الموضوع ده للي عنده أي سؤال عن اللينكس وإن شاء الله نرد عليكم:Oc_sun1[1]:
طبعا الموضوع ده إتفتح بعد ما تم طردنا من موضوع windows 7:120146b
بهزر طبعا:B4_611:
عرض للطباعة
الموضوع ده للي عنده أي سؤال عن اللينكس وإن شاء الله نرد عليكم:Oc_sun1[1]:
طبعا الموضوع ده إتفتح بعد ما تم طردنا من موضوع windows 7:120146b
بهزر طبعا:B4_611:
متشكر جداً على الموضوع... انا اصلاً في دماغي اتعلم لينكس بس انشغلت شوية و كنت ناوي اسأل شوية اسئلة فعلاً....
ممكن حضرتك تفيدني بخصوص الأسئلة دي:
1- ممكن انزل نسخة لينكس مع الويندوز فيستا في نفس الوقت (على نفس اللابتوب؟)
2- يا ريت حضرتك تفيدني انزله منين و ازاي .. عشان انا ابيض ؟ (احدث نسخة و اسمها اية؟)
3- انا معرفش في اللينكس خالص و عايز اتعلم.... هل هيكون من السهل اتعلمه لوحدي ؟
متشكر......
اسمحلي يا يوكو باشا ارد.
1) ممكن تنزل اللينكس مع الويندوز على نفس اللابتوب. مفيش مشكلة.
2) جرب نسخة Linux Mint
آدي الموقع Download - Linux Mint
3) ممكن تتعلم لوحدك. بس محتاج يكون عندك حب للاستطلاع والقراءة.
المواقع والكتب عن اللينكس كتير. قول لي، عايز تقرأ عن اللينكس بالعربي ولا الانجليزي؟
بشكر حضرتك جداً على سرعة الرد
بالإنجليزي...اقتباس:
المواقع والكتب عن اللينكس كتير. قول لي، عايز تقرأ عن اللينكس بالعربي ولا الانجليزي؟
نزل الكتاب ده.
http://rute.2038bug.com/rute.html.tar.bz2
ممكن تحتاج برنامج 7zip عشان تفك ضغط الملف.
بس نصيحة. نزل اللينكس الأول واستخدمه كام يوم بعدين نزل الكتاب واقرأه.
الكتاب تقني للغاية وممكن تستخدم اللينكس من غير ما تقرأه. الكتاب هدفه تعليم واجهة سطر الأوامر. مع النسخ الحديثة للينكس، استخدام سطر الأوامر قليل جداً للمستخدم الجديد.
شويه نصائح كدا !
وقت تجربه لينكس لازم تفهم شويه حاجات عن التوزيعه اللي بتستخدمها ! الملفات اللي بتستخدمه التوزيعه و هي مبنيه علي ايه و الحاجات دي
ازاي تنزل ملفات و مكتبات ازاي تستخدم الترمينال عموما
تاني حاجه للي ححطوها علي الجهاز لازم ضروري تقرا كل خطوه بتعملها !! الموضوع مش نكست نكست نكست
كتير الهارد كله بيتفرمت عندهم بسبب انهم بيستخدمو الطريقه دي !
اخيرا اوبونتو الفا 6 نزلت من ساعتنين كدا :) ! اخر نسخه تجريبيه من اوبونتو 9.10 اللي حتنزل في اول اكتوبر
مع اني بقيت من جماعه سلاكوير اللي قاربو علي الانقراض هههههه بس خبر اوبونتو لمستخدميها
بصراحة الناس كفت ووفت بس قبل ما تعمل سطب للنسخة دور في جوجل عن ubuntu dual boot وهتلاقي شرح إزاي تنزل لينكس جمب الويندوز
ثانيا اللينكس مش حاجة واحده مش زي الويندوز xp بعديه فيستا بعديه ٧
ﻷ ده فية أكتر من نسخة(يقال عليها توزيعة)وكل توزيعة ليها إصداراتها
ثالثا لازم يكون عندك حب للتعلم والبحث والسؤال لإنك مش بتجرب برنامج جديد ده نظام تشغيل كامل
لPRO-DRIVE
أنا حرمت أنزل ألفا وبيتا أخر مرة نزلت البيتا الجهاز طلع عيني عشان كرت النفيديا مع إني بعرف من البيناري!!!
