الموضوع: الكلاكس ومرايات الكهرباء وقفوا فجأة

أحلى شباب وأحلى منتدى وأحلى ناس ردت عليا في الموضوع ده:

أحب اقولكم ان المشكلة اتحلت , طبعا الحمد لله كانت بسيطه وإليكم اللي حصل:
أولا سبت العربية في الشمس طول اليوم ودا مفرقش في حاجه
فتحت علبة الفيوزات اللي في الكبوت وبصيت على مكان فيوز الهورن وبدلته بواحد تاني وبرضه لسه مش شغالين
ملحوظة: فعلا مفيش علبة فيوزات جوة العربية قدام الكرسي اللي جنب السواق - الشاهين فيها العلبة دي لكن الجين 2 لأ (عباس الضو قال لأ حسن شحاته قال لأ وأنا بقول لأ )
طبعا كنت كلمت عز العرب وكله قافل لبعد العيد , رحت ل كهربائي معفن (سوري ع الكلمة بس مش لاقي وصف تاني) راح جايب لمبة يقفل بيها دايرة الفيوز مع البطارية وقعد يجرب لغاية ما لقى واحدة منهم فيها شورت , المهم خدها وعدلها وركبها الدنيا نورت والكلاكس والمرايات رجعوا يلعبوا تاني - الموضوع خد 3 دقايق مش 5 حتى

المهم افتكرت كلمة: جاجارين أول حاجه قالها:
"داخل علبه الفيوزات اللى تحت الكبوت والاثنين بتوع المرايات والكلاكس فى الربع الاعلى شمال واحد 10 امبير والثانى 15 امبير ولو محروقين غيره"

اهو انا غيرت ال 15 ومغيررتش ال 10 وأتاري ال 10 بتاع المرايات هو السبب وهو اللي كان موقف الكلاكس .

أول ما الكلاكس نطق طبعا انا انبسطت وقلته الله ينور أأمر : قالي أرقام فلكية على اعتبار ان انا راكب 2009 والفلوس متنطورة يمين وشمال ومش عارف أوديها فين!!!


المهم أحب أشكر gagareen
عضو فعال جدا




اللي جابلي من الآخر بس انا ما ركزتش في الكلام

وبرضة أحب أشكر:
mimo3000
عضو جديد

A. Ibrahim
عضو فعال
emadhamdy
عضو جديد
MuhammedSoliman
عضو برونزي
khpopo
عضو فضي







وكل سنة وأنتم طيبين جميعا
أحمد عمارة