مقارنة يا جماعة غاية فى الأهمية نرجو المشاركة

**ayman 2010** · 28-02-2009 10:58 AM

المقارنة هيا مابين ثلاثة سيارات
1- هيونداى 10i كاملة مانيوال
2- كيا بيكانتو كاملة مانيوال
3- سوزوكى التو 1100 سى سى كاملة مانيوال
ايهما افضل من حيث
1- وفرة قطع الغيار وثمنها
2- توكيل محترم وخبرة فنية جيدة
3-الأسعار بالنسبة للسيارات الثلاثة
4-ايهم افضل فى الأداء ويشمل هذا البند كل شىء فنى
مثل العفشة والمحرك والتسارع والكماليات وغيرها
الرجاء المشاركة ويفضل من يقتنى احدى هذة السيارات الثلاثة وذلك للأستفادة

**ayman 2010** · 28-02-2009 04:14 PM

معقولة يا جماعة ولا رد واحد يقول اى حاجة

**Nour_Peugeot** · 28-02-2009 05:30 PM

الهيونداي كويسه اووي

قطع الغيار متوفره و اسعارها معقوله و التوكيل مش اد كده اوووي بس برده معقول

و سعر اعاده البيع مش واقع اوووي معقول جدا

و البيكانتو كويسه برده بس معرفش حاجه عن قطع غيارها بس الناس اضدقائي بيقلولي عربيه محترمه جدا جدا

بس انا عن نفسي هختار الكيا مبحبش الهيونداي اساسا

**abdelaziznagy** · 28-02-2009 06:51 PM

انا بجد عاوز اعرف بردو لانى ناوى اشترى اما كيا او هيونداى

حد متخصص ياريت يرد

شكراااااااااااااااااااااا اا

**mahmoud_magdy** · 28-02-2009 07:05 PM

طيب مبدأيا انت تطلع السوزوكي التو من المقارنه
وممكن تحط دايهاتسو سيريون مكانها اظن هيكون افضل
وتبدأ تقارن بينهم
اللي اعرفو ان I10 عربيه حلوه وركبتها جميله ماشاء الله عليها
مريحه وموفره في البنزين ووسعها مناسب وطبعا شنطتها صغيره
وبخصوص المطبات فبتحس بيها كويس جدا بس مش هتخنقك يعني
واي استفسار ان شاء الله انا جاهز للرد

**ayman 2010** · 01-03-2009 10:02 AM

انا شايف يا جماعة ان الألتو طلعت برة المقارنة دى ولا اية رايكم

**ayman 2010** · 01-03-2009 11:07 AM

فى ناس بتقول ان 10i فى المطبات والأرض غير الممهدة افضل من الكيا بيكانتو هل الكلام دة صحيح
يا ريت يا جماعة اللى بيمتلك واحدة من السيارتين يقولنا رأية اللى اكيد عن تجربة

**ayman 2010** · 02-03-2009 08:47 AM

للدرجة دى العملية صعبة مفيش حد بيمتلك اى عربية من دول

**mecho_392** · 03-03-2009 12:36 AM

يا باشا انا عامل موضوع لل i10 فى قسم الهيونداى و كاتب كمان فى قسم المقارنات فى مقارنه السيريون وان مع ال i10, ممكن تشوف الموضوعين موضحين اللى عايز تعرفه عن العربية بس للاسف فيهم رغى كتيير.
اما بالنسبة لل i10 فى الطرق الغير ممهدة... لو بتتكلم فى طريق كله حفر و تكسيرات و دغدغات جامده دى انا بعديها براحه و بحاول اتجنبها قدر الاستطاعة بس بسبب ان تعليق العربيه ناشف و الكراسى كمان ناشفه بتحسسك بالحفر و التكسيرات لكن لو بتعديها براحه مش هتبقى مقلقه.. لكن فى الطرق اللى بتبقى فيها تمويجات و حفر بسيطه و بلاعات مرتفعة شويه, دى بمشى فيها بسرعه عاديه و مش بتبقى مزعجه غير انك بتحس بيها ك اهتزازات رأسيه الناتجه من حركة المساعدين.. و بجد العربيه ناعمه جدااااااا و نظام التعليق و العفشة الناشفه شويه مدى ثبات ممتاز للعربيه و فى الملفات الحاده على سرعات بتميل اقل من الماتريكس (و قريت فى اكتر من اختبار انها بتميل اقل من البيكانتو) و انا الحمد لله مريحانى جدا و مكنتش متوقع انها تبقى بالجمال ده..
بس للامانة انا قريت فى موقع جنوب افريقى جرب البيكانتو و ال i10 و بيقول ان البيكانتو تتميز عن ال i10 فى الراحة على الطرق الغير ممهده. لكنى قريت فى المنتدى هنا ان ناس بتقول ان البيكانتو ناشفه !!!
لكن فى الاختبار ده كان مكتوب ان ال i10 تتميز عن البيكانتو فى متعة السواقه و ال dynamics يعنى حركيا بدون اى منافس...
و انا مازلت بحب البيكانتو لانى من عشاقها و مقدرش احكم عليها لانى مجربتهاش.. لكن تجربتى لل i10 ان حكيتها اكتر من مره و لو ليك اى استفسار انا موجود.

**mecho_392** · 03-03-2009 12:39 AM

صحيح يا باشا مينفعش الالتو تتقارن بيهم نهائيا هى مفيهاش غير موتور فقط لكنهم اكبر منها حجما, و اعتقد احسن ثباتا و العزل اكيد افضل بمراحل و متعة السواقة.
الحل العملى فى الالتو هو ال 800 سى سى غير كده العربيه غاليه على حجمها ال 1100.