استشارة من اصحاب الميجان

**أشرف العدوي** · 16-09-2009 03:27 PM

اولاً السلام عليكم و كل سنة و انتم طيبين
انا اول مرة اشارك في قسم الرينو لاني ماعنديش رينو للأسف
بس دخلت استفسر عن حاجة مهمة قوي حصلت قدامي امبارح على كوبري الجيزة
كنت ماشي في امان الله و في عربية ميجان ماشية قدامي هي تقريباً موديل 2006 و في لفة في الكوبري الحمد لله انه كان زحمة شوية
العربية الميجان و هي بتلف العجل بتاعها مرضيش يرد تاني يعني لما جه يعدل وش العربية الدركسيون مارضيش يتحرك مع ان العربية دايرة
نزلت اشوف فيه ايه
صاحبها نفسه مش عارف ايه الي حصل
حاولنا نرفها و نعدل العجل بأدينا لكن طبعاً كان شئ مستحيل
انا مش عارف هو الي حصل ده بسبب ايه بالظبط
اصلي اول مرة اشوف حاجة زي كدة
و كمان لولا الكوبري كان زحمة كان زمان صاحبا عامل قفزة ثقة بيها من فوق الكوبري

**د.محمود صلاح** · 16-09-2009 06:03 PM

هل قفل الطارة قفش ؟

**Col. Eng. Khaled** · 16-09-2009 07:49 PM

الإهمال في صيانة أي عربية رخيصة أو غالية لازم نتوقع ما لا يحمد عقباه

يبقى مش ذنب العربيات رخيصة أو غالية جديدة أو قدييييييييييمة

**أشرف العدوي** · 17-09-2009 11:13 AM

يا ساتر يا رب
و الموضوع اتحل إزاى ؟؟؟؟

أنا بصراحة سيبته و مشيت بعد ما حاولت معاه شوية

هل قفل الطارة قفش ؟

مش عارف بس العربية كانت دايرة و مبطلتش حتى صاحبها ركبها و رجع سنة لورا و يمشي لقدام كذا مرة بس مفيش فايدة

ملاحظة :-
الموضوع حصل فعلاً و ليس من خيالي
لاني خايف اتفهم غلط اني بشتم في العربية
بس و الله ابداً ده موقف حصل قدامي و كنت عايزله تفسير
ارجو ان لا اكون دايقت حد

**Ahmed Selim** · 17-09-2009 11:58 AM

المسؤل عن ال steering lock أو قفل الدركسيون أو مسوجر الدركسيون هو عمود الدركسيون.....يعنى ده كان عنده مشكلة فى عمود الدركيون غالباً.......بس أيه اللى أدى الى كده........الله أعلم

هل هو أهمال صيانة ولا عيب صناعة........برضه الله أعلم

بس أنا لو مكانه و مش مهمل فى الصيانة هكلم 16202 وقتى و أنا واقف و أعمل حاجات مش ظريفة.........إلا بقى لو كان فى حد لاعبله فى العربية ( مغير عمود الدركسيون برة......العربية عاملة حادثة كبيرة )