الكلاكس ومرايات الكهرباء وقفوا فجأة

**a7med_3omara** · 18-09-2009 11:41 AM

السلام عليكم , كل سنة وانتم طيبيين جميعا.

يا جماعة حد يلحقني بسرعة , الكلاكس والمرايا الكهرباء مباقوش يشتغلوا النهاردة الصبح فجأة
للعلم البواب غسل العربية النهاردة بالمية وبعد اما اتحركت بظبط المرايا لقيتها مابتتحركش , وكمان لقيت الكلاكس مش شغال , حاولت اشوف الفيوز لكن كل حاجاه في مكانها , برضه كهربة العربية كلها عموما مافيهاش مشكلة خالص هو بس الكلاكس ومرايات الكهربا

أرجو المساعدة من شباب نايل موتورز الخبرة أنا حاسس انها حاجه بسيطة.

برضه هل فيه محظورات من غسيل العربية بالمية مع العلم اني بغسل العربية من بره بس بالمية لكن مش بهوب ناحية الماتور , برضه انا بلاحظ ان بعد ما العربية بتتغسل بلاقي الميه داخله جوه زجاج العربية يعني اما برفع الزجاج بلاحظ المية واقفه عليه هل فيه خطر من الموضوع دا ؟
أرجو النصيحة وألف شكر مقدما

**gagareen** · 18-09-2009 01:30 PM

حاول تشوف الفيوزات سليمه ولا لأ - يعنى مش محروقه - داخل علبه الفيوزات اللى تحت الكبوت والاثنين بتوع المرايات والكلاكس فى الربع الاعلى شمال واحد 10 امبير والثانى 15 امبير ولو محروقين غيرهم - طبعا تكون فاصل الكهرباء قبل كده يعنى المفتاح عند lock او مش فى الكونتاكت

لو الفيوزات سليمه يبقى فيه شورت فى الدائره نتيجه المياه يعنى حاول تجفف المياه من كل شى ليه علاقه بالموضوع - فيوزات مثلا وفى الغالب حتحتاج تسيب العربيه فى الشمس عشان تنشف الاجزاء الصعب الوصول ليها
جرب كمان تفصل كابل البطاريه شويه لمده دقيقه وتركبه تانى ممكن يكون فيه حاجه مهنجه مثلا

طبعا مفيش حاجه تمنع الغسيل بالميه من الخارج فقط اما من الداخل يفضل بالهواء المضغوط

الميه اللى على الزجاج وانت بترفعه بعد الغسيل ده نتيجه وجود مياه مشبعه على الجوان بتاع الباب الملامس للزجاج وده عادى وبتحصل عندى بس بنسبه بسيطه وعلى فكره ممكن ده اللى يكون نزل مياه داخل الباب واثرت على كهربه الزجاج لو المياه كانت بصوره كبيره او مركزه عند المنطقه دى طبعا ده احتما ومش اكيد لانها محصلتش معايا قبل كده

ان شاء الله الموضوع بسيط

تحياتى

**a7med_3omara** · 18-09-2009 02:02 PM

ألف شكر يا gagareen كلامك منطقي جدا طبعا , انا سايبها في الشمس وربنا يقدم اللي فيه الخير و برضه انا بصيت على الفيوزات بس مفيش حاجه محروقة , الغريب ان الكلاكس والمرايات مع بعض!!!!

ألف شكر مرة تانيه يا باشا

**mimo3000** · 18-09-2009 02:41 PM

انا رايي انهم لو قطعوا فجأه زى حضرتك مبتقول بدون اى مقدمات يبقى اتاكد ان لافيوزات سليمه على الاقل غير الفيوز بفيوز جديد زياده اطمأنان
انما لو كانت بتعلق قبل متفصل او كانت بتشتغل وتقف او اداءها قل بشكل ملحوظ وبعد كده فصلوا يبقى حصل شورت

وانا شايف استاذ gagareen قال كل حاجه

وربنا يسترها انشاء الله ويارب تطلع حاجه بسيطه وتتحل على طول

**A. Ibrahim** · 18-09-2009 03:18 PM

انا شاء الله الموضوع بسيط هو حصل مع واحد صحبي حصلة معاه .

سيب العربيه تنشف و ياريت تغير الفيوز و انشاء الله كله هيبقي تمام . و لو الدنبا مأزمة و مش عارف الفيوزات روح التوكيل او كهربائي كويس جدا بس اوعي يلعب في حاجه اخره الفيوزات

**a7med_3omara** · 18-09-2009 04:02 PM

ألف شكر يا شباب على ردودكم , أنا سايب ال جين 2 في حمام الشمس بتاعها في العجوزة وربنا يسهل

**emadhamdy** · 18-09-2009 04:29 PM

اخي الفاضل
الموضوع اسهل مما تتخيل
وحصل في عربيه خالي bmw
يعني تحصل في اي عربيه
وطلع المشكله في الفيوزات وبسيطه جدا

**MuhammedSoliman** · 18-09-2009 06:16 PM

اتأكد من علبتييييين الفيوزات الداخلى اللى امام الكرسى اللى جنبك من تحت واللى فى الكبوت
تحياتى

**a7med_3omara** · 18-09-2009 07:39 PM

شكرا محمد سليمان

انا معايا جين 2 , علبة الفيوزات اللي قدام مافيهاش حاجه , انا غيرت فيوز الهورن (الكلاكس) بواحد تاني نفس الأمبير من العلبة , جربت ماشتعلش , وماعنديش علية فيوزات تحت الكرسي

المشكلة ان احنا داخلين على عيد وكل الناس قافلة دلوقتي وطبعا الكلاكس مهم جدا ;-)

**khpopo** · 19-09-2009 01:29 AM

المشاركة الأصلية كتبت بواسطة a7med_3omara

شكرا محمد سليمان

انا معايا جين 2 , علبة الفيوزات اللي قدام مافيهاش حاجه , انا غيرت فيوز الهورن (الكلاكس) بواحد تاني نفس الأمبير من العلبة , جربت ماشتعلش , وماعنديش علية فيوزات تحت الكرسي

المشكلة ان احنا داخلين على عيد وكل الناس قافلة دلوقتي وطبعا الكلاكس مهم جدا ;-)

روح فرع البالون بكره ان كانو قفلوا اى كهربائى يشوفلك الفيوزات الى جوه تحت التابلوه يمين

ربنا يوفق

الموضوع: الكلاكس ومرايات الكهرباء وقفوا فجأة

LinkBack

أدوات الموضوع

عرض

-

-

-

المواضيع المتشابهه

ستاير كبس للوجان ومرايات النقطه العمياء

اكصدامات ومرايات e46للبيع

للاسف وقفوا استيراد ال Octavia A4 & A5 ولو سمحتم محتاج نصيحة من أهل الخبرة

لون اكر ومرايات الالنترا

الكلمات الدلالية لهذا الموضوع

المفضلات

المفضلات

ضوابط المشاركة