الموضوع: اغرب مقارنة ! ارجو المشاركة بجدية

لا طبعا هات عربية محترمة مستعملة بس اوعى تكون المستعملة دي الماني
هتجيب مستعمل هات ياباني منغير كلام
لانسر كريستالة مثلا وسقطلها موتور ب2000 جنيه بعد متدخل المتورين راس براس وهتلها اربع مساعدين سبور وجنط وكل ده هيقفل معاك خمسين واحد وخمسين واعمل فيها بقى اللي نتا عايزو منتا لسة معاك 20 باكو
انا لو منك
48 انضف لانسر 98 في السوق
3 بالكتير في المتور وراس براس واسقط الموتور ال1500 الاتنين كامة بيدي عليها حوالي 119 حصان (موتور قوي جدا)
اربع مساعدين كي واي بي وجنط 15 جامد كده (الجنط 3 والعفشة 1100) ادي 4 كمان
وزينون ادي 600 جنيه
وفرش جلد ادي 400 جنيه
وكاسيت جامد باربع سماعات بالف ونص
يبقى كلو 57 ونص والباقي حلال عليك
عايز حاجة تاني في العربية ؟؟؟
لو حبيت اساعدك في حاجة او تسال اي سؤال انا تحت امرك
لكن مستعمل الماني وكمان بي ام يعني عربية شباب اوعلى تحط رجلك فيها لو عايز رايي

كلامك جميل لكن انا بكره الميكانيكية و التسقيط و التعديل و الكلام ده .. ده انا دخت و انا بقراأ كلامك :d

بس اكيد لو اتجننت و فكرت اعمل كده حكون سائلك فى ثانية .. شكلك فاهم يا باشا :)

منتظر اراء اخرى !

المشاركة الأصلية كتبت بواسطة a.saad

الجديد ميزته انك هتريح نفسك من مشاوير الميكانيكى وهتكون محافظ عليها
لكن لو عايز حاجة اعلى وامكانيات اكير يبقى تجيب مستعمل بس ما تبعدش للتسعينات علشان ما تتقرفش فى الاصليح وعلشان لو مشروع احلال الملاكى اتعمل

هى دى الحاجة الوحيدة اللى بتخلينى افكر فى البيكانتو اصلاً !! بس خايف كام سنة استعمال تبقى عشة زيها زى المستعمل .. ربنا يحفظ لنا شوارع مصر بمطباتها و ميكروباصاتها و بابا غانوجها !

لأنى لسة راكب واحدة موديل 2005 كانت ولا ال 128 الكحيانة !

للرفع ! شكراً

المشاركة الأصلية كتبت بواسطة A.Saad

خش على car 100100 او كونتكت
ودور على تويوتا او نيسان مستعملة فى نفس الرانج
واكشف عليها كوبس فى التوكيل

وعلى فكرة
العربية لو بتحافظ عليها هتعيش معاك لان الكبا كويسة برده

نصيحه...............
الناس في المواقع ديه مزوده في اسعار عربيتها بفظاعه
اول ما تكلم حد فيهم نيمه و بعديها قولو علي سعر السوق لما تشوف العربيه
يا اما عندي احساس ان المواقع ديه اللي بيحطها التجار
احسنلك الوسيط عشان الاعلان غالي مفيش تاجر هيدفع
او الموقع هنا كل الاعضاء محترمين
بالنسبه للمقارنه بقي
الجديد جديد في كل حاجه
بس مش من بي ام ل بيكانتو برضو
او ممكن تمسك العصايه من النص
62 الف يجيبو حاجات كتير و مش قديمه قوي
يجبولك جولف مستريحه و تمام قوي و حالتهاحلوه
او تزود شويتين و تجيب بورا
عربيتين مشهود ليهم في كل حاجه بالكفاءه
بس خلي بالك قطع غياره غاليه قوي ((كل الالماني كده))
و ممكن هوندا سيفيك هتبقي موديل مش قديم قوي بردو وكفاءه

شكلى حستنى بيكانتو 2010 :d

انا كل يوم حد يخوفنى من المستعمل اكتر !@