وسلاكوير خلاص بينقرضوا بالذات بعد ما backtrack إتبنت على الubuntu وكمان slack بقت على الkde بس وأنا بصراحة مبحبش الkde
شوف الموضوع ده يا yoko. دي كانت محاولتي للدعوة للينكس.
http://www.nilemotors.net/Nile/68064-a.html
انا عاوز انزل لينكس بس المشكلة ان الجهاز عندى قديم و منفعش معاة الاوبونتو الجهاز ايسر , 128 رامات , 1300 بروسيسور , فيجا 8
انا عاوز بقى لينكس يكون خفيف و يشتغل على المواصفات دى و عاوز اعرف اية نظامو مع التعريفات عشان انا السبب انى حنزلوا انى مش عارف اعرف كارت الصوت على الاكس بى
و شكرا مقدما ليكم.
جرب النسخة دي من توزيعة Linux Mint
The Linux Mint Blog » Blog Archive » Linux Mint 7 ‘Gloria’ XFCE released!
دي بتستخدم واجهة XFCE الخفيفة. ان شاء الله تبقى خفيفة على الجهاز وكارت الصوت يشتغل.
ممكن تنزلها على usb stick باستخدام البرنامج ده Download UNetbootin, Universal Netboot Installer from SourceForge.net
بالنسبة للرامات، جرب. طالما XP نزلت على نفس الجهار يبقى النسخة دي غالبا حتبقى كويسة.
في توزيعات تانية بتستخدم رامات قليلة جداً. بس الواجهة بتاعتها مش سهلة. جرب دي الأول.
بص اساسا لينكس للاجهزه دي :) انت حتي ممكن تنزل النسخه دي عادي في اصعب الظروف لو مشتغلتش يعني و انت بتحملها تحمل من التحميل النصي مش لايف
هي المشكله كلها في الواجهات :) الواجهات الشائعه زي جنوم و كيدي معموله بأهمال الاجهزه الضعيفه
بس الواجهات الموجهه للاجهزه اللي زي عندك كتير اشهرهم enlightenment و LXDE و iceWM
عندك في توزيعات بتشتغل علي اجهزه حتي 64 ميجا رامات ! بس هي المشكله عموما في الصعوبه في التوزيعات دي
اوبونتو 9.10 حتنزل بواجهه LXDE دا لو عاوز تستخدم توزيعه دعمها موجود و منتشر جداا يبقي اصبر شهر !
لو عندك استعداد تقعد تقرا كتير و كدا يبقي عندك حاجه من 2
1- zenwalk بواجهه XFCE زين والك ممكن تشتغل علي رامات اقل من عندك كمان و حتكون سريعه جدااا عشان مبنيه علي سلاكوير !
سلاكوير بتشتغل علي 64 ميجا رامات !
2- ARCH LINUX و دي افضلها عن zen بس هي عيبها انها اساسا بتنزل من غير واجهه افتراضيه و انت تحمل الواجهه اللي تعجبك بقي مش بتفرق معاها !
فا خبرتك في النظام هي اللي بتحدد لو عندك استعداد تقرا كتير و تصبر عشان تتعلم او عاوز حاجه جاهزه !
