الموضوع: تفـاصيــل إفطـــار البروتـونــاويــه الثـــانــى -رمضــان 2009-

المشاركة الأصلية كتبت بواسطة jisso82

هى كانت مقابلة حلوة بس هنقول إيه فاتك انت الخناقة اللى كنا هنعملها فى الكافيه بعد ما مشيت
يا الله الحمد لله على كل شىء و أهى عدت على خير

اه ده بجد خناقة بسبب اه ؟؟؟؟؟؟؟؟؟؟؟؟؟؟؟؟؟؟؟؟ لازم اعرف

المشاركة الأصلية كتبت بواسطة jisso82

و فى صور متاكلة كمان يا أيمن على فكرة يعنى عاجباك أوى العربية بتاعتك تنزلها 4 صور لوحدها و الصورة بتاعة ميدو ما تنزلهاش
حسبى الله و نعم الوكيل فيك و فى المهلبية و فى طبق الحلويات الشرقية الكبييييييييييييييييير و فى الكافيه و الويتر الرزل

شفت يا هيثم علشان لما اقولك اكهربه متباش تحوشني

السلام عليكم ورحمة الله وبركاته

كان فعلا يوم جميل جدا وبسيط جدا والناس فعلا كلها فى غاية الاحترام وكنت سعيد بمقابلتهم جميعا والاكل كان كويس خاصة طبق الحلويات الشرقيه اللى مقدرتش اخلصه واعدنا ناكل فيه كلنا مش راضى يخلص وخدنا الباقى واحنا مروحين كمان ( متصدقوش طبعا ) والقعده فى الكافيه كانت جميله جدا بس الجارسون كان مستفز شويه بس مش مشكله سعادتنا بالمقابله خلتنا نكبر دماغنا

بجد شخصيات البروتوناويه رائعه الناس كلها مبسوطه وسعيده جدا لمقابلة بعضها و ايمن الصراحه يا جماعه عمل مجهود خرافى كفايه انه اتصل بكل الناس واحد واحد قبل الفطار وقرا المنيو كله لكل واحد عشان يعرف كل واحد هيطلب ايه ويبلغها للمحل وبعد كده طلع يقابل ويجمع الناس خاصة اللى كانوا مش عارفين المكان واهتمامه بالناس ساعة الفطار وكان واقف يجيب للناس اى حاجه ناقصه وبعد كده خرج مع محمد عبد العال عشان يحلوا مشكلة الكاوتش اللى اتقطع وهو جاى ومجاش لينا الكافيه الا بعد حل المشكله بجد ايمن راجل محترم وبسيط وده سر الاجماع الكاسح عليه واحترامى له زاد كتير جدا يومها انا حبيت اكتب الكلام ده بس لتسجيل حاجات انا شوفتها وحسيت بيها ومن حق ايمن انى اقولها

وزى ما قلت انى من اكبر مكاسبى فى المقابلة اللى فاتت انى اتعرفت على هيثم احب اقول ان من اكبر مكاسبى فى المقابلة دى هى معرفتى بمهاب بجد شخصية محترمة جدا جدا واتمنى اننا نكون على تواصل على طول بعد كده

عقبال المقابله الجايه ان شاء الله وكل عام وانتم بخير

سلامى للجميع

المشاركة الأصلية كتبت بواسطة karaktar

حقيقى أنا ليا الشرف إنى أكون معاكو فى الصور
فعلاً كانت مقابلة جميلة جداً وإن شاء الله أكون معاكو فى المقابلات القادمة غصب عنكو وكمان اشارك فى تنظيمها عشان ماتحرمش من الناس المحترمين دول
كان يوم جميل جداً تحس ان فى حب والفه بين الناس عقبال اما اشوف قسم نيسان بهذه البراعة والتنظيم - حتى لو معييش بروتون هاسمى نفسى كريم النيساناوى البروتوناوى بتلزق فيكو بأه اعمل ايه
على فكره الفراخ كان طعمها جامد اوى بصراحة والرز طبعاً
وتحية كبيرة أوى اوى للمهلبية
والحلويات الشرقية كانت ميه ميه

