معى عشرون الف برجاء الترشيح

**amro1965** · 19-09-2009 10:16 PM

السلام عليكم ورحمه الله وبركاته
معى عشرون الف جنيه ولسه بايع عربيه هذا الشهر ومحتاج سيارة صالونها يساع 5 افراد على الاكثر - اقتصادية فى البنزين تقبل بنزين 80 - ثابته على الطريق - قطع غيار رخيصه - موديل فوق 90 ومافوق بسبب شبح الا حلال والتكهين - عفشتها قويه تستحمل مطبات مصر المختلفه
لانى للاسف الشديد مركز كل بحثى فى نوعين فقط حتى الان ومش عارف غيرهم ريجاتا ولادا وحتى الان لم اجد ضالتى فى الاثنين
فبرجاء من خلال تجرتكم واستخدامكم للسيارات المختلفه تقدروا توجهونى التوجيه الصحيح
وماخاب من استشار وشكرا لجميع الاعضاء المتفاعلين مع مداخلتى

**thegoodhacker** · 19-09-2009 11:04 PM

انت عاوز عربية قوية و موديلها فوق ال90 و سعرها في حدود ال20 الف يبقي مفيش غير اللادا ........ مفيش ريجاتا موديلها اعلي من سنة 90 ......
من تجربتي فان العربية اللادا محترمة جدا و تتحمل البهدلة و السفر و قطع غيارها رخيصة و بالتالي انصحك بيها طالما تقدر تتعود علي سواقتها الخشنة نوعا ما ......
فيه نقطة بس حبيت اوضحهالك بالنسبة لموضوع التكهين ان لو لاقدر الله حصل فعلا ( مع اني استبعد الموضوع ده خالص بالنسبة للملاكي ) فان اصحاب العربيات المستعملة اللي مر عليها 10 سنين واكتر كلهم حيتضرروا مش اللي عربيته حتتكهن بس ...... وحاديلك مثال : دلوقتي مثلا واحد جايب عربية موديل 92 يعني بقالها 17 سنة شغالة و تمنها حاليا 25 الف جنيه لو موضوع التكهين ده اتطبق و حيكهنوا العربيات اللي مر علي انتاجها 20 سنة ...... طب صاحبنا ده اللي عربيته فاضلها 3 سنين و تتكهن بعدها لو حب يبيع مين اصلا حيفكر يشتري عربيته ؟ و حيشتريها بكام ؟

**amro1965** · 20-09-2009 03:56 PM

شكرا اخى العزيز على مداخلتك لكن حضرتك ركزت على الادا فقط
طيب ايه رايك فى سيارة ستروين ax موديل فوق 93 وبتبقى مكيفه انتى ايه رايك وراى الاعضاء

**ابوهاشم** · 21-09-2009 10:29 PM

131 تستحمل كل اللى انت قولت عليه
وسيبك من الاحلال لانه عمره ما هيكون اجبارى

**mostafa3000** · 22-09-2009 04:23 PM

ax

**x_gomgom** · 22-09-2009 05:04 PM

هو الصراحه في حاجات كتير في الحدود دي...
في الادا و الفيات فيها بولونيز و 131 و 132 و 128 و عندك كما ذكر الاخ السيتروين ax بس هي صغيره شويه....
لو قرصت سنه ممكن اكسيل هيونداي او اكسنت ...
هو في عربيات كتير في الحدود دي لو محتار انزل في مره سوق السيارات و اتفرج على الموديلات الموجوده و اسعارها ايه عشان تعرف االي متاح ليك عشان مش بعد ما تجيب تقول ليه مفكرتش في دي ولا مجيبتش دي...
يا رب اكون افدت

**ahmedzizo131** · 22-09-2009 09:11 PM

كان فى واحد زميل بيبيع 131 ( تكيف + باور + سنتر + ازار كهرباء ) موديل حاجة و تمانين
و سعرها كان مهاود .

**amro1965** · 22-09-2009 10:16 PM

مشكلتى انى انا عايز ابعد عن الثمانينات واكون فى امان التسعينات
هو فى فكرة انى ممكن استنى شوية فى حدود ثلاثه شهور ممكن يرتفع المبلغ باذن الله الى 23 الف جنيه لانه بطبع لازم يكون معى الف جنيه اضافى ايضا مصاريف فحص السيارة او تسجيل السيارة او اضافه كماليات اخرى لان مالكى السيارات اذواقهم بتختلف
لان كل اللى معه سيارة ضارب فى العالى جدا مابين ثلاثه الى خمسه الاف جنيه فرق سعر السوق الحالى
ليس امامى طريق اخر