الموضوع: تغيير الجنوط و عداد السرعه

عشان تجيب طقم جنوط سبور خفيفة 15 يبقا هتجيب ماركة زى momo or oz دول الى فاكرهم دلوقتى والجنط هيعمله فى حدود 4000 جنيه او اكثر ولو حبيت تبيعهم هيجيبولك 2000 جنيه يبقا الافضل انك تجيب 14 او انك تدور على واحد 15 مستعمل.

متشكر جدا على الرد بس ايه الاحسن انى اجيب جنط جديد 14 ولا مستعمل 15 بس يكون خفيف بصراحه انا مش بثق فى المستعمل وانا شفت جنط 15 النهاردة oz مستعمل هو كله لونه ابيض وريشه كتيره وانا عربيتى لونها ابيض وصاحبه طالب فيه 1000 جنيه!!! يا ترى السعر دة رخيص وممكن يكون الجنط دة فيه حاجة مع انه بيقولى انه سليم فانا محتار اشتريه ولا اخلينى فى ال 14 الجديد وخلاص ولو حد يعرف اسعار الكاوتش ال 15 وال 14 الانواع الكويسه انا سمعت عن البريدج ستون انه سابت جدا ونقشته عاديه وشفت جود يير نقشته زى العربيات الاسبور بصراحه مش عارف اسمها بس هى مشهورة بيبقو خطين بيقابلو بعض فى النص بس باترى النقشه دى الاحسن ولا العاديه وشكرا :arrow:

اذا حتاخد جنط انصحك بالجديد عشان المستعمل مش مضمون ابدا

اما بالنسبة للكاوتش اذا حتاخد بريدجستون خد تيورانزا او بوتنزا بسمع كل الناس بتمدح فيهم و اذا عاوز حاجة جبارة عندك بيرللى هى احسن نوع ممكن تشتريه

ممكن تشوف المستعمل زى ما قال الاستاذ حازم على ماكينة ترصيص وبص على الجنط فى اثار لحامات او كسور ولا لاء وبالنسبة للكاوتش فى بريدجستون وبيرلى وابعد عن الجووديير الايجل بالذات لانه مقرف مع انه شكله جامد جدا.

متشكر جدا لكل الردود
انتو بصراحه قلقتونى من المستعمل وكمان كلو بيقول الجديد احسن لان دى حاجات فيها ارواح ناس
انا قررت اشترى ان شاء الله ال 14 الجديد انا كان عاجبنى الجود يير الايجل جدا شكله تحفه بس ا.عبد الله حضرتك خوفتنى منه هو مقرف من ناحيه ايه
ودة موقع كنت لقيته فى منتدى تانى عن الكاوتشات ممكن يفيدكو
ويا ريت لو فى نوع معين حد بقولى عليه فى الموقع دة
ومتشكر جدا

الموقع : www.egytyres.com