هى الاصحاب جرالها ايه ؟؟

**KHALED AYMAN** · 18-09-2009 04:13 PM

المشاركة الأصلية كتبت بواسطة aboelnagah

اعذرنى فى الكلام اللى هقوله

انتوا مكنتوش صحاب بمعنى الكلمة الصحوبية مش هزار وكلام وقعدات وسفر مش ده الدليل على انكم اصحاب

الصحاب بجد هم اللى يقدروا يستحموا بعض واللى حصل بينكم واللى واضح من هزاركم انكم صغرتم عقلكم واعذرنى فى الكلمة بقيتوا عيال

طبعا انك لما تشوفه تشتمه معناها انك اصلا مبقتش باقى عليه وهو يضرب ببوكس يعنى شغل عيال بصراحة مش صاحب بجد

كلكم غلطانين

واعذرنى ده راى وياريت تبص فى نفسك الاول اكيد انت مش ملاك واكيد انت غلطان

انا بتفق معاك و بختلف معاك ..
اتفق فى كل حاجه ما عدا فى كلمه اننا مكناش اصحاب بجد ..
لا
احنا كنا اصحاب بجد
بشهاده كل الناس
و بشهاده تعاملنا مع بعض
طول عمرنا بنقف جمب بعض
فى اى موقف
و طول عمرنا ايد واحده
لدرجه ان فى واحد منهم اخوه كان بيغير منى ..
و كنا جدعان مع بعض ...
و الموضوع مش موضوع خروج و فسح ..
لان اصحاب الخروج دول اكتر من الهم على القلب ..
بالنسبه لل حصل ..
انا اعترفت انى غلطان ..
بس مش غلطان للدرجه الى توصلهم لكده ...
و من الاول انا مغلطش عشان مسكت تيشرت !!!!
و على فكره انا مش زعلان منك ..
لان الصراحه متزعلش

**Abo_Lina** · 18-09-2009 04:17 PM

أنا مستغرب قوي من تطور الاحداث اللي بينك و بين أصحابك ..
أعتقد فيه شيئ تاني أو موقف حصل قبل كده و كون رواسب ..
مش منطقي إنك تشد تيشيرت صاحبك كل ده يحصل

**KHALED AYMAN** · 18-09-2009 04:17 PM

المشاركة الأصلية كتبت بواسطة Fadi Ezzat

ازيك ياخالد عامل اية
انا بكلمك على الميل دلقوتى على فكرة
المهم انا من راى ادام صحابك دول بعدو عنك وباعوك بعهم انت كمان ولا كانك تعرفهم

فعلا يا فادى ..
انا هسكت و مش هعمل حاجه

هتفرج بس ...
و لو حد كلمنى هقولهم انا تبع فادى الى بيكهرب

ههههههه

المشاركة الأصلية كتبت بواسطة KSA2011

الناس اتوحشت بشكل مش ممكن
معلش قول الحمد لله ودى مرحله وهتعدى
موضوع الصحاب و الاصدقاء ده انا مش مقتنع بيه بصراحه والحمد لله مش دايما بكون معاهم
بس دايما يتصلوا بيا فى خروجاتهم وانا اعتذر باى حاجه وبعد ما اتقابل معاهم اسمع كل واحد قاعد يشتم فى التانى و يقولى عمل وسوى فبتاكد انه البعد احسن
و كمان فيه حاجات اولى بكتير من قعده الصحاب و الاصدقاء
المهم انت روق وكل سنه وانت طيب

شكرا لاهتمامك ..
بس الواحد و حسب ما اتعود ...
انا طول عمرى ..
حياتى
شغل بالنهار او كليه
و بالليل خروج!! معاهم !!

SS · 18-09-2009 04:18 PM

شكلك ما اختلفتش و ما زعلتش معاهم قبل كده......و سيبك من خمس سنين و عشر سنين و الكلام ده
عن تجربة فى ناس بتبقى تمام معاك اوى و تفضل الحياة بينكم اخر حلاوة.....بس ساعة الزعل بتبقى كلاب مسعورة
ما بتبقاش ع حاجة و لا بتصون حاجة....و النوعية ديه بيبقى مصلحة تقطع معاهم بدرى بدرى
و صحابك دول مع كامل احترامى ليك و ليهم و مع مراعاة ان احنا سمعنا القصة من جانب واحد
بس يكفى حاجة واحدة انت قلتها....موضوع الصور و سرقة الايميل....تثبت انهم مش و لا بد
الحركة ديه مش مقبول انها تتعمل مع حد غريب بينك و بينه عداوة ...فما بالك حد تعرفه...حتى لو مختلف معاه؟؟
لو حتى ما اعتبرنهاش سفالة و تصرف واطى.....تبقى خيانة للأمانة و ثقتك فيهم...
عموماً ماتزعلش نفسك.....انت لسه صغير و يا ما هاتقابل!!!

**KHALED AYMAN** · 18-09-2009 04:19 PM

المشاركة الأصلية كتبت بواسطة tyler_durden

أنا مستغرب قوي من تطور الاحداث اللي بينك و بين أصحابك ..
أعتقد فيه شيئ تاني أو موقف حصل قبل كده و كون رواسب ..
مش منطقي إنك تشد تيشيرت صاحبك كل ده يحصل

منا مستغرب زيك بالظبط ..
عشان كده كنت مصدوم ..
بنضرب و مش بدافع عن نفسى !!!
انا توقعى..
زى ما انت بتقول,,
فى رواسب ..
حد كان بيزن فى دماغهم بقاله فتره كبيره ...
و وصلهم لمرحله ..
الكره ..
لدرجه انه ميستملش مسكه تيشرت ...

**Fadi Ezzat** · 18-09-2009 04:19 PM

فعلا يا فادى ..
انا هسكت و مش هعمل حاجه هتفرج بس ...
و لو حد كلمنى هقولهم انا تبع فادى الى بيكهرب ههههههه

صح كدة قولهم انى بكهرب
وقلهم انى اسمى فادى هيخافو على طول

**KHALED AYMAN** · 18-09-2009 04:23 PM

المشاركة الأصلية كتبت بواسطة fadi ezzat

صح كدة قولهم انى بكهرب
وقلهم انى اسمى فادى هيخافو على طول

لا يا فادى مش دلوقتى ..
انا مش هقولهم غير لما الموضوع يوصل لموقف صعب عشان تبقى القاضيه ...
فادى الى بيكهرب ......ههههههههههه

**Abo_Lina** · 18-09-2009 04:50 PM

حاول تسأل صاحبك اللي واقف معاك عن السبب أو تخليه يسألهم
أصل غريبة ان يبقى فيه اجماع و كلهم يوقفوا مع صاحبك و يسيبوك ..
ساعات الواحد بيعمل حاجات عفوية و مش بياخد باله بس بتترك أثر في الناس اللي حواليه ..

**KHALED AYMAN** · 18-09-2009 05:03 PM

المشاركة الأصلية كتبت بواسطة tyler_durden

حاول تسأل صاحبك اللي واقف معاك عن السبب أو تخليه يسألهم
أصل غريبة ان يبقى فيه اجماع و كلهم يوقفوا مع صاحبك و يسيبوك ..
ساعات الواحد بيعمل حاجات عفوية و مش بياخد باله بس بتترك أثر في الناس اللي حواليه ..

ممكن فعلا ...
انا شخصيا اتمنى ان السبب يكون غلطه انا عملتها و ميكونش حد وقع ما بينا ....