الجريمه صناعه مصريه من مياه الحنفيه
ده مجرد انك تفتح إربة المياه و تحط فيها مياه من الحنفيه تبقى بكده حطيت السم البطئ المفعول فى سيارتك بنت الناس اللى جايه من ألمانيا البلد اللى بتقدر بنات الناس و بتهتم بيهم و طبعا ده اللى أنا إكتشفته و عالجته فى سيارتى البولو الجميله الانيقه و الحمد لله أزلت أسر السموم لتغرد على الطريق
أجزاء الجريمه الثلاثة:
الجزء الأول و الأهم كوعة المياه أو شجرة المياه أو أى اسم شوفوا المياه عملت فيها ايه الصوره الأولى للمجنى عليها يا خبررررررررر بجد جريييييييييييييمه و الله فيها 3 سنين سجن شوفوا الجير الابيض من المياه و الاملاح اللى تراكمت على الكوعه اللى فيها حساسات و ترموستات و الكترونيات الخ الخ الخ الصوره الثانيه للمجنى عليها دى مش بهدله يا جماعه و الله دى اهانه للفولكس المفروض الشركه ترفع قضيه على شركة مياه الشرب دى الكوعه دى أساسا لو لاقيتها استعمال ب 250 جنيه يبقى مامتك دعيالك
الجزء الثانى هى خراطيم المياه شوفوا المياه اللى إحنا بنشربها عملت فيها ايه
الصوره الاولى للمجنى عليه شوفوا التشقق و الشق الكبير اللى المياه عملته ربنا يكون فى عونك يا معدتى
الصوره الثانيه جريمه بشعه
الجزء الثالث الردياتير اللى أتهرى من الأجناب و بقى بايش يا عينى ما كانش يومك يا غالى
الصوره الاولى شوفوا الردياتير و هو فى صدر العربيه بيشكى بيقول طلعونى من هنا.... مياه حنفيه لأ
الصوره الثانيه طلع و بيقول كلنا لها
و فى النهايه ده شعار شركة المياه فى مصر اذا حبيت تقضى على عربيتك حط مياه فى الإربه و عربيتك تبقى شوربه
حسبناااااااااااا الله و نعم الوكيل
المفضلات