تعديل مروحة تبريد رادياتير

**doohaarama** · 19-09-2009 11:30 AM

عملت تعديل مروحه على سير بدلا من المروحه الكهرباء لكثرة اعطالها ممكن حد يقولى هل ده غلط ولا صح علما بأن عندى لادا 2107 موديل 2006 و اعرف ازاى انها مصرى ولا روسى و فين عنوان التوكيل بالظبط

**moazallam** · 29-12-2009 06:14 PM

لو الحراره تمام يبقى صح وابقى رد عليا علي شان اركب انا كمان

**x_gomgom** · 30-12-2009 01:56 AM

يا جماعه هي مش عمليه صح او غلط بس الصراحه عيب تعديل المروحه علي سير انه في الزحام العربيه بتسخن اكتر بسبب ان المروحه سرعتها بتكون قليله (سرعه السلانسيه) لكن على السريع العربيه بتبرد بسرعه جداً.....
اما ميزه المروحه الكهرباء انك مش هتعاني من مشكله سرعه التبريد في الزحام لكن عيبها اعطال المروحه او ثرموستات المروحه...
للعلم انا معايا لادا نيفا 1993 المروحه على سير و بصراحه شايف انه مقرف جداً بذات في الصيف و الزحام...
يا رب اكون افدت

**Jimmy_lada** · 30-12-2009 02:50 AM

هو فعلا اما السرعة بتقل بتسخن العربية

لو عرفت تعمل عند كهربائى نضيف مفتاح للمروحة بالاضافة للاتوماتيك

هيكون احسن

**HADEDA** · 03-01-2010 12:07 AM

ياجماعه ه عيب المروحه ده موجود فى اللادا عموما ولا ايه ياريت تطمنونى عشان بفكر اجيب واحدة انشاء اللة

**x_gomgom** · 03-01-2010 01:52 AM

هو مش عيب...
المروحه الكهرباء شغاله معايا زي الفل في الادا ال 2107 ...

**ah79** · 02-03-2010 12:56 PM

احب اوضح حاجة وهي ان المروحة الكهرباء بتعمل من خلال ثرموستات وهو المتسبب الاول في عملها وبالتالي اذا حدثعطل بالمروحة يكون اما انها تعمل بشكل مستمر بدون توقف حتي لو السيارة متوقف عمل موتورها او يحدث العكس ان تتوقف عن العمل تماما لانها تاخذ الامر بالدوران من الثرموستات ...وبما ان هناك ندرة في الاسواق في الثرموستات النظيفة وعمرها قصير...فعن تجربة عند تغيير الثرموستات يفضل ان يكون ايطالي او اسباني ويكون حدود درجة الحرارة المكتوب عليه هو 68 - 84 ولا يتعدي هذا الحد الاقصي حتي لا يسبب سخونة كبيرة للسيارة لحين بدء الثرموستات باعطاء امر للمروحة بالعمل

**M.ABDEEN** · 02-03-2010 01:46 PM

طيب المروحة الاصلية اللي في العربية اللي على السير ليه مجربتش تجيب واحدة عدد الريش بتاعتها اكبر مع كمان تصغير الطنبورة (طنمبورة قطرها صغير ) بحيث يكون في سماحية بعدد اكبر من اللفات

**a7madramadan** · 02-03-2010 02:57 PM

انا موش هافتي في موضوع المروحة لإني موش فاهم حاجة فيه

بس بالنسبه لموضوع الروسي و المصري...

الاكصدام بتاعك لو بلاستيكي و فيه شريط كروم/نيكل تبقى روسي

و لو كله الامونيوم و فيه زي خط بلاستيكي اسود في النصف يبقى مصري عموما اعمل search lada 2107 و شوف نفس الصورة الي انا حاططها الاكصدام بتاعها روسي

**wolf2** · 04-03-2010 06:59 PM

المشاركة الأصلية كتبت بواسطة m.abdeen

طيب المروحة الاصلية اللي في العربية اللي على السير ليه مجربتش تجيب واحدة عدد الريش بتاعتها اكبر مع كمان تصغير الطنبورة (طنمبورة قطرها صغير ) بحيث يكون في سماحية بعدد اكبر من اللفات

احذر احذر من تقليل او تصغير حجم الطنبوره لإن ده هيأثر بالتالى على عدد لفات الدينامو بالزياده مما يؤدى الى سرعه تلف البلى الداخلى - و أيضا زياده سرعه طرمبه الميه و استهلاكها سريعا ( عن تجربببببببببببببه )