اعتذار واجب للإدارة و خاصة كريم منير

**Karim_Monir** · 20-09-2009 05:48 AM

لاء واضح انك ما تعرفنيش فعلا
اولا الاعتذار من شيم الرجال وبكده اقدرك بشدة
لكنى
والله
والله
والله
لم انتظره منك ولا من غيرك
يا هاني (بدون القاب) المنتدى ده كله قايم على عمل تطوعى
ولو عايز مصلحة كان انكشف من زمان لكنه مستمر بفضل الله وفضل نيتنا
اللي ربنا سبحانه وتعالى اعلم بيها واعلم بما تخفى السرائر
كل سنة وانت بخير وعيد سعيد عليك وعلى اسرتك
واعتذارك غالي من شخص اغلى
ولا يلزمك في الاصل
لكنه كرم المحتد ظهر في اخلاقك الرفيعة
سلام عليكم
ملحوظة:شكر خاص جدا جدا
لكل من حاول انهاء تلك الازمة سواء كان سرا او علانية
ولكل من يحب هذا المكان وهذا المنتدى بكل اعضائة في الله وبالله

**dr-mohamed** · 20-09-2009 05:59 AM

والله والله والله زي كريم محدش احسن من حد

انا يوم بعد يوم بتاكد اني فعلا في موقع محترم ووسط اعضاء محترمين وادارة محترمة

مش عيب يا اخ هاني اننا نغلط لكن العيب اننا نستمر في الغلط او المعاندة والكبر

والاعتذار عند الخطأ عمره ما كان بيقلل من قيمة الانسان بالعكس بيرفع من قيمته ويدل على انه انسان محترم فعلا

اما كريم وبرغم انى لسة مشفتهوش (ولما اشوفه هغرمه في عزومة ) الا انى والله العظيم وبدون مجاملة شايفه انسان جميل جدا وحد عاقل جدا جدا جدا ربنا يكرمه في صحته وفي اولاده هو وكل الناس المحترمة اللى في الموقع والمسلمين والبشرية كلها

كل سنة وانتم طيبين يا اجمل موقع على النت

**A.Saad** · 20-09-2009 06:04 AM

يا رب
منتدنا ديما يكبر وديما نفضل نحب بعض
ونسامح بعض فى اى هفوة
ونتجمع فى الخير ان شاء الله

**mahmoud_magdy** · 20-09-2009 09:38 AM

السلام عليكم وورحمة الله وبركاته
انا عاوز اقول بس ربنا يحسن اكتر واكتر
في اخلاقكم الجميله دي
والله صعب الواحد يلاقي حد محترم في تعاملاته الدنيويه
لكن الاصعب انها تكون موجوده على الانترنت بشكل عام
لكن ما شاء الله كل واحد بيدخل الموقع هنا
وبيتعرف عليكو لازم يثق تماما ان فيه أشخاص محترمين متواجدين
تقبل الله منا ومنكم الصيام
وكل عام وانت بخير