الاكصدام لونه مختلف

**tananybasha** · 17-09-2009 02:22 AM

الأكصدام بياخد معجون فيبر و غير كده البوية مش هتلزق عليه

**حماده المصري** · 17-09-2009 05:03 AM

ايا يكن الي هيعملوه في التوكيل المفروض ده خطا ويتعمل على حسابهم

الي اعرفه ان طول مافيش خبطات الاكصدام يترش عادي بدون معجون

بس لو هيترش مره تانيه بدون خبطات متهيالي ممكن ياخد طبقه معجون خفيفه جدا عشان البويه متبانش وبعدين يرشه البويه الجديده او الله اعلم في ايه جديد في موضوع الدهانات ده عشان كل بوهيجي وله طريقه شغل بيشتغل بيها بس انا الي شايفه اصح حاجه يعملوها انهم يطيروا البويه القديمه بتنر او بمواد شبيهه

من فتره كنت عند سمكري وكان فيه عربيه النترا قديمه تقريبا 94 هي كانت مرشوشه ولا 3 او 4 مرات وواخده طبعا كزا وش معجون السمكري ابتكر الموضوع ده جاب تنر تقريبا او ماده شبيهه وقعدت يسحت في العربيه 3 ايام لحد ما طير المعجون كله من العربيه وخلاها على الصاج فقط وبعدين اداها وش واحد معجون فقط ورش

سعادتك كده كده المفروض يرشوه سواء معجنوه او غيروه او اي حاجه يعملوها دي مشكتهم ومتسكتش صدقني لو في امل 1 % ان اللون يطلع مختلف في التوكيل وده شيء طبيعي كنت مرتدش اساسا بس فعلا لازم اللون في التوكيل يطلع هوه هوه بالضبط عمري ما شوفت حد طلع عربيته من توكيل او مركز خدمه معتمد الا واللون هوه هوه

ده حتى توكيل مازدا الي هو سمارتاو سونستا تقريبا معندهمش مركز سمكره بتاعهم بيتعاملوا مع واحد ورشته جنبهم وصديق ليا رش الربع الي قدام طلعه زي الفل ولا في اي فرق

عموما في مجال الدهان الحاجات الفيبر مش بتحتاج معجون اذا كانت جديده هي طبقه الفيلر المثبته وشكرا

المعجون مع الفيبر ده بيبقى نتيجه خطبات وبتتصلح باللحام فلازم يتمعجن عشان يتساوا كله مع بعضه

الصاج كده كده بياخد معجون ليه الله اعلم بس طبعا طبقه وحده معجون عن طبقين تفرق

**KHALED AYMAN** · 17-09-2009 07:00 PM

شكرا لكل الى ردو ..
الاكصدام الحمد لله مفهوش ولا خبطه ..
بس فى مفاجأه نسيت اقولكو عليها ..
الاكصدام لما رشوه ..
جم فى حته فى الجنب طولها حوالى 2 سم و عملوها بقلم دوكو !!!!!!!!!!
ليه معرفش ..
و بصراحه انا كنت متهاون معاهم جدا و انا بستلم العربيه لانى مكنتش مصدق نفسى لما شفتها سليمه بعد الحادثه !!!
فقولت نفش يا واد مش مشكله .. بكره تخبطه و مش هيبان ..
بس دلوقتى حاسس انى دفعت 11 الف جنيه على الفاضى !!!!!!!
فأنا هتكلم مع الوالدو نشوف الموضوع ,,,
و ان شاء الله نروح نعملها ...