انا نسخت اللينكس على اسطوانة
وجربت ادخل عليه كده من غير تسطيب من الاسطوانة يعنى
هوة جميل ومختلف تماما عن وندوز خالص ومحتاج وفت علشان التعود
واللى مزعلنى منه واللى خلانى مسطبهوش انه مش بيشغل العاب
وانا طبعا الجيمز عندى مهمة شوية وخاصة سلسلة نيد فور سبيد
فياريت لو فى نسخة للجيمز دى تبقى حاجة كويسة
واشكركم على النسخة
بص جامز اللينكس مختلفة عن الويندوز فممكن تنزل الإتنين جمب بعض(لينكس وويندوز)
وممكن تدور على برنامج إسمه wine وده لتشغيل برامج الويندوز على اللينكس وهو في ألعاب حلوة على اللينكس لكن لعب عربيات لسه منزلش للأسف دور كدى على الwine وشوف نيد فور سبيد هتشتغل عليه ولا ﻷ
تمام جدا الموضو ع ده
انا ماشي معاكم خطوه خطوه ولما نقلتو الموضوع قلنا ماشي مفيش مشاكل
بس انا عايز افهم شيء
انا هبوت ازاي من الـ usb?
طبعا انا عارف البوت ازاي
انتو نزلتو لينك لبنرامج طيب يعني ايه فكرتو بظبط؟
فهموني كده براحه
A.Yakout
نبتدي واحده واحده هنعمل بوت إزاي زي ما بتعمل بوت لل سي دي بس الأجهزة الجديدة ممكن تختار boot from usb
تاني حاجة البرنامج ده كل الي هو بيعملة بياخد النسخة الiso بتاعت السيدي ويفكها على الفلاشة عشان يتعمل بوت من الفلاشة
عندي ليك سؤال طب أجهزة الnetbook من غير سيدي روم هيتنزل عليها الoperating system إزاي فهي دي أسهل وأسرع طريقة
-----------------------------------------------------------------------------------
حاجة بقى لكل الناس على فكرة اللينكس لما بتشغلة من السيدي على طول بيبقى أبطأ بكتير من لو عملتلة setup لإنه محدود بسرعة الcd-rom
وعلى فكرة برده من الفلاشة أسرع بس برده مش أسرع أوي
هو إسمة netbook الي شاشته ١٠ إنش (مع والديتي) الnotebook هو اللابتوب بس ده إسمة الشائع في أمريكا
أما أبديت الbios خش على موقع دل وشوف نزل أبديت ليه ولا ﻷ ولو مكنش يبقى يا تستخدم البرنامج ده VirtualBox لعمل جهاز وهمي داخل الويندوز أو تستخدم cd-rom معرفش ليها حل تاني بصراحة
مبروك الموضوع الجديد عن ال لينكس
وانا متابع باهتمام و خصوصا موضوع تجربة ال لينكس من اسطوانة بدون عمل setup وفى وجود الويندوز
بس الويندوز 7 فعلا حاجة جميلة وخفيفة جدا فى التحميل واهم حاجة انها لاتطلب تدخل كتير من المستخدم - شغالة مع نفسها
يا جماعة طاب الواحد يبدأ بأيه الاول اوبنتو و لا منت
معنديش اى خبرة بيه و هبتدى من الصفر ؟
اولا شكرا على الموضوع الجامد:S_thum1[1]:
المشكله انى عملت Install ل ubuntu وعملت ال Dual Boot وكلوا تمام ماعد انى معرفتش اجيب تعريف لل Sound Card علشان قديم شويه وبالتالى مكنش فيه صوت , غير كده بجد نظام رائع .
ماتخافوش يا لينكساوية , انا بتكلم بجد و فعلا متابع
ومش ناوى اخد بالتار ( مع انى صعيدى )
وبعدين انا مبسوط علشان عملتم موضوع جديد مع انكم كنت منورييييين
سؤال تانى معلش
الدريف اللى هينزل عليه محتاج مساحة قد ايه ؟؟
yoko
متشكر جداً
تم الإنتهاء من داونلود لينكس منت 7 وعمله على CD ..
هبدأ دلوقتي في الsetup وربنا يسهل
مبروك يا رجالة على الموضوع :) و متنسوش انا اتطردت معاكم من الموضوع التانى يعنى ليا نصيب من ارباح الموضوع ده :)