ايه اكتر برنامج شدكم فى رمضان ؟

**د.محمود صلاح** · 19-09-2009 11:30 AM

الكابوس لسيد أبو حفيظة , ساخر , كوميدى , دمه خفيف , وبالذات حلقة شيف المطبخ لطبخة ( المرار الطافح )

**هيثم** · 19-09-2009 03:02 PM

المشاركة الأصلية كتبت بواسطة olaosman

رووووووووووووعة.. إنتاج ضخم و إخراج ما حصلش و إتقان برضه ما حصلش و لا تقدر السينما المصرية تقدم حاجة زي كده.

برافو بجد الفن الإيراني :b4_388:

الكلام ده ينطبق على مريم المقدسه
اتعرض من 3 سنين تقريبا
وسلم لى على الرياده الاعلاميه

**د.احمدالشافعى** · 19-09-2009 06:36 PM

المشاركة الأصلية كتبت بواسطة aif

فيه برنامج وحيد كنت باشوفه احيانا .... الساعة 7 بعد الفطار على قناة المستقلة
البرنامج حوار على الهواء مباشرة من لندن مع اشرف السعد ....اسمه اخبار ام الدنيا
البرنامج ده جاب حاجات وحقائق من بلدنا الحبيبة ...... تخلي الواحد شعره يشيب اكتر ماهو شايب

+99999999999

**adel1414** · 19-09-2009 08:41 PM

حاولت احب اى حاجة واندمج معاها بس للاسف معرفتش..لانى متابع السينما والافلام الاجنبية بشدة فعند تحويل الدفة الى الافلام والمسلسلات والبرامج المصرية بحس بجدانهم بيشتغلونا و انى اتفه من التفاهة وبضحك على مدى السطحية اللى انافيها-راييى الشخصى-

**OlaOsman** · 19-09-2009 08:43 PM

الحوار اليومي مع عمر الشريف دسم جدا على فكرة و ممتع.

**enas75** · 19-09-2009 11:27 PM

مسلسل ونيس فقط
البرامج عمرو خالد
وبرنامج خواطر لاحمد الشقيري علي الرساله
وغير كده ولا بشوف ولا عايزه اشوف

**dr.nemo** · 20-09-2009 12:00 AM

الحقيقة مش متابع حاجة
انما اكتر حاجة كنت بشوفها
برنامج الداعية عمرو خالد -قصص القرآن 2
وبرنامج الداعية أحمد الشقيري - خواطر 5
وبرنامج الشيخ محمد العوضي - بيني وبينكم

**Eng.Osama.Afifi** · 20-09-2009 03:01 AM

المشاركة الأصلية كتبت بواسطة freeefair

قصص الانبياء لعمرو خالد
بس انا ليا ملاحظه على المسلسلات لاحظت ان العرى فى المسلسلات زايد جدا السنه ديه

وأنا كمان والله ... الحمد لله الذي عافانا من هذه العفانة

وبجد قصص الأنبياء لعمرو خالد تحفة ... ربنا يباركله ... تحليل رائع ومعاني قيمة وربط أحداث عبقري

ربنا يجعله في ميزان حسناته

المشاركة الأصلية كتبت بواسطة terrible_darsh

انا متابعه من زمــــــان و الجزء الجديد ده عمل فنى بمعنى الكلمة و الله العظيم محمد صبحي يستحق تمثال الفن .

اذا كان الفن رسالة فمحمد صبحي فنان بمعنى الكلمة , اما مسلسلات زى متخافوش و متجروش و الكلام ده زى نظام الضحك على الدقون .

بص الصراحة أنا من عشاق محمد صبحي وأعتقد أنه أكتر ممثل أنا بحبه ...

بس رأيي في المسلسل إنه فاشل في التصوير والإخراج والكلام مقطوع وبيقلب على مشهد وبداية المسلسل ونهايته سيئة جدا جدا جدا ... وبرضه محمد صبحي واقع في أخطاء أخلاقية كتير أوي زي مثلا لما كان قاعد عند اللبنانية في شقة لوحدهم بحجة إنها تعلمه أنجليزي ... رغم إن ده لا من الأصول ولا من الدين ولا حتة من الرجولة ....

المسلسل في رأيي أسوء جزء من الأجزاء ... وحاسس إنه الأول كان أحسن وأكثر إحتراما

بالمناسبة انا الحمد لله مش بتفرج على الدش لا في رمضان ولا بعد رمضان ... بس حبي لمحمد صبحي خلاني أنزل الحلقات من على النت بحيث أتفرج عليها بمزاجي ماتربطنيش بوقت معين

**E30power** · 20-09-2009 03:41 AM

انا الى شدنى فى رمضان مسلسل افراح ابليس .....وبالغصب ساعت الفطار كرومبو ....ورامز حول العالم دة مشكلة بس للاسف مكنتش بعرف اشوفة كتير
بس الواد دة دمة زى العسل ...............