الموضوع: شراء تويوتا 2010

المشاركة الأصلية كتبت بواسطة zinc

فعلا ده اللي لاحظته وانا بعمل ال test drive و فعلا ده موضوع مزعج

بس الموضوع ده فيه فايدة محدش واخد باله منها المسئول بتاع المبيعات قالي عليها ساعة ما اشترينا العربية وهي ان الترس مايبوظش لما العربية ترجع لورا وده بيبقي عكس الأوتوماتيك العادي لو العربية رجعت لورا الترس بيبوظ.

المشاركة الأصلية كتبت بواسطة ابو الوليد المصرى

بس الموضوع ده فيه فايدة محدش واخد باله منها المسئول بتاع المبيعات قالي عليها ساعة ما اشترينا العربية وهي ان الترس مايبوظش لما العربية ترجع لورا وده بيبقي عكس الأوتوماتيك العادي لو العربية رجعت لورا الترس بيبوظ.

الفتيس الأوتوماتيك العادى مش بيبوظ ولا حاجه لو العربية رجعت لورا وهى معشقة d

المشاركة الأصلية كتبت بواسطة scent7104

أنا عن تجربة ال mmt العربية حلوة ما شاء في السحب جميلة اوي بس الاحساس بالنقلة بيكون على الغيار التقيل يعني من الأول للتاني بس باقي النقلات بتيقى عادي و أنا بأحمد ربنا ان الخامس بييجي على سرعة 60 لأن بعد كده مش بأركز مع الفتيس و باحس اني ماشية بطيارة مش عربية سحب مع هدوء و ثبات.

المشكلة اللي أنا بأحسها و ساعات بأحس بغلطة اليابانيين في الفتيس ده و لازم على فكرة الموضوع ده يتظبط ب sw او كده لأنه بيكره الواحد في العربية و هي في المطالع و المنازل العربية بتبقى كأن واحد سايق مانيوال و مش عارف يضبط رجله على الدبرياج في المطالع فالعربية بتعوم معاه لورا جامد و لو منزل و راكن و عايز تجيب مارشدير برده مشكلة أكبر لأن ال r أصلا غيار تقيل برده. أنا حاولت أضبطها مع فرامل اليد بس برده المشكلة لسه قائمة و بتكرهني في العربية و الحمد لله اني طريقي مفيش فيه مطالع و لا منازل كتيرة. غير كده العربية تقفيلها و سواقتها و كماليتها حلوة اوي.

المشكلة ده تحصل على الوضع e بس لو طلعه مطلع جامد زى مطالع جراج سيتى ستارز والسبب ان ممكن تتضغط على العربية فتاخد تانى او ثالث وهى طلعه المطلع فطبيعى تحسى العربية مفهاش عزم ومش عايزة تطلع وكانها بترجع لوراء

وكانت بتقابلنى نفس المشكلة اول ما جبت العربية ومع الوقت واما اتعودت على الفتيس بقيت اعرف اضبط رجلى على e انها تفضل على الاول
واذا حصلت وحسيت العربية خدت تانى او ثالث بنزل الغيار من الشيفتات - لغاية اما العربية تكون على الأول

جرب نفس المطالع بس على m او es مش هتلاقى المشكلة ده خالص

المشاركة الأصلية كتبت بواسطة elmagic

الاتوماتيك مانوال الى هو mmt جنوب افريقيا كنت سامع كلام كتير وعيوب ملهاش عدد

بس وشكرا ليك

المشاركة الأصلية كتبت بواسطة medo_sirion

بس انا سمعت ان التقفيل جنوب افريقيا فى عيوب كثيرة هل هذا صحيح؟

عيوب فى الفتيس وعيوب فى التقفيل ملهاش عدد

انت بتجيبوا الكلام ده منين ؟ وسمعتوه من مين ؟ !!!!

السوق بيلعب دور مهم فى كل حاجه

عموما عشان تكون المقارنة حقيقية بين الجير العادى وال mmt

لازم تجربة الكورولا الجير العادى تكون بنفس الموتور اللى هو dual vvti وده حيبان فى الفترة اللى جاية وحتبان الفروق الحقيقية بينهم لأن المقارنات السابقة كانت مش مناسبة لأن الإختلاف بين الموتورين كان مخلى النتائج فى صالح ال mmt

انا بأذن الله هشتري التويوتا 2010 كاملة اوتوماتيك ب 160 الف ومحتار في المقارنة بينها وبين الاوكتافيا a5
التيب سترونك ب167 الف ياتري القرار المناسب ايه للشراء

المشاركة الأصلية كتبت بواسطة morsy777

انا بأذن الله هشتري التويوتا 2010 كاملة اوتوماتيك ب 160 الف ومحتار في المقارنة بينها وبين الاوكتافيا a5
التيب سترونك ب167 الف ياتري القرار المناسب ايه للشراء

http://www.nilemotors.net/Nile/92639-a.html

أولا شكرا ياأخ كريم
وبعدين انا لما قرأت التوبيك أزدت حيره عن الاول والان مش عارف أخد اي قرار بعد زيادة مساحة الحيره
وخاصة ان الاخوه الاوكتافاوية غير مشاركين بأي أراء فنية عكس السادة التوتاوية
رجاء المساعدة ولاتبخلوا بأرائكم دام فضلكم