الموضوع: الحقونى يا جماعة مش عارف الزيت بيروح فين

غالبا واحد من المساتر فيه تسريب زيت او ان الخط مخروم، محتاج ميكانيكى او واحد بتاع فرامل ودبريج يراجع لك عليهم بهدوء لحد ما يلاقى مكان التسريب

المشاركة الأصلية كتبت بواسطة momo44

السلام عليكم
كل سنة وانتو طيبين
المشكلة باختصار ان الدبرياج كان فيه مشكلة ساعات بدوس عليه الاقى كانى بدوس على الهوا يعنى خفيف جداااا وكانه مش موجود ومعرفش انقل
اقعد اكارك ليه شوية يرجع يحمل تانى ويشتغل
الميكانيكى قالى انه واخد هواء وزبطه وبعدين رجع يهيس تانى وبقى بحالات
المهم انه فجأه لاقيته مش راضى يجيب خالص بصيت على علبة زيت الباكم لقيتها فاضية
مليتها وبعدين لقيته زبط وبعدها بحوالى اسبوع لقيت نفس المشكلة والعلبة فضيت تانى
يا ترى الزيت ده بيروح فين
والمشكلة دى بسبب ايه

السلام عليكم
أولاً : إنت تقصد تقول إن المشكة في الفرامل موش في الدبرياج
ثانياً: هذه المشكلة لا تخرج عن حاجة من إتنين إما
1_ ماستر أحد العجلتين الخلفيتين ضرب ويجب تغييره ( بعض الناس بتغير له جلد ماستر وده عبارة عن كاوتشتين مستديرتين في حجم ال5 صاغ _ الشلن _ الأصفر وثمنهم لا يتعدى ال 5 جنيه وفي هذه الحالة لو الماستر حدث به ما يطلق عليه بيضاوي أي تآكل في الماستر من الداخل هنا الماستر هيضرب تاني بعد يومين أو أسبوع بالكتير حسب إستخدام السيارة وتبقى كدة خسرت مصنعية الميكانيكي ( فك وتركيب ) + علبتين زيتب 10جنيه + ثمن جلد الماستر يعني حوالي 35 جنيه وده لأنك هتعيد اللي عملته بس المرة دي هتغير الماستر .

2_ تسريب في ماسورة زيت الباكم أو في أحد وصلاتها

ويمكن أن تكشف على العطل بنفسك كالآتي :-

إنظر إلى العجلتين الخلفيتين من الداخل هتلاقي واحدة منهم غرقانة زيت أو هتلاقي طرطشة زيت على أحد المساعدين الخلفيين
إعمل كدة وطمني