محتار بين السيريون و الجين 2 والريو

**elshorbagy** · 15-09-2009 02:52 AM

السلام عليكم

انا ناوي ان شاء الله اشتري عربية جديدة ودي أول مرة اشتري عربية. لكني محتار اشتري ايه في موديلات كتيرة وكلها كويسة يعني انا مثلا في الاول كنت ناوي على اللانوس على اعتبار انها معروفة وتمنها معقول لكن ناس رشحوا السيريون على اعتبار انها ياباني وانا اقنتعت بيها حقيقة لانها حلوة وواسعة وسعرها جميل وكنت ناوي اجيب 100 سي سي لكن بعد ما قرات المكتوب هنا انه افضل انه اجيب 1.3 فول ابشن كده طلعت لحد 85 الف او اعلى ولقيت في موجود جين 2 و ريو وميتسوبيشي كولت بنفس السعر تقريبا. فبقيت في حيرة الصراحة؟

شكرا لكم

**yossef** · 15-09-2009 03:08 AM

بروتون جين2 احسن وفضل

**Ignition-Kid** · 15-09-2009 03:51 AM

السيريون مش هاتتعبك وبجد محترمه

**aliabutaleb** · 15-09-2009 06:01 AM

لو الشنطة مش هاتفرق معاك توكل على الله اشتري السيريون وإن شاء الله مش هاتندم خصوصاً إنها موفرة جداً في البنزين
بس متنسااااااااااش تطالع كل الموضوعات والردود اللي في منتدى الدايهاتسو عشان تبقى مُلم بكل عيوب ومميزات العربية
لو الشنطة مهمة بالنسبة لك أرشح لك الجين تو بس اعمل حسابك إن أكيد هايكون فيه فرق في استهلاك البنزين
ومتنساش الاستخارة

**M.ABDEEN** · 15-09-2009 10:55 AM

جين 2 وبعدها ريو

**M.Mosaad** · 15-09-2009 10:59 AM

المشاركة الأصلية كتبت بواسطة yossef

بروتون جين2 احسن وفضل

ممكن حضرتك تقول الاسباب ليه الجين تو احسن و افضل

**khpopo** · 15-09-2009 12:09 PM

بروتون جين2 او بيرسونا
ربنا يوفق

**elshorbagy** · 15-09-2009 01:39 PM

شكرا لردودكم
هو في عيب في السيريون كان واحد زميلي نبهني ليه ولقيته مكتوب هنا في المنتدى بردو ألا وهو صغر حجم السيارة من الامام (الكبوت) يعني لا قدر أي حادثة او خبطة من قدام حتى ولو مش كبيرة الموتور ممكن يروح فيها. هل انا صح في كلامي؟

**M.Mosaad** · 15-09-2009 02:37 PM

المشاركة الأصلية كتبت بواسطة elshorbagy

شكرا لردودكم
هو في عيب في السيريون كان واحد زميلي نبهني ليه ولقيته مكتوب هنا في المنتدى بردو ألا وهو صغر حجم السيارة من الامام (الكبوت) يعني لا قدر أي حادثة او خبطة من قدام حتى ولو مش كبيرة الموتور ممكن يروح فيها. هل انا صح في كلامي؟

كان في موضوع في المنتدي علمه اخ اخته عملت حادثة بيها بس الحمد لله جت سليمه كانت ماشية علي 80 و عربيه امن مركزي بتلف و هي خبطت فيها هلي بالك هبطت في العربيه و هي بالعرض يعني اكنها حاجة واقفة في الطريق يعني 80 سرعه كبيرة في الحاله دي و نشر صور العربيه الحمد لله هي و صاحبتها خرجوا سلام و في قضيب حديد في العربيه حامي الموتور بس طبعا اتخرشمت من قدام بس الموتور و الحاجات الداخليه كلها سليمه
علي العمةم انت سالتني ايه مميزات السيريون
1- واسعه جداااااااااااااااااااااا
2- شكلها شيك و دي اذواق بس بصراحه كل اشكال الديهاتسوا الجديد بيشد العين خالص
3- عوامل امان عاليه
4- ياباني و قطع غيار معمرة و توكيل قوي محترم في المعامله بس غالي شوية لكن من ارخص الياباني و عندة فرعين في القاهرة العبور و ابورواش و نضاف جدا و عندهم quality control كويسة خالص
5- موفرة جدا في البنزين و مع ذلك عفريت علي الطريق سرعتها و تسارعها رائعععععععععععع جدااااااااااااااااا
6- الاتوماتيك الياباني مفيش خوف منه و بيعيش
7- بصراحه بحس اني راكب عربيه بجد مش عربيه لعبه يعني مثلا قارن الباب بتاعها و بتاع عربيا تانيه في الفئة بتاعتها الباب تقيللللل مش خفيف الخامات ممتازة للفئة بتاعتها
8- التقفيل ممتاز للفئة بتاعتها برضة
9- ثباتها كويس اوي يعني علي طريق العين السخنه 165 مستريح و في الملفات حلوة جداااااااااااا بس برضة دي عربيه مدينه
عيوبها
1- الشنطة صغيرة بس مقصرتشي معايا لحد دلوقتي لان الكنبه الخلفيه بتتني و دي عموما في كل الهاتشباك
2- قطع الغيار غاليه شوية بس بتعيش بصراحه
3- الاكصدام ضعيف زي الياريس

