محتار بين السيريون و الجين 2 والريو

**M.Mosaad** · 15-09-2009 09:45 PM

المشاركة الأصلية كتبت بواسطة abohalmos

انا من المعجبين بالسيريون جدا جدا

بس فيه حاجتين قلقونى و خلونى حاليا ناوى اجيب لانسر 1300 مانوال

1- الشنطة صغيرة و انا عندى اسرة من طفلين و مش عارف لو جيبتها هاحط حاجة البيت فين ... طب لما الشنطة تتنى ....... ماهو محدش هايقعد ورا و مش هاستفاد بالكنبة ...... انما لو لو على بنت لوحدها او شاب هيا ممتازة جدا جدا ........ ياريت لو حضرتك ليك تجربة مع موضوع الشنطة تقولنا عليها .... يعنى مثلا شالت معاك .... او اثارت اعجابك فى ايه ؟؟؟؟؟؟
2- موضوع الحادثة اللى حضرتك قولت عليها دى ....... انا شوفت الصور و تابعت الموضوع ........ و انا فاكر انه التقديرات فى الخساير كانت 35 الف جنيه على ما اذكر .... و كان فيه كلام انه الشركة تعتبرها فقد كامل ....total loss............. فانا بصراحة من ساعة ماشوفت الحادثة دى و انا بطنى وجعتنى و رجعت عنها......... برضه الامان حلو و الاخت الفاضلة طلعت سليمة هيا و صاحبتها .........الحمد لله ...... بس العربية مكلفتش قليل ... و خلتنى قلقت جدا ......ده حتى كونت معجب بالياريس جدا ....... بس صغر حجم الكبوت .... و الخسائر المتو قعة فى اى حادثة خليتنى احول اختيارى للانسر 1300 مانوال ...... ده حتى فى ناس ملاك للياريس نصحونى بلانسر 1300

ايه رأى حضرتك يا فندم

بالنسبة للشنطة هي فعلا صغيرة و دة من عيوبها لان الشنطة 225 لتر بس انا سافرت بيها العين السخنه و انا عندي بنوته واحدة و اخدت شنطتين حجم متوسط فوق بعض و جنبهم عربيه البنت و دة اللي كنت محتاجله ساعتها و شنط كمان صغيرة يعني قضت احتياجاتي و موضوع الشنطة اللي بتتني انا اساسا مش مقتنع بيه اوي بس بينفع لو معاك واحد بس ورا ممكن تنتي الكنبه و تديك مساحه كبيرة بس برضة في عربيا ت سيدان دلوقتي كنبتها بتتني برضة
بالنسة للحادثه خلي بالك الحادثه مش سهله خالص جامدة جداااااااااا ان تصطدم بعربيه بتلف اكنك رميت العربيه من الدور التاني مثلا فدي حادثه تقيله جدا بس انا معرفشي لو عربيه تانيه في نفس الفئة عملت نفس الحادثه هتتكلف اد ايه يعني موضوع المقارنه نفسة لو جين 2 هتتكلف اد ايه
و احد الاخوة في ديهاتسوا ( محمود موتورايزر ) خبط كلب بالعربيه كلفته كتير برضة دخلت في 10000 جنيه بس اعتقد دة هيبقي قريب من عربيات كتير طالما بتصلح في التوكيل و دة عيب عربيات كتير في مصر كلنا مظلومين فيه

ممكن برضة تبص علي الرينو السيمبول بسمع عنها كلام حلو كتير بس مجربتهاش بس خلي بالك انا صاحبي معاه لانسر 1300 سحبها مش حلو و مع التكييف بيبقي وحش اوي و فعلا لما بنحاول نشد شوية سوا فعلا العرييه مش بتساعده خالص اعتقد سيدان مع 1300 هيبقي مش حلو خالص

