعنى ابسط يعم ,, المهم ,, انتا تخش شارع جمال عبد الناصر وتخليك ع يمينك ,, وتسأل فين صيدلية امير بباوى ,, هتلاقى ييجى 1000 واحد يدلك ,, هتلاقيها كدا ع ناصية شارع ,, هوا ده بقى الشارع اللى بقولك عليه اللى هوا ع نصيته الصيدلية بتاعت امير بباوى ,, هتخش الشارع هتلاقى فيه محلات كتير بتاعت استيراد وهتلاقى بتوع الميتسوبيشى كتير هناك سواء استيراد او جديد ,,, بس لو جبته جديد هتفضل ماشى لحد اخر الشارع وروح عند محل اسمه حبلص بس ابقى فاصل معاه ,, بس انا انصحك تجيبه استيراد ,, ويا سلام بقى لو جبته من عند الحج عبد الله اللى قدام حبلص الناحية التانية ,, واى خدمة يعم شرحتلك المنطقة حتة حتة ,, عشان ان اصلا حافظها بمحلاتها بأصحابهم واحد واحد ,, تحياتى ,,,

متشكر جدا للمعلومة ديه تعبتك معايا