مفيش مؤشر حرارة

**ahmadmidop** · 10-09-2009 07:10 AM

انا معنديش مؤشر للحرارة في التابلوه هوا عبارة عن لمبة بتنور لو الحرارة زادت طب ازاي اعرف ان العربية سخنة الى حد ما مش شرط سخنة جامد وهل الطبيعي ان بعد مشوار واحط ايدي على صاج الكبوت الاقيه سخن ولا المفروض يبقى بااارد بصراحة انا ماكنتش باخد بالي من الموضوع ده اول مرة اجرب احط ايدي على الصاج واشوف وشكرا

**Dr Zezo** · 10-09-2009 10:58 AM

في موديلات متنوعة الايام دي من غير مؤشر فقط لمبة تضيئ عند ارتفاع الحرارة

الحل هو متابعة سوائل التبريد في السيارة بانتظام للوقوف علي اي خلل مبكرا

وبانتظار افادة بعض الاخوة في هذه النقطة

اما سخونة الكبوت ده وضع طبيعي لأن الموتور بيشع حرارة تتسرب الي الكبوت وهذا امر طبيعي جدا

**ahmadmidop** · 10-09-2009 08:19 PM

بجد الف شكررر على الاهتمام

**semsem_uno** · 11-09-2009 04:20 AM

منا نفس الموضوع في الأونو بس ده علشان انا اونو باسيك اللي هي اقل حاجة
انما بعد كده في السوبر فيجن و الأونو ال اس اكس و اللي فوق كده بيبقي فيه حرارة و ار بي ام و كل حاجة
بس ممكن لو حضرتك زيي كده في الباليو تجيب لوحة عدادات التبلوه بتاعت اللي بعدكده يبقي فيها العدادات
يعني انا ممكن اشيل اللي عندي و اجيب بتاعت الأونو ال اس اكس مثلا و كده
فشوف كده ايه النظام عندك في الباليو الا بقي لو كل الباليو كده
و علي الله ماكنش شوشت عليك زيادة :)

**ahmadmidop** · 11-09-2009 12:36 PM

لااا الف شكر ياباشا

**amrbakly** · 11-09-2009 08:57 PM

علي فكرة تابلوة الأونو الكامل موجود في الوكالة و في بورسعيد و انا شوفت واحد منة عند الكيلاني بس كان للعرض فقط و الراجل هناك قالي ممكن يعمل بتاع 400 جنية مثلا كلة علي بعضة

بس انا مش عارف هل تغييرة يستلزم تعديلات في وصلات الكهربا او في الضفيرة مثلا؟

لأني لما جربت اركب واحد خارجي قبل كدة لاقيت ان لية سلك كهربا و حوارات فياريت لو حد سبق و غير يقولنا

**simsim011** · 17-09-2009 04:38 PM

سؤال يا حماعة أنا لسة مغير حساس اس الحرارة فى بونتو 2 وعايز اسال هو ميعاد تغيير المية امتى عشان الععربية سخنت بعد اسبوعين

**semsem_uno** · 22-09-2009 01:12 PM

مبدءيا تحط ساءل تبريد و يفضل من المحطات و سيبك من المصري و السعودي
و تغسل الريداتير و تشتري مزيل الصداء و انت بتغسل
و تعيد الكلام ده تاني كل فترة طويلة يعني 20000 كم او 30

**amrbakly** · 22-09-2009 06:11 PM

علي فكرة يا شباب انا حطيت المية الخضرا بتاعت وطنية، الجركن كان عامل 26 جنية، و حطيت معاه علبة من السائل الأخضر المركز اللي بـ 15 جنية دة، عايز اقولكم ان المية مبتنقصش غير مرة كل شهر تقريبا حاجة كدة تقريبا قد ربع كباية شاي

و اللي عايز بقي اداء افضل بلا منازع، مية موبيل الجركن عامل حوالي 45 جنية و يضرب علية المركز برضة ، بس تجربتي مع بتاع وطنية رغم انة خفيف شوية انما كويس فعلا

كمان عايز اقول حاجة، لمبة الحرارة في الأونو تعني ان فية مشكلة في العربية في المقام الأول، يعني لو خرطوم اتخرم او في تسريب او اي حاجة من النوع دة، بس هي بصراحة تقلق برضة لأن نفترض اللمبة فيوزها ضرب و انت مش واخد بالك او اللمبة اتحرقت، حتبقي فعليا لبست في الحيط، احنا لازم نشوف حل للقصة دية او حد يكون مركب امبير حرارة في مكان حلو ميبوظش شكل التابلوة مثلا