والله يا باشا انت كنت منورنا كفايه انك اللى انقذتنا ساعة الفطار وسبقت للمطعم عشان يحضروا الطلبات لما تاخرنا فى التصوير والا كنا هنعد نص ساعة بعد الفطار لغاية ما ينزلوا الطلبات بس برضه كنا زعلانين جدا ان عربيتك متصورتش صحيح هى مقابلة بروتون بس المقابله للناس مش للعربيه . العربيه صحيح بتجمعنا بس ده مش معناه ميكونش معانا شخصية محترمة زى حضرتك حتى لو مش معاه بروتون او حتى مش ناوى يجيبها مفيش عنصرية عند البروتوناويه يا باشا وهنعتبرك زبون دائم معانا ان شاء

سلامى للجميع

المشاركة الأصلية كتبت بواسطة ahmedfathy77

والله يا باشا انت كنت منورنا كفايه انك اللى انقذتنا ساعة الفطار وسبقت للمطعم عشان يحضروا الطلبات لما تاخرنا فى التصوير والا كنا هنعد نص ساعة بعد الفطار لغاية ما ينزلوا الطلبات بس برضه كنا زعلانين جدا ان عربيتك متصورتش صحيح هى مقابلة بروتون بس المقابله للناس مش للعربيه . العربيه صحيح بتجمعنا بس ده مش معناه ميكونش معانا شخصية محترمة زى حضرتك حتى لو مش معاه بروتون او حتى مش ناوى يجيبها مفيش عنصرية عند البروتوناويه يا باشا وهنعتبرك زبون دائم معانا ان شاء

سلامى للجميع

أنا شاكر ليك جداً يااستاذ احمد وحقيقى انت من الشخصيات الجميلة اللى قابلتها وكون حضورى معاكو فى المقابلات لأنى فعلاً بعز هذا القسم وبحترم هذه السيارة
مش مهم العربية تتصور المهم انى انا اتصورت معاكو وكان لي الشرف بذلك

المشاركة الأصلية كتبت بواسطة densfog

ايه ياعم ايمن مالك مصورلنا عربيتك ولا كأنها ميريام فارس ولا علشان انتى المنظم يعنى , وليه تفكرنى بطبق المهلبيه الجبار وطبق الحلويات الشرقيه اللى كان قطره متر ونص كده تألب عليا المواجع , بس سيبك انتى كان يوم زى العسل بصراحه وناس كلهم فخور انى اتعرفت عليهم وان شاء الله تتكرر .... وبالمناسبه انا اتعلمت حاجه مهمه من اليوم ده ان ماينفعش واحد اسمر وحليوه زيى يلبس تيشيرت اسود حتى لو كان بتاع بروتون لأن النتيجه زى مأنتوا شايفين فى حته ضلمه فى الصوره موصلهاش فلاش مش بنى ادم واقف _ عامه الواحد مبيتعلمش ببلاش ... الله ينور يامون والله

من الشخصيلت الفكاهية اللذيذة اللى قابلتها إن شاء الله اشوفك فى المقابلات القادمة بإذن الله
اخوك كريم

المشاركة الأصلية كتبت بواسطة MohabSaeed

يا باشا انتا حتشرفنا فى كل تجمع باذن الله .... و من غير مايكون معاك بروتون ... انتا اخدت لقت " بروتونى " كفايه تشريفك لينا .

*و اجمد و احلى تحيه لطبق الحلوايات الشرقيه

أستاذ مهاب انا سعيد بيك جداً واشكرك على الكلام الجميل ده
واشوفك على خير المرة القادمة
على فكرة هو ماسموش حلويات شرقية ده ( حلويات الواد ده هوه حلويات )