الموضوع: الاكصدام لونه مختلف

ازيكو يا اوبلاويه ..
ندخل فى الموضوع على طول ..
طبعا انتو عارفين ان الفيكترا بتاعى
خبطت بيها كلب و تم تدمير الاكصدام و بعض الاشياء الاخرى .
المهم
تم تغيير الاكصدام فى التوكيل (اوتو ماستر مركز خدمه معتمد) و طبعا الاكصدام الجديد اترش ..
العربيه لونها سيلفر ..
الاكصدام بعد الرش طالع لونه اغمق من العربيه حاجه بسيطه بس ملحوظه و سهل اوى انها تبان سواء بالنهار او بالليل
و الموضوع ده انا اكتنشفته بعد ما استلمت العربيه منهم باسبوع !!!
يا ترى فى حل للموضوع ده ولا مفيش ؟؟
عشان الموضوع بصراحه مضايقنى جدا و الواحد مش ناقص حاجه تقفله من العربيه دى كفايه الحادثه !!!

المشاركة الأصلية كتبت بواسطة ghost

انا اختلف مع الباشا ده غلاط من المركز لن من المفرود انه بياخد اللون من على الشاسيه و يعمل زيه على الكمبيوتر و كمان مش بيعمل الكميه كله بيعمل مجرد عينه و من المفرود انه بيسرق بلغة الورش انهياخد جزاء من الكبوت مع الرفرف لكن ممكن نقوال ان الصنيعى مدهاش اهتمام على فكره من حقه انو يرجع الى المركز و يصلح الغلاط لن
فى سوال عشان الكلم اكمله
انت دهنت العربيه كله فى المركز ده قبل الحادث

شكرا لاهتمامك ..
لا العربيه زيرو و الحاجه الوحيده الى ادهنت فيها هى الاكصدام و باقى العربيه بويه بلادها !!!
بس الاكصدام لونه غامق بدرجه بسيطه عن باقى العربيه ..

المشاركة الأصلية كتبت بواسطة astradti

لا العربيه لسه جديده استحاله يختلف الون للدرجادي فا انا بقول دا غلط من عندهم روح راجع التوكيل نفسه

مش هيقولو انت اتاخرت و كلام من ؟؟
و بعدين هيعملو ايه هيرشوه تانى ؟؟

المشاركة الأصلية كتبت بواسطة mohamedgafar

على فكرة اللون بيفتح مع الشمس والعوامل الجوية..ماتقلقش.

تحياتي.

ربنا يطمنك

المشاركة الأصلية كتبت بواسطة tamertamer

معلش يا خلووووود انا زعلت عليهاء اوى بس معلش ربنا يحفظهالك

ربنا يخليك يا تامر ..