بس برضة انا مجربتش الجين 2 علشان احكم علشان كدة اتمني اللي يقول يشرحلنا علشان تبقي نصيحه كامله
و ربنا يوفقك للي فيه الخير

**abohalmos** · 15-09-2009 03:44 PM

المشاركة الأصلية كتبت بواسطة mohamed_momi88

كان في موضوع في المنتدي علمه اخ اخته عملت حادثة بيها بس الحمد لله جت سليمه كانت ماشية علي 80 و عربيه امن مركزي بتلف و هي خبطت فيها هلي بالك هبطت في العربيه و هي بالعرض يعني اكنها حاجة واقفة في الطريق يعني 80 سرعه كبيرة في الحاله دي و نشر صور العربيه الحمد لله هي و صاحبتها خرجوا سلام و في قضيب حديد في العربيه حامي الموتور بس طبعا اتخرشمت من قدام بس الموتور و الحاجات الداخليه كلها سليمه
علي العمةم انت سالتني ايه مميزات السيريون
1- واسعه جداااااااااااااااااااااا
2- شكلها شيك و دي اذواق بس بصراحه كل اشكال الديهاتسوا الجديد بيشد العين خالص
3- عوامل امان عاليه
4- ياباني و قطع غيار معمرة و توكيل قوي محترم في المعامله بس غالي شوية لكن من ارخص الياباني و عندة فرعين في القاهرة العبور و ابورواش و نضاف جدا و عندهم quality control كويسة خالص
5- موفرة جدا في البنزين و مع ذلك عفريت علي الطريق سرعتها و تسارعها رائعععععععععععع جدااااااااااااااااا
6- الاتوماتيك الياباني مفيش خوف منه و بيعيش
7- بصراحه بحس اني راكب عربيه بجد مش عربيه لعبه يعني مثلا قارن الباب بتاعها و بتاع عربيا تانيه في الفئة بتاعتها الباب تقيللللل مش خفيف الخامات ممتازة للفئة بتاعتها
8- التقفيل ممتاز للفئة بتاعتها برضة
9- ثباتها كويس اوي يعني علي طريق العين السخنه 165 مستريح و في الملفات حلوة جداااااااااااا بس برضة دي عربيه مدينه
عيوبها
1- الشنطة صغيرة بس مقصرتشي معايا لحد دلوقتي لان الكنبه الخلفيه بتتني و دي عموما في كل الهاتشباك
2- قطع الغيار غاليه شوية بس بتعيش بصراحه
3- الاكصدام ضعيف زي الياريس

بس برضة انا مجربتش الجين 2 علشان احكم علشان كدة اتمني اللي يقول يشرحلنا علشان تبقي نصيحه كامله
و ربنا يوفقك للي فيه الخير

انا من المعجبين بالسيريون جدا جدا

بس فيه حاجتين قلقونى و خلونى حاليا ناوى اجيب لانسر 1300 مانوال

1- الشنطة صغيرة و انا عندى اسرة من طفلين و مش عارف لو جيبتها هاحط حاجة البيت فين ... طب لما الشنطة تتنى ....... ماهو محدش هايقعد ورا و مش هاستفاد بالكنبة ...... انما لو لو على بنت لوحدها او شاب هيا ممتازة جدا جدا ........ ياريت لو حضرتك ليك تجربة مع موضوع الشنطة تقولنا عليها .... يعنى مثلا شالت معاك .... او اثارت اعجابك فى ايه ؟؟؟؟؟؟
2- موضوع الحادثة اللى حضرتك قولت عليها دى ....... انا شوفت الصور و تابعت الموضوع ........ و انا فاكر انه التقديرات فى الخساير كانت 35 الف جنيه على ما اذكر .... و كان فيه كلام انه الشركة تعتبرها فقد كامل ....total loss............. فانا بصراحة من ساعة ماشوفت الحادثة دى و انا بطنى وجعتنى و رجعت عنها......... برضه الامان حلو و الاخت الفاضلة طلعت سليمة هيا و صاحبتها .........الحمد لله ...... بس العربية مكلفتش قليل ... و خلتنى قلقت جدا ......ده حتى كونت معجب بالياريس جدا ....... بس صغر حجم الكبوت .... و الخسائر المتو قعة فى اى حادثة خليتنى احول اختيارى للانسر 1300 مانوال ...... ده حتى فى ناس ملاك للياريس نصحونى بلانسر 1300

ايه رأى حضرتك يا فندم