الايرباج؟!

**gebreel** · 19-09-2009 10:16 PM

انا ان شاء الله هشتري لوجان فول اوبشن فيها ايرباج و الموضوع ده يهمني جدا بس مش عارف فجاة بقيت خايف ان مع اي حادثة صغير تطلع الايرباج و تشلني كليا فكنت عاوز اعرف هي بتشتغل ازاي و الدنيا فيها بتبقى فيها عاملة ازاااء؟! و هل لما الايرباج بتطلع مش هعرف اسوق العربية مثلا لحد البيت؟ و كنت سمعت انها لما بتطلع بحتاج ساعتها اغير التابلوه كله فمعلش ممكن اي حد عنده اي فكرة على القصة دي ياريت يفدني و شكرا مقدما

**Ahmed Selim** · 20-09-2009 01:32 AM

الأيرباج مش بتطلع فى كل الحوادث

بتطلع بشروط معينة يجب أن تتوافر فى الصدمة.

كان فى موضوع قبل كده ( أعتقد فى قسم كيا ) عن عربية سيراتو عملت حادثة و الأيرباج مطلعتش......هتلاقى فيها معلومات مهمة بالنسبة للأيرباج....

و أى عربية فيها أيرباج واحدة بتبقى قدام السواق فى الطارة مش فى التابلوه.......يعنى لا قدر الله لو طلعت اللى هيتغير طارة الدركسيون بس.

اللى بيتغير فيها التابلوه بتبقى الأيرباج بتاعة الراكب اللى جنب السواق و مش فى كل العربيات كمان......يعنى فى عربيات معمول فيها أيرباج للراكب و موجود حتة فى التابلوه بتتفتح و تطلع منها الأيرباج من غير ما يتكسر التابلوه......بس قليل العربيات اللى كده.

**A.Saad** · 20-09-2009 01:46 AM

اللى اعرفه ان مالوش تصليح فى مصر
يعنى بعد الحادثة الطارة او التابلة بيتبدلوا سواء بنوع فيه ابرلاج او لا
وسمعت ان فيه ناس بتلحم الفيبرة اللى تحطها الايرباج بس
لكن كنظام بيكون مش شغال

**Ahmed Selim** · 20-09-2009 01:50 AM

المشاركة الأصلية كتبت بواسطة A.Saad

اللى اعرفه ان مالوش تصليح فى مصر
يعنى بعد الحادثة الطارة او التابلة بيتبدلوا سواء بنوع فيه ابرلاج او لا
وسمعت ان فيه ناس بتلحم الفيبرة اللى تحطها الايرباج بس
لكن كنظام بيكون مش شغال

صح الكلام

**gebreel** · 20-09-2009 04:02 PM

بس الايرباج شئ مهم جدا فحتى لو لقدر الله اشتغل تصليحه مهم و بعدين التأمين بيتهيئلي بيغطي القصة دي مش كدة؟!

**Ahmed Selim** · 20-09-2009 08:21 PM

المشاركة الأصلية كتبت بواسطة superiorboy

بس الايرباج شئ مهم جدا فحتى لو لقدر الله اشتغل تصليحه مهم و بعدين التأمين بيتهيئلي بيغطي القصة دي مش كدة؟!

التأمين بيغطى جزء من تمن الأيرباج مش كله.

و لو أشتريت الطارة أستيراد بكبسولة الأيرباج بتركب عادى مكان القديمة و بتشتغل......و أعتقد أنها مع الوقت مش هتبقى غالية قوى ( بتاعة الميجان ب 800 أو 900 من بق الراجل بدون فصال......لأنى كنت بسأل من باب العلم بالشئ فقط )

و ربنا ما يحوجنا للأيرباج.

**SAMEH_FOUAD** · 20-09-2009 08:30 PM

الايرباج بتفتح عن طريق وجود حساس بعد صدر العربية الحساس دة اول لما الصدمة بتوصلة بيفتح الايرباج فورا ودة بيتم عن طريق غاز سريع الانفجار بيتولد ويقوم بنفخ الوسادة فى جزء من الثانية
يعنى ممكن عربية تلاقيها لاقدر الله مقلوبة والايرباج مش مفتوح ,ودة عشان الصدمة ماوصلتش لمكان الحساس
وبالنسبة لما بعد الحادث ,الطارة كدة كدة لازم تتغير ,واغلب السيارات اللى موجودة للاسف لازم تغير التابلوة كلة ,زى الانسر مثلا
وبعدين اللى موجود فى السيارات العادية دية الايرباج بالتكنولوجيا القديمة ,لان دلوقتى الايرباج الجديدة ,بتستشعر حجم الشخص اللى قاعد على الكرسى اللى جنب السائق ,كمان بتستشعر اذا كان فية حد قاعد جنبك ولا لأ ,عشان ماتتفتحش على الفاضى
وهية من ناحية خطرة فهية خطرة فى انها ساعات بتخنق الشخص اللى موجود لحد مالغاز يهدى ويقل وربنا يسترها معانا ان شاء الله

الموضوع: الايرباج؟!

LinkBack

أدوات الموضوع

عرض

الايرباج؟! - انشر الموضوع فى :

-

-

-

-

-

المواضيع المتشابهه

الايرباج

الايرباج !

الايرباج

الايرباج

الايرباج

الكلمات الدلالية لهذا الموضوع

المفضلات

المفضلات

ضوابط المشاركة