لكل من يمتلك برسونا منذ فترة معقولة و مجربها

**mantoros** · 19-09-2009 12:52 AM

أرجو من سيادتكم التعليق الكامل و المحايد عن هذه السيارة لكل من يمتلكها منذ نزولها السوق
أرجو التعليق الكامل فقط من مالكيها و ليس مجربيها
و هذا من ناحية الشكل و الاداء و جودة التقفيل و الخامات و الكماليات خاصة اعلي فئة فيها
و ارجو الحيادية و الامانة المنتظرة بالطبع من رواد المنتدي

أرجو من من يستطيع ايضا المقارنة بينها و بين الجين2 و الواجا

كل عام و انتم بخير

أخوكم في الله

**mantoros** · 19-09-2009 01:49 AM

ايه ده!!!!!!!!
محدش عنده برسونا؟!!
هي وحشة اوي ولا ايه !!!!!!!!

معلش يا ريت تتعبوا شوية معايا

**jisso82** · 19-09-2009 02:20 AM

أنا مجربها و بقالها معايا حوالى شهرين ماشاء الله عليها جميلة آخر حاجة من ناحية الشكل هى أذواق و أعتقد حضرتك شفتها و إلا ما كنتش هتسأل عليها شكلها تحفة طبعا و الأداء جميل ما بشتكيش من حاجة الحمد لله
و جودة التقفيل دى مشكلتها الوحيدة زى مانت شايف على المنتدى إن بعض الخامات و جودة التقفيل مش على المستوى المطلوب بس برده مش للدرجة اللى تضايق يعنة عندى مثلا بيعلق المالتى فانكشن و مرة أو مرتين السنتر علق من الريموت و رجع اشتغل تانى لوحده. لكن غير كده الحمد لله ما قابلتنيش أى مشاكل و الكماليات ماشاء الله أعلى من كل العربيات اللى فى نفس الفئة السعرية و اللى أعلى منها كمان (فوج لايتس/mp3/ مالتى فانكشن ستيرينج ويلز/ جنوط سبورت/ مرايات كهرباء/ أربعة زجاج كهرباء/ باركينج سينسورز/ هيتر لإزالة الصقيع/ abs و epd/ وسادة هوائية للسائق و الراكب اللى جانبه/ ده طبعا كله من الذاكرة قد أكون ناسى حاجة بس أعتقد اللى قلته كفاية)

و بالنسبة لمقارنتها بالجين و الواجا هى طبعا أقل جمالا من الجين و أحلى كتير من الواجا ده من حيث الشكل
بالنسبة للإمكانيات و الكماليات أعتقد إن أعلى فئة متساوية فى التلاتة زى بعض تقريبا هتتفوق الجين فى إن فيه موتور للنور الأمامى و فوج لايت خلفى و موجود فى البرسونا بس الأوتو فقط حتى الهاى لاين المانيوال مش موجود فيها.

الواجا أوسع كصالون من الجين و البرسونا و خامات أعلى كجودة و تقفيل أفضل كتير بس يعيبها إن قطع غيارها نادرة جدا و خاصة بره التوكيل و أغلى كتير من قطع غيار الجين و البرسونا

**mimo3000** · 19-09-2009 03:09 AM

بص ياباشا انا معايا البرسونا بقالها بتاع شهر كده سافرت بيها مرتيين
من حيث الموتور العربيه بسم الله ماشاء الله جرايه وسريعه
من حيث اللثبات العربيه ثابته وكويسه انا وصلت 140 وكانت ثابته جدا ماشاء الله
من حيث الشكل انا عجبانى جدا عشان كده جبتها وطبعا بتختلف من شخص للتانى
من حيث الامكانيات من جوه فانا هاف اوبشن مش فل اوبشن ففى حجات كتيره مش عندى بس باللى عندى انا مرتاح جدا الحمد لله التكييف حلو اوى وكل الحجات كويسه بالنسبه للخامات انا شايف العربيه كأى عربيه ففئتها السعريه انا مش دافع تمن عربيه جاجوار يعنى عشان تبقى العربيه خاماتها احسن حاجات فالسوق انا من رايي بالنسبه لتمنها فخامتها حلوه اوى ومقارنه مع العربيات اللى فنفس تمنها
انا شايف انها بالنسبه لتمنها كويسه جدااااا

وبالنسبه للواجا انا معرفش حاجه عنها بس الجين تو والبرسونا زى بعض بالظبط معادا ان البرسونا بشنطه واوسع حبه

وربنا يوفقك ياباشا ويرزقك بالعربيه اللى فيها خير ليك

**ash257** · 19-09-2009 05:50 AM

المشاركة الأصلية كتبت بواسطة jisso82

أنا مجربها و بقالها معايا حوالى شهرين ماشاء الله عليها جميلة آخر حاجة من ناحية الشكل هى أذواق و أعتقد حضرتك شفتها و إلا ما كنتش هتسأل عليها شكلها تحفة طبعا و الأداء جميل ما بشتكيش من حاجة الحمد لله
و جودة التقفيل دى مشكلتها الوحيدة زى مانت شايف على المنتدى إن بعض الخامات و جودة التقفيل مش على المستوى المطلوب بس برده مش للدرجة اللى تضايق يعنة عندى مثلا بيعلق المالتى فانكشن و مرة أو مرتين السنتر علق من الريموت و رجع اشتغل تانى لوحده. لكن غير كده الحمد لله ما قابلتنيش أى مشاكل و الكماليات ماشاء الله أعلى من كل العربيات اللى فى نفس الفئة السعرية و اللى أعلى منها كمان (فوج لايتس/mp3/ مالتى فانكشن ستيرينج ويلز/ جنوط سبورت/ مرايات كهرباء/ أربعة زجاج كهرباء/ باركينج سينسورز/ هيتر لإزالة الصقيع/ abs و epd/ وسادة هوائية للسائق و الراكب اللى جانبه/ ده طبعا كله من الذاكرة قد أكون ناسى حاجة بس أعتقد اللى قلته كفاية)

و بالنسبة لمقارنتها بالجين و الواجا هى طبعا أقل جمالا من الجين و أحلى كتير من الواجا ده من حيث الشكل
بالنسبة للإمكانيات و الكماليات أعتقد إن أعلى فئة متساوية فى التلاتة زى بعض تقريبا هتتفوق الجين فى إن فيه موتور للنور الأمامى و فوج لايت خلفى و موجود فى البرسونا بس الأوتو فقط حتى الهاى لاين المانيوال مش موجود فيها.

الواجا أوسع كصالون من الجين و البرسونا و خامات أعلى كجودة و تقفيل أفضل كتير بس يعيبها إن قطع غيارها نادرة جدا و خاصة بره التوكيل و أغلى كتير من قطع غيار الجين و البرسونا

ربنا يبارك لحضرتك فيها بس ليا سؤال.
هي مانيوال ولا أوتو؟؟ وسعرها كام؟؟

**as01241** · 19-09-2009 09:25 AM

المشاركة الأصلية كتبت بواسطة ash257

ربنا يبارك لحضرتك فيها بس ليا سؤال.
هي مانيوال ولا أوتو؟؟ وسعرها كام؟؟

فول أوبشن مانيوال عاملة 86000 وكان فيه ديل تخفيض عن طريق أ / أيمن منسق منتدى بروتون مع محسن صالح رجل مبيعات عز العرب فرع الصحراوي وكان التخفيض 4000 وإحتمال يبقى فيه ديل تاني بردو عن طريق أيمن على موديلات 2010 بس مش عارف هيبقى التخفيض كام