مشكلتي مع المساعدين

**ConDoR** · 19-09-2009 04:27 PM

بسم الله الرحمن الرحيم

اولا احب اقول لكل كل سنه وانتوا طيبين

انا من يومين سمعت اصوات غريبه جايه من العربيه من ورا رحت فضيت الشنطه كنت فاكر ان فيه صوت منها بس طلع الصوت جاي من تحت شويه رحت للعفشجي ربنا يكرمه اللي غيرلي جوز المساعدين الخلفي من 3 شهور وطبعا اكتشفت انهم غرقو الدنيا زيت الراجل علشان بتعامل معاه قالي حجبلك 2 تانين بسعر حلو جدا قلت على بركه

الله غيرت جوز المساعدين وكله تمام يدوب نزلت مشوار القاهره ورجعت كانت المساعدين جابو زيت رحتله اتخانقت معاه

وقالي انه حغيريهم ويجيب حاجه كويسه طبعا الكلام دا في يومين كل يوم بمساعد غير المساعدين طلع جرب العربيه

زي الفل بس انبسطت وكله تمام جيت خرجت ومع اول مطب بدات اسمع الاصوات تاني مش معقول مطب يبوظ جوز

مساعدين العيب عندي ولا في المساعدين ولا في سواقتي انا بجد حتجنن دا تاني مساعد اغيره في يومين وبرده

نفس الاصوات الغبيه بسمعها ورا

معلش طول عليكم بس نسيت اقول اني مقصر اليايات حوالي عقله ونص لان العربيه عاليه اوي من ورا وانا مش بحبها كدا هيا سقطت شويه مش كتير بس مش بتحك الحمدلله وكمان انا مركب صدادات ورا علشان لما حد يركب متحكش

ياترى عرفتو العيب من ايه ؟

1- الصدادات
2-تقصير اليايات
3-المساعدين بتوع العفشجي كفته

لو عرفتو الاجابه الصحيحه ردوا اعليا بمشاركه علشان حتجنن ومش عاوز اروح اقف عند عفشجيه تانيه

**Lion_Heart** · 19-09-2009 08:38 PM

هوه انته كنت بتجيب المساعدين استيراد ؟ و لا كان بيقولك سيبهم و انا اصلحهملك ؟
و لا كنت بتشترى جديد و يا ترى نوعهم ايه ؟؟؟؟

**MoMohsen** · 19-09-2009 09:06 PM

طبعا تقصير اليايات هو السبب الاساسى مع مساعد نص سبب فرعى بس حتى لو ركبت مساعد جديد هيحصل نفس المشكله بس مش بنفس السرعة طبعا.
والسبب انك لما قصرت اليايات المساعد بقى مضغوط عالطول و مشوارة قليل اكنك مركب 3 فى الكنبه ودول مهبطين العربيه طول الوقت من ورا و بالتالى مسألة وقت و تلاقى المساعد جاب زيت