**elshorbagy** · 16-09-2009 02:42 AM

انا مش فارق موضوع الشنطة معايا اوي يعني انا بصيت على شنطة السيريون لقيتها تاخد شنطة سفر كبيرة مش صغيرة. لكن في حاجة بردو شغالاني عن السيريون هل هي مناسبة لكل الاعمار من ناحية شكلها قصدي؟ يعني انا حاليا عندي 33 سنة ومش هاغير العربية غير بعد 5 او 6 سنين ده اذا فكرت اغير اصلا :) فهل هاتكون مناسبة وقتها ولا هي مناسبة لشاب صغير في السن عني؟

وبالنسبة للجين تو ممكن اعرف عنونا الوكيل بحيث أقدر اتفرج على العربية و أشوفها؟

متشكر ليكم جدا

**Ayman_52** · 16-09-2009 11:58 AM

عنوان توكيل - بروتو جين2 - ... -- مجموعة عز العرب --

المعرض الرئيسي و مركز الخدمة :-
--------------------------

الكيلو 28 طريق مصر اسكندرية الصحراوي - قبل البوابات و قبل داندي مول أبو رواش – الجيزة

هاتف: 0235390601 - فاكس: 0235390610

----

معرض العجوزة :-
---------------

20 شارع المتحف الزراعي - العجوزة الجيزة

هاتف : 0237497100 - فاكس: 0237489160

----
معرض مدينة نصر :-
------------------
35 شاكر ذاكر حسين ... مدينة نصر القاهرة

هاتف: 0224015055 - فاكس: 0224015107

----

معرض الأسكندرية ومركز الخدمة :-

الكيلو 1 طريق مصر اسكندرية الزراعي

هاتف: 035003004

----

وربنا يوفقك للاختيار الخير ان شاء الله

**elshorbagy** · 18-09-2009 11:34 PM

ألف استاذ ايمن.
ممكن حد يفيدني عن سعر اعادة البيع للسيريون والجين 2؟

**Ayman_52** · 19-09-2009 12:17 AM

الجين2 وبروتون بصفه عامه من العربيات اللى بتجبها عشان تقعد بيها سنتين تلاته على الاقل

بس بصفه عامه ... سعر اعادة البيع بتاع الجين مش وحش ... مثال عربيه لسه متباعه من كام يوم

جين2 مو 2006 مانيوال عامله حوالى 90,000 كــم اتباعت على 59,000

يعنى نزلت فى الــ 3 سنين حوالى 25000

----

فسعر اعادة البيع لبروتون كويس ومع الوقت بيزيد بانتشارها ... بس هى مش بياعه زى اللانسر والهيونداى مثلا ...

----

تحيــــــــــــــــــــات ـــــــــى

**M.Mosaad** · 19-09-2009 06:33 PM

السيريون محافظة علي سعرها يعني متقعش و هي مستعمله بس خلي بالك في حاجة اسمها سعر اعادة البيع و حاجة اسمها سهوله لبيع
بالنسبة للسيريون و الجين تو الاتنين محافظين علي السعر يعني مش بيخسروا كتير بس برضة في صعويه في البيع
يعني تقدر تقول الاتينن سعر اعادة بيع كويس بس صعويه بيع

**emadhamdy** · 23-09-2009 04:46 PM

المشاركة الأصلية كتبت بواسطة elshorbagy

انا مش فارق موضوع الشنطة معايا اوي يعني انا بصيت على شنطة السيريون لقيتها تاخد شنطة سفر كبيرة مش صغيرة. لكن في حاجة بردو شغالاني عن السيريون هل هي مناسبة لكل الاعمار من ناحية شكلها قصدي؟ يعني انا حاليا عندي 33 سنة ومش هاغير العربية غير بعد 5 او 6 سنين ده اذا فكرت اغير اصلا :) فهل هاتكون مناسبة وقتها ولا هي مناسبة لشاب صغير في السن عني؟

وبالنسبة للجين تو ممكن اعرف عنونا الوكيل بحيث أقدر اتفرج على العربية و أشوفها؟

متشكر ليكم جدا

جين .2 طبعا تتفوق واحسن بكتير في كل الاختيارات اللي انت قولتها
وممكن تدخل قسم بروتون وتشوف موضوعات كتير عنها
وانا برشحلك جين.2 بكل ثقه